गन्‍ती 33:53 - नेवाः बाइबल

⁵³ व देशयात त्‍याकाकयाः छिपिं अन हे च्‍वँ, छाय्‌धाःसा जिं व देश छिमित अधिकार यायेत बियागु दु।

गन्‍ती 33:53 ပူးပေါင်းရင်းမြစ်များ

उत्‍पत्ति 15:7

वय्‌कलं वयात धयादिल, “छन्‍त थ्‍व थाय् बीत कल्‍दीतय्‌गु ऊरं थन हयाम्‍ह परमप्रभु जि हे खः।”

भजनसंग्रहया सफू 115:16

स्‍वर्ग ला परमप्रभुयागु हे खः, पृथ्‍वी धाःसा वय्‌कलं मनूतय्‌त बियादीगु दु।

दानिएल 4:17

“‘थज्‍याःगु फैसला पिवाः स्‍वर्गदूततय्‌सं क्‍वःछ्यूगु खः। दक्‍वसिबय् तःधंम्‍ह परमेश्‍वरया संसारया फुक्‍क देशय् अधिकार दु, अले वय्‌कलं थःम्‍हं हे ल्‍ययादीपिन्‍त शासन यायेत देशत बियादी, अज्‍ज ला उकी शासन यायेत दकलय् चिधंपिन्‍त नं तयादी, धयागु खँ फुक्‍क मनूतय्‌सं सीमा धकाः पवित्रपिन्‍सं थज्‍याःगु फैसला घोषणा याःगु खः।’

दानिएल 4:25

मनूतय् राज्‍यय् दक्‍वसिबय् तःधंम्‍ह परमेश्‍वरयागु अधिकार दु व वय्‌कःयात सु यः वयात राज्‍य बियादी धयागु खँ छःपिन्‍सं सीकामकातले न्‍हय्‌गू काल तक मनूतपाखें छःपिन्‍त लिनाछ्वइ। छःपिं गुँपशुतलिसें च्‍वनादीमाः। छःपिन्‍सं सा द्वहंनं थें घाँय् नयादी अले आकाशया सुति लखं छःपिन्‍त प्‍याकी।

दानिएल 4:32

मनूतय् राज्‍यय् दक्‍वसिबय् तःधंम्‍हय्‌सिगु फुक्‍क अधिकार दु, व वय्‌कःयात सु यः वयात बियादी धयागु खँ छं सीकामकातले न्‍हय्‌गू काल तकया लागि मनूतय् दथुं छन्‍त लिनाछ्वइ, अले छ गुँपशुत लिसे च्‍वनी। छं सा द्वहंनं थें घाँय् नयेमाली।”

मत्ती 20:15

जिं थःगु धिबा थः यःम्‍हय्‌सित बी मदु ला? जिं बिल धकाः छिमि तं पिहां वः ला कि?’”

व्‍यवस्‍था 11:31

छिपिं परमप्रभु छिमि परमेश्‍वरं बियादीगु देश त्‍याका कायेत यर्दन खुसि छिनावने त्‍यंगु दु। छिपिं व थाय्‌यात त्‍याकाः अन च्‍वनाच्‍वनीबलय्

व्‍यवस्‍था 17:14

परमप्रभु छिमि परमेश्‍वरं बियादीगु देशय् वनाः उकियात त्‍याकाकयाः अन च्‍वनाः छिमिसं “जिमि प्‍यखेरं च्‍वनिपिं फुक्‍क जातितय्‌सं थें छम्‍ह जुजु दय्‌के” धकाः धाल धाःसा

व्‍यवस्‍था 3:18

उबलय् जिं यर्दन पुर्ब च्‍वनाच्‍वनिपिन्‍त थ्‍व आज्ञा बिया, “परमप्रभु छिमि परमेश्‍वरं थ्‍व देश छिमित अधिकार यायेत बियादीगु खः। अय्‌नं छिमि सकलें सेना ल्‍वाभः ज्‍वनाः थः इस्राएली दाजुकिजातय्‌गु न्‍ह्यःने न्‍ह्यःने वनेमाः।

व्‍यवस्‍था 32:8

दक्‍वसिबय् तःधंम्‍हय्‌सिनं जाति जातियात इमिगु सर्बय बियादिल। गबले वय्‌कलं मानव जातियात अलग अलग तयादिल अले इस्राएलीतय्‌गु ल्‍याःकथं इमिगु सिमाना क्‍वःछिनादिल।

व्‍यवस्‍था 7:17

छिमिसं मनमनं थथे धायेफु, “थुपिं जाति झीपिं स्‍वयाः बल्‍ला अले झीसं गथे यानाः इमित पितिनाछ्वये फइ?”

यहोशू 1:6

बल्‍ला व साहसी जु! छाय्‌धाःसा जिं इमि पुर्खातय्‌त बी धकाः पाफयागु देश इमिगु अधिकारय् हयेत छ हे इमि न्‍ह्यलुवाः जुइ।

यहोशू 21:43

थुकथं परमप्रभुं इमि पुर्खातलिसे बी धकाः पाफयादीगु फुक्‍क देश इस्राएलीतय्‌त बियादिल। अले इमिसं व देश अधिकार यानाः अन च्‍वन।

यहोशू 23:5

परमप्रभु छिमि परमेश्‍वर थःम्‍हं हे छिमिगु न्‍ह्यःने इमित पित छ्वयादी। अले परमप्रभु छिमि परमेश्‍वरं धयादी थें छिमिसं इमिगु देश अधिकार याइ।