गन्‍ती 33:3 - नेवाः बाइबल

³ न्‍हापांगु लाया झिंन्‍यान्‍हु खुन्‍हु इपिं रामसेसं न्‍ह्याः वन। छुत्‍काराया नखःया कन्‍हय् खुन्‍हु इपिं फुक्‍क मिश्रीतय्‌सं खंक हे धूमधामं पिहां वन।

गन्‍ती 33:3 ပူးပေါင်းရင်းမြစ်များ

उत्‍पत्ति 47:11

योसेफं फारों धाःथें थः बौ व दाजुकिजापिन्‍त रामसेस धाःथाय् च्‍वंगु मिश्रया दक्‍वसिबय् भिंगु व बांलाःगु थाय् बियाः तल।

भजनसंग्रहया सफू 105:38

मिश्रीत इपिं खनाः ग्‍यात, मिश्रीत इपिं पिहां वंबलय् लय्‌ताल।

प्रस्‍थान 1:11

अथे जुयाः मिश्रीतय्‌सं इमित थाकुगु ज्‍या बियाः सास्‍ती यायेत इमिथाय् ज्‍यामि नायःत छ्वल। इमिसं फारोया निंतिं धुकू दय्‌केत पिताम व रामसेस धाःगु निगू शहर दय्‌कल।

प्रस्‍थान 12:2

“थ्‍व ला छिमिगु निंतिं दँया न्‍हापांगु ला जुइ।

प्रस्‍थान 12:37

इस्राएलीत रामसेसंनिसें सुक्‍कोत तक न्‍यासि वन, मिस्‍त व मस्‍त त्‍वःताः खुगू लाख ति मनूत दु।

प्रस्‍थान 13:4

छिपिं पिहां वंगु आबीब लाया थ्‍वखुन्‍हुयात लुमंकि।

प्रस्‍थान 14:8

परमप्रभुं मिश्रया जुजु फारोया नुगः छाय्‌कादिल। उकिं वं इस्राएलीतय्‌त ल्‍यू वन, अय्‌नं इस्राएलीत मग्‍यासे वनाच्‍वन।

यशैया 52:12

अय्‌नं छिपिं हथाय् चाचां बिस्‍युं वनी मखु, छाय्‌धाःसा परमप्रभु छिमिगु न्‍ह्यः न्‍ह्यः झायादी, इस्राएलया परमेश्‍वरं छिमिगु ल्‍यूल्‍यू च्‍वनाः रक्षा यानादी।

मीका 2:13

लँ दय्‌कादीम्‍ह इमिगु न्‍ह्यःने झाइ। इपिं ध्‍वाखा स्‍यंकाः पिने पिहांवनी। इमि जुजु इमिगु न्‍ह्यः न्‍ह्यः वनी। परमप्रभु इमिगु न्‍ह्यःने न्‍ह्यःने दइ।”

गन्‍ती 33:2

मोशां परमप्रभुया उजंकथं यात्राबलय् बाय् च्‍वंगु थाय्‌या धलः दय्‌कल।