गन्‍ती 35:34 - नेवाः बाइबल

³⁴ छिपिं च्‍वंवनेत्‍यंगु देशय् जि थः हे नं च्‍वनेगु जूगुलिं व देशयात अशुद्ध याये मते। जि परमप्रभु इस्राएलीतय् दथुइ च्‍वनीम्‍ह खः।’”

गन्‍ती 35:34 ပူးပေါင်းရင်းမြစ်များ

गन्‍ती 5:3

मिसाम्‍ह जूसां मिजंम्‍ह जूसां इमित छाउनीं पितिनाछ्व। इमिसं यानाः जि च्‍वनेगु छिमिगु छाउनी अशुद्ध मजुइमा।”

भजनसंग्रहया सफू 135:21

यरूशलेमय् च्‍वनादीम्‍ह परमप्रभुयात सियोनय् प्रशंसा या! हल्‍लेलूयाह!

प्रकाश 21:27

पवित्र मजूगु छुं हे अन दुकाइ मखु। घच्‍चायापुसे च्‍वंगु ज्‍याखँ यानाजुइपिं, अथवा मखुगु खँ ल्‍हानाजुइपिं सुं हे अन दुकाइ मखु। भ्‍याःचायागु जीवनयागु सफुलिइ च्‍वयातःपिं मनूतय्‌त जक अन दुकाइ।

होशे 9:3

इपिं परमप्रभुया देशय् च्‍वनी मखु। एफ्राइम मिश्र देशय् लिहांवनी। अश्‍शूरय् अशुद्धगु नसा नइ।

यशैया 57:15

छाय्‌धाःसा सदां म्‍वानाच्‍वनादीम्‍ह, तच्‍वकं मानय् याये बहःम्‍ह, गुम्‍हय्‌सिगु नां पवित्र खः, वय्‌कलं धयादी, “जि दक्‍वसिबय् च्‍वय् पवित्रगु थासय् च्‍वनीम्‍ह खः, तर जि पश्‍चातापी व क्‍वमिलुपिंनापं नं च्‍वनीम्‍ह खः, अले जिं क्‍वमिलुया आत्‍मां छिमित बल्‍लाकाबी, अले पश्‍चातापयागु नुगःयात नं बल्‍लाकाबी।

भजनसंग्रहया सफू 132:14

वय्‌कलं धयादिल, “थ्‍व ला न्‍ह्याबलेंया लागि झासु लनेगु थाय् खः, जि थन सिंहासनय् च्‍वने, छाय्‌धाःसा जितः थ्‍व हे यः।

१ राजा 6:13

अले जि इस्राएलया दथुइ च्‍वने, जिं जिमि प्रजा इस्राएलयात गुबलें नं त्‍वःते मखु।”

प्रस्‍थान 25:8

“जि इमिगु दथुइ च्‍वनेत इमिसं जिगु निंतिं छगू नापलायेगु पाल दय्‌केमाः।

प्रकाश 21:3

सिंहासनं तःसलं थथे धकाः धयाहःगु सः जिं ताल – “स्‍व, आः परमेश्‍वर मनूतलिसे दी। वय्‌कः इपिं नाप हे च्‍वनादी। इपिं वय्‌कःया मनूत जुइ। परमेश्‍वर थः हे इमि परमेश्‍वर जुयाः इपिं लिसे च्‍वनादी।

यशैया 8:12

“गुगु नं खँयात थुमिसं जाः ग्‍वयातःगु धकाः धाइ उकियात छं पत्‍याः याये मते। छु खं इपिं ग्‍याइ छ ग्‍याये मते अले नुगः भाराभारा मिंके मते।

व्‍यवस्‍था 21:8

हे परमप्रभु, छिं उद्धार यानादीपिं छिकपिनि प्रजा इस्राएलया निंतिं थ्‍व प्रायश्‍चित नाला कयादिसँ। छम्‍ह दोष मदुम्‍ह मनूयात स्‍याःगुया अपराधया निंतिं थः मनूतय्‌त पाःयानादी मते।” अले थ्‍व मनूया हियागु दोषं इमित क्षमा दइ।

व्‍यवस्‍था 21:23

वयागु सीम्‍ह चच्‍छि हे थामय् यख्‍खानातये मते अय्‌नं उखुन्‍हु हे वयात थुनाः बीमाः छाय्‌धाःसा यख्‍खाःम्‍ह न्‍ह्याम्‍हं नं परमेश्‍वरपाखें सराः लाःम्‍ह खः। परमप्रभु छिमि परमेश्‍वरं छिमिगु अधिकारय् बियादीगु देशयात अशुद्ध याये मते।

यर्मिया 16:18

इमिगु अधर्म व पापया निंतिं जिं इमित निदुगं सजाँय बी, छाय्‌धाःसा इमिसं जिगु देशयात इमिगु घच्‍चाइपुगु द्यःतय्‌गु ज्‍यालगय् मजूगु मूर्तिं अशुद्ध याःगु दु। अले जिगु सर्बययात इमिसं थःगु घच्‍चाइपुगु मूर्तिं जाय्‌कूगु दु।”

गन्‍ती 16:3

इपिं मोशा व हारूनयागु विरोध यायेत मुनाः इमित धाल, “छिं थःत तसकं तःधंकादीगु दु! खलःया फुक्‍क मनूत पवित्र जू, अले परमप्रभु इमिगु दथुइ दी। छाय् छिकपिन्‍सं थःपिन्‍त परमप्रभुया मुँज्‍या स्‍वयाः तःधंकादियागु?”

व्‍यवस्‍था 6:15

छाय्‌धाःसा छिमिगु दथुइ च्‍वनादीम्‍ह परमप्रभु छिमि परमेश्‍वर नुगः मुइकादीम्‍ह परमेश्‍वर खः। अथे मयात धाःसा परमप्रभु छिमि परमेश्‍वरयागु तं छिमित लाइ, अले वय्‌कलं छिमित पृथ्‍वीं नाश यानादी।

इजकिएल 35:10

“‘जि परमप्रभु अन दुगु जूसां छं थथे धाःगु दु, “उपिं निगू जाति यहूदा व इस्राएल अले इमिगु देश झीगु जुइ। झीसं इमित अधिकार याये।”