न्हय्न्हु दुखुन्हु वं हाकनं थःगु छेनय् च्वंगु सँ, दाह्रि, मिखाफुसि व म्हय् दक्व सँ खानाः, थःगु वसः हियाः म्वःल्हुइमाः। अले व धात्थें शुद्ध जुइ।
“‘धातुया ल्वय् दुम्ह मनुखं थःगु ल्वय् लाये धुंकाः न्हय्न्हु तक पीमाः। न्हय्न्हुया दुने वं थःगु वसः हीमाः, नीलखं म्वःल्हुइमाः। अले व शुद्ध जुइ।
शुद्धम्ह मनुखं अशुद्ध जूम्ह मनूयात स्वन्हु खुन्हु व न्हय्न्हु खुन्हु व लखं छ्वाकेमाः। न्हय्न्हु खुन्हु वं अशुद्धम्ह मनूयात शुद्ध यायेमाः। अले शुद्ध जूम्हय्सिनं थःगु वसः हियाः म्वःल्हुइमाः, अले सन्ध्याकाः इलय् व शुद्ध जुइ।
अले मिं भस्म मयाइगु फुक्क ज्वलंयात मिइ तयाः शुद्ध यायेमाः। उकियात शुद्ध यायेगु लखं नं शुद्ध यायेमाः। मिइ भस्म जुयाः वनीगु ज्वलं व लखं शुद्ध यायेमाः।