गन्‍ती 35:8 - नेवाः बाइबल

⁸ थुपिं शहरत इस्राएलीतय्‌गु सम्‍पत्तिपाखें वइ। तःधंगु कुलं यक्‍व अले चिधंगु कुलं कम शहर लेवीतय्‌त बी। फुक्‍क कुलं थथःगु सर्बयया आकारकथं लेवीतय्‌त शहर बीमाः।”

गन्‍ती 35:8 ပူးပေါင်းရင်းမြစ်များ

उत्‍पत्ति 49:7

इमिगु तंयात सराः लायेमा छाय्‌धाःसा व तसकं ग्‍यानापु। इमिगु तंयात सराः लायेमा छाय्‌धाःसा व तसकं छाः। जिं इमित ब्‍वथलाबी जिं इमित इस्राएलय् छ्यालब्‍याल यानाबी।

२ इतिहास 11:14

अले लेवीत थथःगु घाँय् दुगु ख्‍यः व सम्‍पत्ति त्‍वःताः यहूदा व यरूशलेमय् च्‍वंवल, छाय्‌धाःसा इस्राएलया जुजु यारोबाम व वया काय्‌पिन्‍सं इमित परमप्रभुया पुजाहारी जुयाः सेवा याके मब्‍यू।

प्रस्‍थान 16:18

इमिसं व ओमेरं दाना स्‍वःबलय् अप्‍वः मुंकूपिनि अप्‍वः मजू, कम मुंकूपिनि मगाः मजू। फुक्‍कसिनं माःछि जक मुन।

लेवी 25:32

“‘लेबीतय्‌सं नं इमिगु अधिकारया शहरया छेँ न्‍ह्यागु इलय् नं लिफ्‍याना काये फु।

गन्‍ती 26:54

तःधंगु पुचःयात तःधंगु सर्बय अले चिधंगु पुचःयात चिधंगु सर्बय ब्‍यु। फुक्‍कसित इमिगु थःगु सर्बय धलखय् दुथ्‍याःगु ल्‍याःकथं बीमाः।

गन्‍ती 33:54

छिमिसं थथःगु सर्बयकथं व देशय् गोला तयाः जमिन इनाब्‍यु। अप्‍वः छेँजः दुगु कुलयात अप्‍वः अले कम छेँजः दुगु कुलयात छिमिसं कम सर्बय ब्‍यु। सुयागु गोला गन लाइ व वयागु हे जुइ। छिमिगु पुर्खाया कुलकथं थ्‍व इनाब्‍यु।

गन्‍ती 35:9

परमप्रभुं मोशायात धयादिल,