गन्‍ती 32:1 - नेवाः बाइबल

¹ रूबेन व गाद कुलयापिन्‍के यक्‍व हे पशुत दु। इमिसं याजेर व गिलाद देश खंबलय् व थाय् पशु लहित ज्‍यूगु खन।

गन्‍ती 32:1 ပူးပေါင်းရင်းမြစ်များ

उत्‍पत्ति 13:2

अब्राम तसकं तःमिम्‍ह खः। वयाके यक्‍व फै-च्‍वलय् व सा द्वहं, लुँ व वहः दु।

उत्‍पत्ति 13:5

इपिं नाप वंम्‍ह लोतयाके नं यक्‍व फै-च्‍वलय्, सा द्वहं व पाल दु।

उत्‍पत्ति 29:32

लेआया प्‍वाथय् दत, अले वं काय् बुइकल। वं व मचायागु नां थथे मतिइ तयाः रूबेन तल, “परमप्रभुं धात्‍थें हे जिगु दुःख खनादीगु दु। आः ला जितः जिमि भाःतं माया याइ।”

उत्‍पत्ति 47:4

कनान देशय् तसकं अनिकाल जुयाः फै ज्‍वयेत तकं थाय् मदयाः जिपिं थन च्‍वं वयागु खः। उकिं सरकारं जिमित थन गोशेनय् च्‍वनेबियादिसँ।”

२ शमूएल 24:5

अनंलि इपिं यर्दन पुलावन, अरोएरनेर शहरया दच्‍छिन पाखेया खुसि लिक्‍क पाल ग्‍वल, अले गाद जुयाः याजेर तक हे न्‍ह्यज्‍यात।

२ शमूएल 24:6

अले इपिं गिलाद व तातीम-होदशी, दान-यान व सीदोन चाःहिलाः न्‍ह्यज्‍यात।

१ इतिहास 4:41

च्‍वय् नां च्‍वयातःपिं मनूत यहूदाया जुजु हिजकियाया इलय् वयाः हाम वंशयापिं च्‍वनीगु थाय्‌यात व अन दुपिं मोनी जातियापिन्‍त भज्‍यंक नाश यानाबिल। इमिसं इमिगु नां तक ल्‍यं मदय्‌क इमित नाश यानाबिल। इपिं इमिगु थासय् च्‍वन, छाय्‌धाःसा अन फै-च्‍वलय् ज्‍वयेत ख्‍यः दु।

प्रस्‍थान 12:38

इपिं नापं मेपिं मनूत नं यक्‍व हे वन, अले यक्‍व सा द्वहं, फैच्‍वलय् नं वन।

यर्मिया 22:6

यहूदाया जुजुया दरबारया बारे परमप्रभुं थथे धयादी, “छ जिगु लागि गिलाद देश व लेबनानया गुँया च्‍वका थें तसकं बांला। अय्‌नं जिं धात्‍थें हे छन्‍त मरुभूमि व मनू मदुगु शहर यानाबी।

यर्मिया 48:32

हे सिब्‍माया दाखमात, याजेर ख्‍वः थें जि छंगु लागि ख्‍वये। छंगु कचात समुद्र तक थ्‍यन, उपिं याजेरया समुद्र तक हे थ्‍यंगु दु। छंगु सये धुंकूगु फल व छंगु दाखय् नाश याइम्‍ह वःगु दु।

यर्मिया 50:19

तर जिं इस्राएलयात वयागु थःगु हे ख्‍यलय् लित हये अले व कर्मेल व बाशानय् जइ। वयागु नये पित्‍याःगु एफ्राइम व गिलादया डाँडाय् लुधनी।”

यर्मिया 8:22

छु गिलादय् मलहम मदु ला? छु अन सुं वैद्य मदु ला? जिमि मनूत छाय् मलंगु लय्?

मीका 7:14

हे परमप्रभु, छिं कथि ज्‍वनाः थः प्रजायात ज्‍वयादिसँ, नायुगु ख्‍यलय् व गुँइच्‍वनीपिं छिगु सर्बयया फैच्‍वलय्‌त ज्‍वयादिसँ। कर्मेल डाँडाया गुँइ याकःचा च्‍वंनाच्‍वंसां इपिं न्‍हापा थें हे बाशान व गिलादय् च्‍वंगु घाँय्‌ख्‍यलय् वनाः ज्‍वयेमा।

गन्‍ती 21:32

मोशां याजेरय् चिवा काइपिं मनूत छ्वये धुंकाः इस्राएलीतय्‌सं उकिया प्‍यखेरं च्‍वंगु गां त्‍याका काल। अले अन दुपिं एमोरीतय्‌त लिनाछ्वत।

गन्‍ती 32:2

इमिसं मोशा, पुजाहारी एलाजार व खलःया नायःतय्‌थाय् वनाः धाल,

गन्‍ती 32:26

जिमि मचाखाचा, मिस्‍त, सा द्वहं, फै, दुगु-च्‍वलय् धाःसा थन गिलादया शहरय् हे च्‍वनी।

गन्‍ती 32:3

“अतारोत, दीबोन, याजेर, निम्रा, हेश्‍बोन, एलाले, सबाम, नेबो व बओन,

गन्‍ती 32:35

अत्रोत-शोपान, याजेर, योगबहा,

व्‍यवस्‍था 33:21

इमिसं थःगु निंतिं दकलय् भिंगु थाय् ल्‍यल, इमिगु निंतिं नायःया ब्‍व तयातःगु दु। थकालितय्‌सं मुंज्‍या याःबलय् परमप्रभुयागु धार्मिक इच्‍छा गय् यानाः मानय् यायेमाः, धाइपिं इपिं हे खः।”

यहोशू 13:25

इमिगु सिमाना थथे दु – याजेरया इलाका व गिलादया फुक्‍क शहर, अम्‍मोनीतय्‌गु बच्‍छि देश, रब्‍बाया लिक्‍कयागु अरोएर तक,

यहोशू 22:13

अले इस्राएलीतय्‌सं गिलाद देशय् रूबेनी, गादी व मनश्‍शेया बच्‍छि कुलयाथाय् पुजाहारी एलाजारया काय् पीनहासयात छ्वल।

यहोशू 22:9

अले रूबेनी, गादी व मनश्‍शेया बच्‍छि कुल परमप्रभुयागु आज्ञाकथं मोशापाखें इमित ब्‍यूगु अधिकारया देश गिलादय् वनेत इस्राएलीतलिसें बिदा जुयाः कनान देशयागु शीलों लिहां वन।

१ यूहन्‍ना 2:16

थ्‍व संसारय् च्‍वंगु फुक्‍क ज्‍याखँ गथे बांमलाःगु मभिंगु ज्‍याखँ याये मास्‍ति वय्‌केगु, मिखां खंक्‍व काये मास्‍ति वय्‌केगु, अले तःधंछुयाः फुइँफाँय् यानाजुइगु। थ्‍व फुक्‍क परमेश्‍वर बाःयापाखें मखु, संसारयापाखें हे दयावःगु खः।

न्‍यायकर्ता 5:16

छिपिं छाय् फैगलय् फैजवाःतय्‌गु तिसः न्‍यनेत च्‍वंच्‍वनागु? रूबेनया जिल्‍ला जिल्‍लाय् मन स्‍वयेगु ज्‍या यक्‍व जुल।