गन्‍ती 34:6 - नेवाः बाइबल

⁶ “‘छिमिगु पच्‍छिमया लागा भूमध्‍यसागरया सिथ तक जुइ। छिमिगु पच्‍छिमया सिमाना थ्‍व हे जुइ।

गन्‍ती 34:6 ပူးပေါင်းရင်းမြစ်များ

इजकिएल 47:10

मृत सागरया सिथ सिथ न्‍या लाइपिं दनाच्‍वनी। एन-गदींनिसें एन-एग्‍लैम तक जाः ह्वलिगु थाय् दइ। अन भूमध्‍यसागरय् थें थीथी कथंयापिं यक्‍व न्‍यात दइ।

इजकिएल 47:15

“देशया सिमाना थ्‍व हे जुइ – “उत्तरपाखे भूमध्‍ये सागरंनिसें हेतलोनया लँ जुयाः लेबो-हमात जुयाः सदादया ब्‍यासि,

इजकिएल 47:20

“पच्‍छिम पाखेयागु सिमाना भूमध्‍यसागर जुइ, लेबो-हमातया लिक्‍क च्‍वंगु सिथ तक। थ्‍व पच्‍छिमया सिमाना जुइ।

गन्‍ती 34:5

अनं सिमाना अज्‍मोनं चाःहिलाः मिश्रया ब्‍यासि थ्‍यंकाः भूमध्‍यसागरय् क्‍वचाइ।

गन्‍ती 34:7

“‘छिमिगु उत्तरया लागा भूमध्‍यसागरंनिसें न्‍ह्यानाः होर पर्वत तक थ्‍यनी।

व्‍यवस्‍था 34:2

फुक्‍क नप्‍ताली, एफ्राइम व मनश्‍शेया देश अले भूमध्‍यसागर तकया यहूदाया फुक्‍क देश,

यहोशू 1:4

छिमिगु देशया सिमाना दच्‍छिनय् च्‍वंगु मरुभूमिंनिसें उत्तरय् लेबनानया पहाड तक, पुर्बय् तःधंगु खुसि यूफ्रेटिसंनिसें हित्तीतय्‌गु देश तक कयाः पच्‍छिमय् भूमध्‍यसागर तक थ्‍यनी।

यहोशू 15:11

हानं व सिमाना एक्रोनया उत्तर जुयाः शिक्‍करोन वल। अनं बाला पहाड जुयाः यब्‍नेलपाखे चाःहिलाः समुद्रया सिथय् क्‍वचाल।

यहोशू 15:12

पच्‍छिमयागु सिमाना भूमध्‍यसागरया सिथ खः। यहूदा कुलया वंश वंशकथं क्‍वःछ्यूगु प्‍यखेरंया सिमाना थ्‍व हे खः।

यहोशू 15:47

अश्‍दोद व थुकियागु प्‍यखेरं च्‍वंगु शहर व गां। गाजा व उकियागु शहर व गां, मिश्रयागु ब्‍यासि व भूमध्‍यसागर सिथ थ्‍यंक।

यहोशू 23:4

जिं गथे यानाः यर्दन खुसिंनिसें पच्‍छिमय् भूमध्‍यसागर तकयापिं जिं त्‍याकाःपिं अले ल्‍यंदुपिं जातितय्‌गु फुक्‍क इलाका चिट्ठा ततं छिमिगु कुलतय्‌त सर्बयकथं इनाबियागु खः व लुमंकि।

यहोशू 9:1

यर्दनया पच्‍छिमपाखे पहाडी देशय् व पच्‍छिमया फेदीइ अले लेबनान तक भूमध्‍यसागरया सिथय् च्‍वनिपिं फुक्‍क हित्ती, एमोरी, कनानी, परिज्‍जी, हिव्‍वी व यबूसी जुजुपिन्‍सं थ्‍व खँ न्‍यनाः