गन्‍ती 32:14 - नेवाः बाइबल

¹⁴ “हे पापीतय् सन्‍तान! आः हाकनं छिपिं परमप्रभुयात इस्राएलीतलिसे अझ यक्‍व तं चाय्‌केत छिमि बौपिनि थासय् दंवयाच्‍वंगु दु।

गन्‍ती 32:14 ပူးပေါင်းရင်းမြစ်များ

उत्‍पत्ति 5:3

सच्‍छि व स्‍विदँ दुबलय् आदमया थःथें तुं च्‍वंम्‍ह काय् बुल। वं वयागु नां शेत तल।

उत्‍पत्ति 8:21

उकिं लय्‌तायाः परमप्रभुं मनं मनं धयादिल, “मनूया नुगलय् मचांनिसें हे मभिंगु खँ बुयावःसां आः हाकनं जिं मनूया कारणं पृथ्‍वीयात सराः बी मखुत। अले न्‍हापा याना थें आः हाकनं ज्‍यान दुपिं फुक्‍कसितं नाश याये मखुत।

२ इतिहास 28:13

थुमिसं धाल, “थुपिं कैदीतय्‌त थन हये मते! झीसं परमप्रभुया विरोधय् पाप यानाः परमेश्‍वरया तःधंगु तं इस्राएलयाके लाःगु दु। आः झीगु अपराध अज्‍ज अप्‍वय्‌के मास्‍ति वः ला?”

एज्रा 10:10

अले पुजाहारी एज्रां दनाः इमित धाल, “छिमिसं विदेशी मिस्‍तलिसें ब्‍याहा यानाः अपराध याःगु दु, अले थुकिं यानाः इस्राएलया दोष अप्‍वः जूगु दु।

नहेम्‍याह 13:18

छु छिमि पुर्खातय्‌सं नं थज्‍याःगु ज्‍या याःगुलिं झी परमेश्‍वरं झीके व थ्‍व शहरय् फुक्‍क विपत्तित हयादीगु मखु ला? आः छिमिसं शबाथयात अपवित्र यानाः अज्‍ज परमप्रभुया तं अप्‍वय्‌का इस्राएलतय्‌गु विरोध यानाच्‍वंगु दु।”

अय्‍यूब 14:4

सुनां अशुद्धपाखें शुद्ध लिकाये फइ? सुनानं फइ मखु।

भजनसंग्रहया सफू 78:57

थः तापाःबाज्‍यापिं थें इपिं नं परमेश्‍वरयात धोखा बीपिं व विश्‍वास मदुपिं जुयाः जुल। अले स्‍यंगु धनुष थें भर मदुपिं जुयाः जुल।

यशैया 1:4

धिक्‍कार पापी जाति! दोषं क्‍वत्‍यकाच्‍वने माःपिं मनूत, दुष्‍ट ज्‍या यानाजुइपिनि मस्‍त, मभिंगु ज्‍या यानाजुइपिनि सन्‍तान, इमिसं परमप्रभुयात ल्‍वमंकूगु दु, इमिसं इस्राएलया पवित्र परमेश्‍वरयात हेला याःगु दु अले वय्‌कःपाखें फहिलावंगु दु।

यशैया 57:4

छं सुयात गिजय् यानाच्‍वनागु? छिमिसं सुयागु विरोधय् खँ ल्‍हानाः मे पिकयाच्‍वनागु? छु छिपिं हे विद्रोही मनूत थें ज्‍या याइपिं अले मखुगु खँ ल्‍हाइपिं थें ज्‍या याइपिं, मखु ला?

इजकिएल 20:21

“‘तर इमि काय् म्‍ह्याय्‌पिन्‍सं नं जिगु विरोधय् विद्रोह यात। इपिं जिगु उजंकथं मजुल, अले जिगु व्‍यवस्‍था पालन यायेत होशियार मजू, “खः ला उपिं पालन याःसां मनूत उपिंपाखें हे म्‍वाइ” अले इमिसं जिगु विश्रामबारयात अशुद्ध यात। उकिं जिगु तं क्‍वलाकेत इपिं मिश्र देशय् दुबलय् हे इमिके जिगु तं प्‍वंके धकाः ख्‍याच्‍वः बिया।

गन्‍ती 32:15

छिपिं हाकनं वय्‌कःया ल्‍यूल्‍यू जुइगुपाखें फःहिला वन धाःसा वय्‌कलं थुपिं फुक्‍क मनूतय्‌त हाकनं मरुभूमिइ त्‍वःतादी। अले इमिगु नाशया कारण छिपिं जुइ।”

लूका 11:48

थुकथं छिमि तापाःबाज्‍यापिन्‍सं इमित स्‍याना छ्वःगु छिमित तसकं यः धकाः सीदत, छाय्‌धाःसा तापाःबाज्‍यापिन्‍सं इमित स्‍यायेगु ज्‍या यात, अले छिमिसं इमिगु नामं लुमन्‍तिया चिं दय्‌का जुइगु ज्‍या यात।

व्‍यवस्‍था 9:24

जिं छिमित म्‍हस्‍यूबलय्‌निसें हे न्‍ह्याबलें छिमिसं परमप्रभुया विरोध याःगु दु।