गन्‍ती 32:27 - नेवाः बाइबल

²⁷ अय्‌नं छिसं धयादी थें जिपिं लडाइँ याइपिं फुक्‍कं मनूत परमप्रभुया न्‍ह्यःने लडाइँ यायेत ल्‍वाभः ज्‍वनाः न्‍ह्यः न्‍ह्यः यर्दनया उखे वने।”

गन्‍ती 32:27 ပူးပေါင်းရင်းမြစ်များ

गन्‍ती 11:28

ल्‍याय्‌म्‍हबलय्‌निसें मोशाया ग्‍वाहालिमि जुयाच्‍वंम्‍ह नूनया काय् यहोशूं मोशायात धाल, “जिमि प्रभु, इमित पनादिसँ!”

गन्‍ती 12:11

अले हारूनं मोशायात धाल, “हे जिमि मालिक, जिमिसं मूर्ख जुयाः यानागु पापया सजाँय जिमित बियादी मते!

गन्‍ती 32:17

अले जिपिं इस्राएलीतय्‌त इमिगु थासय् मथ्‍यंकुतले ल्‍वाभः ज्‍वनाः इमिगु न्‍ह्यः न्‍ह्यः लडाइँलय् वने। उबलय् जिमि मिस्‍त व मचाखाचा थ्‍व देशयापिं मनूतपाखें बचय् जुइत जिमिसं दय्‌कागु शहरय् पःखाः दुने च्‍वनाच्‍वनी।

गन्‍ती 32:28

अले मोशां इमिगु खँय् एलाजार पुजाहारी, नूनया काय् यहोशू व इस्राएलीतय् कुलया नायःतय्‌त उजं बिल।

गन्‍ती 36:2

“परमप्रभुं इस्राएलीतय्‌त सर्बय‌कथं गोला तयाः देश इनाबीत छितः उजं बियादीगु खः। अले जिमि किजा सलोफादया सर्बय वया म्‍ह्याय्‌पिन्‍त ब्‍यु धकाः नं परमप्रभुं छितः उजं बियादीगु खः।

यहोशू 4:12

मोशां इमित धाःथें रूबेनया कुल गादया कुल व मनश्‍शेया बच्‍छि कुलया मिजंतय्‌सं ल्‍वाभः ज्‍वनाः इस्राएलीतय् न्‍ह्यःने हे खुसि छिनावन।