गन्‍ती 31:8 - नेवाः बाइबल

⁸ स्‍यूपिं मनूत मध्‍ये मिद्यानया न्‍याम्‍ह जुजुपिं एवी, रेकेम, सूर, हूर व रेबा नं दुगु जुयाच्‍वन। इमिसं बओरया काय् बालामयात नं तरवारं स्‍यात।

गन्‍ती 31:8 ပူးပေါင်းရင်းမြစ်များ

भजनसंग्रहया सफू 10:2

दुष्‍ट व घमण्‍ड याइपिं मनूतय्‌सं चीमिपिन्‍त लित्तुलिनाजुइ इपिं थः हे थःपिन्‍सं ग्‍वःगु जालय् तक्‍यनेमा।

भजनसंग्रहया सफू 9:16

परमप्रभुयात वय्‌कःया न्‍यायया हुनिं म्‍हसीकी। दुष्‍टत धाःसा थःगु हे जालय् तक्‍यनाच्‍वनी। हिग्‍गायेन सेला

हितोपदेश 11:3

भिंगु ज्‍या याइपिन्‍त भिंगु हे लँपु क्‍यनी, मभिंगु ज्‍याइपिं इमिगु मभिंगु ज्‍यां हे नाश जुयावनी।

हितोपदेश 13:17

दुष्‍टम्‍ह दूतं दुःखयागु खँ हइ, तर विश्‍वास याये बहःम्‍ह दूतं भिं उसाँय् हइ।

हबकूक 3:7

जिं कूशनया पालय्‌च्‍वंपिं मनूतय्‌त दुःख जुयाच्‍वंगु व मिद्यानया मनूत तसकं ग्‍यानाः थरथर खानाच्‍वंगु खना।

गन्‍ती 22:10

बालामं परमेश्‍वरयात धाल, “मोआबया जुजु सिप्‍पोरया काय् बालाकं जिथाय् थ्‍व खँ छ्वयाहयादीगु दु,

गन्‍ती 22:4

मोआबीतय्‌सं मिद्यानया थकालितय्‌त धाल, “थ्‍व हुलं झीगु प्‍यखेरं च्‍वंपिं फुक्‍क मनूतय्‌त द्वहं नं ख्‍यलय् च्‍वंगु वाउँगु घाँय् क्‍वाप्‍प नःगु थें क्‍वाप्‍प नयाबी।” उबलय् सिप्‍पोरया काय् बालाक मोआबया जुजु खः।

गन्‍ती 22:5

वं यूफ्रेटिस खुसि लिक्‍क दुगु थःमनूतय्‌गु देश पतोरय् च्‍वंम्‍ह बओरया काय् बालामयाथाय् थथे धयाः दूतत छ्वत, “मिश्रं वःपिं मनूत वयाः देशया फुक्‍क थाय् त्‍वपुइ धुंकल। अले इपिं जिगु हे सिमानाय् वयाः बाय् च्‍वनाच्‍वंगु दु।

गन्‍ती 23:10

याकूबया धू थें ग्‍वाः ग्‍वाः दुपिं सन्‍तानयात सुनां ल्‍याः खाये फइ? प्‍यब्‍वय् छब्‍व जक इस्राएलीतय्‌त नं सुनां ल्‍याः खाये फइ? जि धर्मीम्‍ह मनू थें सिनावने दयेमा! जिगु जीवन नं इमिगु थें फुनावने मा!”

गन्‍ती 24:14

आः जि थः मनूतय्‌थाय् लिहां वनेत्‍यना। वने न्‍ह्यः जिं छितः इस्राएलीतय्‌सं छिकपिनि मनूतय्‌त लिपा छु याइतिनि धकाः कनाथके।”

गन्‍ती 24:25

अनंलि बालाम थःगु छेँय् लिहां वन। बालाक नं थःगु लँ लिनावन।

गन्‍ती 25:15

अले व स्‍याःम्‍ह मिद्यानी मिसाया नां कोजबी खः, व मिद्यानया छेँजःया कुलनायः सूरया म्‍ह्याय् खः।

गन्‍ती 25:18

छाय्‌धाःसा पोरया हुनिं महामारी वःबलय् अले पोरया घटना व कोजबीया हुनिं छिमित ध्‍वंलाबलय् इमिसं छिमित हमला यात। कोजबी मिद्यानी नायःया म्‍ह्याय् व पोरया महामारी वःबलय् स्‍याःम्‍ह खः।”

गन्‍ती 31:16

थुमिसं हे बालामया खँ न्‍यनाः इस्राएलीतय्‌त पोरय् परमप्रभुयागु विरोधय् विश्‍वासघात याकूगु खः। अथे जुयाः खलःया दथुइ महामारी वःगु खः।

गन्‍ती 31:9

इस्राएलीतय्‌सं मिद्यानी मिस्‍तय्‌त व मस्‍तय्‌त ज्‍वनाः कुन अले इमि दक्‍व सा द्वहं, फैच्‍वलय्‌त व फुक्‍क सम्‍पत्ति लाकाकाल।

२ पत्रुस 2:15

इपिं भिंगु लँपु त्‍वःताः मभिंगु लँपुइ वनाच्‍वंगु दु। अगमवक्ता जुयाः नं मभिंगु ज्‍या यानाः धिबा कमय् यायेत स्‍वःम्‍ह बओरया काय् बालामयागु लँपुइ इपिं वनाच्‍वंगु दु।

यहूदा 1:11

इमित धिक्‍कार दु। इपिं कयिनयागु लँय् जुल। धिबायागु निंतिं इमिसं बालामं थें मभिंगु ज्‍या याना जुल, अले कोरह थें परमेश्‍वरयात मभिंकाः इपिं नाश जुयाः वन।

प्रकाश 19:20

अले व पशुयात व वया फताहा अगमवक्तायात ज्‍वन। व पशुयागु चिं दुपिन्‍त व पशुयागु मूर्तियात पुजा याःपिन्‍त चिं क्‍यनाः थगय् याःम्‍ह थ्‍व हे खः। गन्‍धक जक च्‍यानाच्‍वनीगु मि गालय् थुपिं निम्‍हय्‌सितं क्‍वफात।

प्रकाश 2:14

“अय्‌नं जिं छिमित ब्‍वःबी माःगु छुं खँ दु। इस्राएलीतय्‌त स्‍यंकेत जुजु बालाकयात खँ स्‍यंम्‍ह बालामयागु बिचाः गथे खः अथे हे याना जूपिं छिमिथाय् नं सुं दु। वं इस्राएलीतय्‌त मूर्तियागु प्रसाद नयेगु व व्‍यभिचार यायेगु खँ स्‍यनाः स्‍यंकेत स्‍वल।