गन्‍ती 32:23 - नेवाः बाइबल

²³ “छिमिसं थःपिन्‍सं धाःथें मयात धाःसा छिमिसं परमप्रभुया न्‍ह्यःने पाप याःगु जुइ। अले छिमिगु पाप छिमित लाइ।

गन्‍ती 32:23 ပူးပေါင်းရင်းမြစ်များ

उत्‍पत्ति 13:13

सदोमया मनूत तसकं दुष्‍ट व परमप्रभुया विरोधय् पाप यानाजुइपिं खः।

उत्‍पत्ति 4:7

छं भिंगु ज्‍या याःसा ला छन्‍त नं यय्‌कीगु खः नि। छं भिंगु ज्‍या मयात धाःसा पाप छंगु लुखाय् हे वयाच्‍वनी। वं छन्‍त ल्‍हातय् कायेत स्‍वइ, तर छं वयात बसय् काये हे माः।

उत्‍पत्ति 44:16

यहूदां धाल, “जिमिसं छु धाये, प्रभु! जिमिसं गय् यानाः जिपिं निर्दोषपिं धकाः क्‍यने? परमेश्‍वरं जिमित दोषी धकाः क्‍यनादिल। आः जिपिं फुक्‍क छिकपिनि दास जुल, अज्‍ज अप्‍वः यानाः ला ख्‍वला दुम्‍ह जुल।”

२ शमूएल 3:39

जि अभिषेक जूम्‍ह जुजु जूसां सरूयाहया थुपिं दयामदुपिं काय्‌पिनि न्‍ह्यःने जि बमलाःम्‍ह व शक्ति मदुम्‍ह जूगु दु। इपिं जिगु निंतिं तसकं हे बल्‍लाःपिं खः। परमप्रभुं मभिंगु ज्‍या याइपिन्‍त उकिया पाय्‌छिगु लिच्‍वः बियादीमा।”

१ राजा 2:32

जिमि बौ दाऊदं मसीकं योआबं निम्‍ह मनू स्‍याःगुलिं परमप्रभुं वयात सजाँय बियादी। योआबं थः स्‍वयाः भिंपिं निम्‍ह स्‍वजापिं मनूत इस्राएलया सेनापति नेरया काय् अबनेर व यहूदाया सेनापति येतेरया काय् अमासायात तरवारं स्‍याःगु खः।

१ राजा 2:33

इमिगु हिया दोष योआब व वया सन्‍तानया छेनय् न्‍ह्याबलें दयाच्‍वनेमा। तर दाऊद व वय्‌कःया सन्‍तान, वय्‌कःया परिवार व वय्‌कःया सिंहासनय् परमप्रभु पाखेंया शान्‍ति न्‍ह्याबलें दयाच्‍वनेमा।”

भजनसंग्रहया सफू 139:11

जिं खिउँगुयात “जितः सुचुकी” धकाः धाःसां अले जिगु प्‍यखेंया जःयात “चा जुयाब्‍यु” धाःसां

भजनसंग्रहया सफू 140:11

मखुगु खँ ल्‍हाइपिन्‍त पृथ्‍वीइ सुथांलाकादी मते। ग्‍यानापुपिं मनूत याकनं हे नाश जुइमा।

भजनसंग्रहया सफू 90:8

छिं जिमिगु पाप थःगु न्‍ह्यःने तयादी, जिमिगु सुलाच्‍वंगु पापयात थःम्‍हं खनीगु थासय् तयादी।

हितोपदेश 13:21

पापीतय्‌सं दुःखकष्‍ट फयेमाली, धर्मीतय्‌सं सिरपाःकथं आशिष काइ।

हितोपदेश 24:16

भिंपिं मनूत न्‍हय्‌कः क्‍वदःसां हाकनं दना वइ। तर दुष्‍ट मनूत छकः विपत्ति वल कि हे क्‍वदःगु क्‍वदलं तुं जुइ।

हितोपदेश 5:22

दुष्‍ट मनू थःगु मभिंगु ज्‍यां थःगु हे जालय् क्‍यनी। वयागु पापया खिपतं वयात हे ची।

यशैया 3:11

धिक्‍कार दुष्‍टतय्‌त! दुष्‍ट मनूतय्‌गु धाःसा पक्‍का हे नाश जुइ। अले इमिगु ल्‍हातं याःगु ज्‍याया पाय्‌छिगु ज्‍याला दइ।

यशैया 59:12

छाय्‌धाःसा जिमिगु द्वंबिद्वं छिगु न्‍ह्यःने यक्‍व दु, अले झीगु पापं हे झीगु विरोधय् साक्षी बी। जिमिगु द्वंबिद्वं जिपिंनापं हे दु अले जिमिगु अधर्मत जिमिसं नालाकाये।

योना 1:7

जहाज चले याइपिनि थःथवय् खँ ल्‍हात, “सुनां यानाः झीत आपत जूगु खः चिट्ठा तयाः स्‍वये वा।” इमिसं चिट्ठा तल, अले योनायागु नामय् लात।

रोमी 2:9

मभिंगु ज्‍याखँ यानाजुइपिं सकलें मनूतय्‌त दकलय् न्‍हापालाक यहूदीतय्‌त अले यहूदीमखुपिन्‍त आपत व सह याये मफय्‌क दुःखकष्‍ट बियादी।

१ कोरिन्‍थी 4:5

उकिं ई स्‍वयाः न्‍हापा छुं खँय् न्‍याय यायेगु याये मते। तर प्रभु झाया मदितले पियाच्‍वँ। छाय्‌धाःसा वय्‌कलं मनूतय्‌गु नुगलय् च्‍वंगु गुप्‍ति ज्‍याखँ, अले हानं सुनानं मसीक याःपिनिगु ज्‍याखँ नं उलादी। थथे जुइ धुंकाः स्‍याबास बी माःपिं मनूतय्‌त परमेश्‍वरं हे स्‍याबास बियादी।

यहोशू 7:18

अले छेँजःयापिं मिजंत छम्‍ह छम्‍ह न्‍ह्यःने हल। यहूदा कुलया कर्मीया काय् आकानयात ज्‍वन (कर्मी जब्‍दीया काय् खः, जब्‍दी जेरहया काय् खः)।