गन्‍ती 32:4 - नेवाः बाइबल

⁴ थ्‍व फुक्‍क लागायात परमप्रभुं इस्राएलया खलःया निंतिं त्‍याकादीगु खः। थ्‍व पशुतय्‌गु निंतिं ल्‍वःगु थाय् खः। छिकपिनि दासतय्‌के यक्‍व पशुत दु।

गन्‍ती 32:4 ပူးပေါင်းရင်းမြစ်များ

१ इतिहास 4:41

च्‍वय् नां च्‍वयातःपिं मनूत यहूदाया जुजु हिजकियाया इलय् वयाः हाम वंशयापिं च्‍वनीगु थाय्‌यात व अन दुपिं मोनी जातियापिन्‍त भज्‍यंक नाश यानाबिल। इमिसं इमिगु नां तक ल्‍यं मदय्‌क इमित नाश यानाबिल। इपिं इमिगु थासय् च्‍वन, छाय्‌धाःसा अन फै-च्‍वलय् ज्‍वयेत ख्‍यः दु।

यर्मिया 50:19

तर जिं इस्राएलयात वयागु थःगु हे ख्‍यलय् लित हये अले व कर्मेल व बाशानय् जइ। वयागु नये पित्‍याःगु एफ्राइम व गिलादया डाँडाय् लुधनी।”

मीका 7:14

हे परमप्रभु, छिं कथि ज्‍वनाः थः प्रजायात ज्‍वयादिसँ, नायुगु ख्‍यलय् व गुँइच्‍वनीपिं छिगु सर्बयया फैच्‍वलय्‌त ज्‍वयादिसँ। कर्मेल डाँडाया गुँइ याकःचा च्‍वंनाच्‍वंसां इपिं न्‍हापा थें हे बाशान व गिलादय् च्‍वंगु घाँय्‌ख्‍यलय् वनाः ज्‍वयेमा।

गन्‍ती 21:24

अय्‌सां इस्राएलीतय्‌सं वयात तरवारं स्‍यात, अले अर्नोन खुसिंनिसें यब्‍बोक खुसि तक इमिगु देश त्‍याका काल। अम्‍मोनीतय्‌गु सिमाना तक जक त्‍याका काल, छाय्‌धाःसा इमिगु सिमाना बल्‍लाःगु खः।

गन्‍ती 21:34

अले परमप्रभुं मोशायात धयादिल, “व खनाः ग्‍याये मते, छाय्‌धाःसा जिं वया फुक्‍क सेना व देशनापं छंगु ल्‍हातय् तयाबियागु दु। अले छं एमोरीतय् जुजु हेश्‍बोनय् च्‍वंम्‍ह सीहोनयात गथे यानागु खः वयात नं अथे हे या।”

गन्‍ती 21:35

अथे जुयाः इमिसं वयात, वया काय्‌पिन्‍त अले वया फुक्‍क मनूतय् सुं छम्‍ह नं ल्‍यं मदय्‌क फुक्‍कसित स्‍यानाः इस्राएलीतय्‌सं इमिगु देश त्‍याका काल।

गन्‍ती 32:5

छिं जिपिं खनाः लय्‌ताः धइगु खःसा थ्‍व जमिन छिकपिनि दासतय्‌त जिमिगु सम्‍पत्ति जुइत बियादिसँ। जिमित यर्दन खुसिया उखे यंकादी मते।”

व्‍यवस्‍था 4:38

छिमिसं थःपिं स्‍वयाः तःधं व शक्ति दुपिं जातितय्‌गु देशय् दुहां वनाः उकियात अधिकार यायेत वय्‌कलं इमित लिना छ्वयादीगु दु। व थौं तक छिमिगु अधिकारय् दु।