गन्‍ती 32:29 - नेवाः बाइबल

²⁹ वं इमित धाल, “गादी व रूबेनीत छिपिंनापं परमप्रभुया न्‍ह्यःने लडाइँलय् ल्‍वाभः ज्‍वनाः यर्दनया उखे वंसा अले देश छिमिगु ल्‍हातय् दये धुंकाः छिमिसं गिलाद देश इमित सम्‍पत्तिकथं ब्‍यु।

गन्‍ती 32:29 ပူးပေါင်းရင်းမြစ်များ

गन्‍ती 32:17

अले जिपिं इस्राएलीतय्‌त इमिगु थासय् मथ्‍यंकुतले ल्‍वाभः ज्‍वनाः इमिगु न्‍ह्यः न्‍ह्यः लडाइँलय् वने। उबलय् जिमि मिस्‍त व मचाखाचा थ्‍व देशयापिं मनूतपाखें बचय् जुइत जिमिसं दय्‌कागु शहरय् पःखाः दुने च्‍वनाच्‍वनी।

गन्‍ती 32:28

अले मोशां इमिगु खँय् एलाजार पुजाहारी, नूनया काय् यहोशू व इस्राएलीतय् कुलया नायःतय्‌त उजं बिल।

गन्‍ती 32:30

इपिं ल्‍वाभः ज्‍वनाः छिपिंनापं यर्दन छिनाः मवन धाःसा इमित छिपिंनापं कनान देशय् हे जमिन दइ।”

यहोशू 12:6

परमप्रभुया दास मोशा व इस्राएलीतय्‌सं इपिं निम्‍ह जुजुपिन्‍त बुकल। परमप्रभुया दास मोशां रूबेनीतय्‌त, गादीतय्‌त व मनश्‍शेया बच्‍छि कुलयात अधिकार यायेत थुपिं निम्‍ह जुजुपिनिगु देश बिल।

यहोशू 13:11

गशूरी व माकातीयापिं मनूतय्‌गु इलाका गिलाद, हेर्मोन पर्वत, फुक्‍क बाशान सलका तक हे

यहोशू 14:3

मोशां निगू व बच्‍छि कुलयात न्‍हापा हे यर्दनया पुर्बय् लाःगु देश सर्बयकथं इनाबी धुंकूगु खः। लेवीया सन्‍तानतय्‌त धाःसा वं देशयागु छुं सर्बय् ब्‍यूगु मदु।

यहोशू 18:7

लेवी कुलतय्‌त धाःसा छिमिगु दथुइ छुं सर्बय् दइ मखु, छाय्‌धाःसा परमप्रभुं बियादीगु पुजाहारीया ज्‍या हे इमिगु सर्बय् खः। गाद, रूबेन व मनश्‍शेया बच्‍छि कुलयात यर्दनया पुर्बय् परमप्रभुया दास मोशां ब्‍यूगु इलाका दये धुंकूगु दु।”

यहोशू 22:9

अले रूबेनी, गादी व मनश्‍शेया बच्‍छि कुल परमप्रभुयागु आज्ञाकथं मोशापाखें इमित ब्‍यूगु अधिकारया देश गिलादय् वनेत इस्राएलीतलिसें बिदा जुयाः कनान देशयागु शीलों लिहां वन।

न्‍यायकर्ता 10:3

वया लिपा गिलादयाम्‍ह याईर न्‍यायकर्ता जुल। व निइनिदँ तक इस्राएलीतय् न्‍ह्यलुवाः जुल।

१ शमूएल 18:17

अनंलि शाऊलं दाऊदयात धाल, “जिं जिमि तःधिकःम्‍ह म्‍ह्याय् मेराबयात छनापं ब्‍याहा यानाबी, तर उकिया पलेसा छं जिगु सेवा यायेमाः अले परमप्रभुया निंतिं लडाइँ यायेमाः।” शाऊलं थःगु हे ल्‍हातं मखु तर पलिश्‍तीतय्‌गु ल्‍हातं दाऊदयात स्‍यायेगु बिचाः याःगु खः।