गन्‍ती 31:29 - नेवाः बाइबल

²⁹ इमिगु बच्‍छि ब्‍व पाखेंयागु थ्‍व कर कयाः परमप्रभुया भागकथं पुजाहारी एलाजारयात ब्‍यु।

गन्‍ती 31:29 ပူးပေါင်းရင်းမြစ်များ

प्रस्‍थान 29:27

“लिपतय् हारूनया अभिषेकयाम्‍ह भ्‍याःचाया ह्याकुला व खम्‍पा कयाः परमप्रभुया न्‍ह्यःने संकाबीगु बलिकथं संकि, थ्‍व छिमिगु हे ब्‍व जुइ।

गन्‍ती 18:26

“लेवीतय्‌त धा, ‘जिं छिमिगु सर्बयया निंतिं इस्राएलीतय्‌सं बी हःगु झिब्‍वय् छब्‍व कयाः वपाखें नं छिमिसं परमप्रभुयात झिब्‍वय् छब्‍व देछाकथं छायेमाः।

गन्‍ती 18:28

थुकथं इस्राएलीतय्‌सं छिमित ब्‍यूगु झिब्‍वय् छब्‍वं छिमिसं नं परमप्रभुयात झिब्‍वय् छब्‍व देछा छायेमाः। उकिं परमप्रभुयात देछाःगु पुजाहारी हारूनयात बीमाः।

गन्‍ती 31:28

लडाइँलय् वंपिं सेनापाखें मनूत, सा द्वहं, गधा, फै-च्‍वलय् मध्‍यें न्‍यासःम्‍हय् छम्‍ह परमप्रभुयात करकथं ब्‍यु।

गन्‍ती 31:30

इस्राएलीतय्‌गु बच्‍छि ब्‍वपाखें मनूत, सा द्वहं, गधा, फै-च्‍वलय् व फुक्‍क पशुया नेय्‌म्‍हय् छम्‍ह कयाः परमप्रभुया नापलायेगु पाल स्‍वइपिं लेवीतय्‌त ब्‍यु।”

व्‍यवस्‍था 12:12

अन हे छिमि काय् म्‍ह्याय्‌पिन्‍सं, च्‍यःभ्‍वातिंत व छिमि शहरय् च्‍वनाच्‍वंपिं थःगु ब्‍व व सर्बय मदुपिं लेवीया सन्‍तानतय्‌सं परमप्रभु छिमि परमेश्‍वरयागु न्‍ह्यःने लसता हँ।

व्‍यवस्‍था 12:19

थःगु देशय् छिपिं म्‍वातले लेवीया सन्‍तानतय्‌त बांलाक बिचाः या।