गन्‍ती 34:19 - नेवाः बाइबल

¹⁹ इमिगु नां थथे दु – “कुल – नायः यहूदा – यपुन्‍नेया काय् कालेब

गन्‍ती 34:19 ပူးပေါင်းရင်းမြစ်များ

उत्‍पत्ति 29:35

वया हाकनं प्‍वाथय् दयाः काय् बुल। वं धाल, “थुगुसी ला जिं परमप्रभुयात तःधंके।” उकिं वयागु नां यहूदा तल। अनंलि वया मचाबुइगु दित।

उत्‍पत्ति 35:22

याकूब अन हे च्‍वनाच्‍वंबलय् रूबेन थः बौया मथ्‍याःम्‍ह कलाः बिल्‍हालिसे द्यन। याकूबं थ्‍व खँ सिल। याकूबया झिंनिम्‍ह काय् दु –

उत्‍पत्ति 35:23

लेआया पाखें, दक्‍वसिबय् तःधीम्‍ह रूबेन, अले शिमियोन, लेवी, यहूदा, इस्‍साखार व जबूलून।

भजनसंग्रहया सफू 60:7

गिलाद व मनश्‍शेनं जिगु हे खः। एफ्राइम जिगु छ्यंया सुरक्षा खः। यहूदा जिगु राजदण्‍ड खः।

गन्‍ती 13:30

कालेबं मोशाया न्‍ह्यःने मनूतय्‌गु म्‍हुतुप्‍वाः तिकाः थथे धाल, “झीसं थत्‍थें थाहां वनाः व देशय् अधिकार यायेमाः। धात्‍थें झीसं इमित त्‍याकेफइ।”

गन्‍ती 13:4

इमिगु नां थथे दु – रूबेनया कुलपाखें जक्‍कूरया काय् शम्‍मूअ,

गन्‍ती 13:6

यहूदाया कुलपाखें यपुन्‍नेया काय् कालेब,

गन्‍ती 14:24

तर जिमि दास कालेबयाके मेगु हे आत्‍मा दु। वं जितः दुनुगलंनिसें विश्‍वास याःगु दु। जिं वयात व वनावःगु देशय् यंके, अले वया सन्‍तानं अन अधिकार याइ।

गन्‍ती 14:30

अले यपुन्‍नेया काय् कालेब व नूनया काय् यहोशू बाहेक छिपिं मध्‍ये सुं नं जिं ल्‍हाः ल्‍ह्वनाः छिमित तये धकाः पाफयागु देशय् वने दइ मखु।

गन्‍ती 14:38

देशया चिवा काःवंपिं मनूत मध्‍ये यहोशू व कालेब जक ल्‍यन।

गन्‍ती 14:6

अले चिवा काःवंपिं नूनया काय् यहोशू व यपुन्‍नेया काय् कालेबं थथःगु वसः खुनाः

गन्‍ती 26:65

परमप्रभुं उपिं इस्राएलीतय्‌त मरुभूमिइ धात्‍थें सिनावनी धकाः धयादीगु खः। अथे जुयाः यपुन्‍नेया काय् कालेब व नूनया काय् यहोशू बाहेक उपिं मध्‍ये छम्‍ह नं मिजं म्‍वानामच्‍वं।

गन्‍ती 34:18

थथे इनेत इमित ग्‍वाहालि बीत छगू छगू कुलं छम्‍ह छम्‍ह नायः नं ल्‍य।

व्‍यवस्‍था 1:36

यपुन्‍नेया काय् कालेबं जक व देश स्‍वये खनी। दुनुगलंनिसें परमप्रभुया ल्‍यू जूगुलिं वं पला तःगु बँ जिं वयात व वया सन्‍तानयात बी।”

व्‍यवस्‍था 33:7

यहूदा कुलया बारे वं थथे धाल, “हे परमप्रभु, इमिसं ग्‍वाहालि फ्‍वंगु न्‍यनादिसँ! मेमेगु कुलनापं इमिसं हानं छप्‍पँ यानादिसँ। हे परमप्रभु, इमिगु लागि ल्‍वानादिसँ, इमि शत्रुतय्‌गु विरोधय् इमित ग्‍वाहालि यानादिसँ!”