गन्‍ती 32:33 - नेवाः बाइबल

³³ अले मोशां गादीत, रूबेनीतय्‌त व योसेफया काय् मनश्‍शेया बच्‍छि कुलयात एमोरीतय् जुजु सीहोनयागु देश व बाशानया जुजु ओगयागु देश इमिगु सिमाना दुने लाःगु शहर नापं फुक्‍क देश बिल।

गन्‍ती 32:33 ပူးပေါင်းရင်းမြစ်များ

१ इतिहास 12:31

दाऊदयात जुजु दय्‌केत मनश्‍शेया बच्‍छि कुलं – झिंच्‍याद्वः (१८,०००) म्‍ह मनू वल।

१ इतिहास 26:32

दाऊद जुजुं यरियाहया थःथितितपाखें परिवार परिवारयापिं निद्वः व न्‍हय्‌सःम्‍ह नायःतय्‌त ल्‍यल, अले इमित रूबेनीत, गादीत व मनश्‍शेया बच्‍छि कुलया निंतिं जुजुयागु ज्‍या व परमेश्‍वरयागु ज्‍या स्‍वयेगु जिम्‍मा बिल।

१ इतिहास 5:18

रूबेन, गाद व बच्‍छि मनश्‍शे कुलय् ढाल, तरवार व धनुष वाण चले यायेगु तालिम काये धुंकूपिं ४४,७६० म्‍ह सिपाइँत दु।

गन्‍ती 32:1

रूबेन व गाद कुलयापिन्‍के यक्‍व हे पशुत दु। इमिसं याजेर व गिलाद देश खंबलय् व थाय् पशु लहित ज्‍यूगु खन।

गन्‍ती 32:32

जिपिं ल्‍वाभः ज्‍वनाः परमप्रभुया न्‍ह्यःने खुसिया उखेपाखे कनान देशय् वने, अय्‌नं जिमिगु थःगु सर्बय यर्दनया थुखे हे जुइमा।”

गन्‍ती 34:14

रूबेनया कुल, गादया कुल, व मनश्‍शेया बागू कुलया छेँजःतय्‌त इमिगु सर्बय दये धुंकल।

गन्‍ती 34:15

थुपिं निगू व बागू कुलं यरीहोया मेखेपाखे यर्दन खुसिया पुर्बपाखे थथःगु सर्बय काये धुंकूगु दु।”

व्‍यवस्‍था 29:8

अले झीसं इमिगु देश कयाः सर्बयकथं रूबेनी, गादी व मनश्‍शेया बच्‍छि कुलयात इनाबिया।

यहोशू 12:1

यर्दनया पुर्बय् दच्‍छिनय् अर्नोन खुसिंनिसें उत्तरय् हेर्मोन पर्वत तक अर्थात अराबया पुर्ब पाखेया फुक्‍क लागा इस्राएलीतय्‌सं त्‍याकाकाःगु खः। इस्राएलीतय्‌सं त्‍याकाकाःगु व लागायापिं निम्‍ह जुजुपिं थुपिं खः –

यहोशू 12:6

परमप्रभुया दास मोशा व इस्राएलीतय्‌सं इपिं निम्‍ह जुजुपिन्‍त बुकल। परमप्रभुया दास मोशां रूबेनीतय्‌त, गादीतय्‌त व मनश्‍शेया बच्‍छि कुलयात अधिकार यायेत थुपिं निम्‍ह जुजुपिनिगु देश बिल।

यहोशू 14:3

मोशां निगू व बच्‍छि कुलयात न्‍हापा हे यर्दनया पुर्बय् लाःगु देश सर्बयकथं इनाबी धुंकूगु खः। लेवीया सन्‍तानतय्‌त धाःसा वं देशयागु छुं सर्बय् ब्‍यूगु मदु।

यहोशू 22:4

आः छिमि परमप्रभु परमेश्‍वरं छिमि मेपिं इस्राएलीतय्‌त नं थःगु बचंकथं आराम बियादी धुंकूगु दु। उकिं परमप्रभुया दास मोशां यर्दन पारि छिमित ब्‍यूगु थःगु जमिन दुगु थथःगु छेँय् लिहां हुँ।

यहोशू 22:7

मनश्‍शेया बच्‍छि कुलयात ला मोशां बाशानय् जमिन ब्‍यूगु खः। मनश्‍शेया मेपिं बच्‍छियात धाःसा यहोशूं यर्दनया पच्‍छिमपाखे मेपिं इस्राएलीतय्‌गु दथुइ जमिन बिल। उकिं यहोशूं इमित छेँय् छ्वःबलय् सुवाः बियाः

१ शमूएल 13:7

गुलिं गुलिं हिब्रूत यर्दन खुसि पुलाः गाद व गिलादया जिल्‍लाय् तक नं बिस्‍युं वन। शाऊल धाःसा गिलगालय् हे च्‍वनाच्‍वन व वया ल्‍यूल्‍यू वःपिं फुक्‍क मनूत ग्‍यानाः तसकं खात।