गन्‍ती 31:16 - नेवाः बाइबल

¹⁶ थुमिसं हे बालामया खँ न्‍यनाः इस्राएलीतय्‌त पोरय् परमप्रभुयागु विरोधय् विश्‍वासघात याकूगु खः। अथे जुयाः खलःया दथुइ महामारी वःगु खः।

गन्‍ती 31:16 ပူးပေါင်းရင်းမြစ်များ

हितोपदेश 23:27

छाय्‌धाःसा वेश्‍यात तःजाःगु गा खः, अले स्‍यंम्‍ह मिसा छगू तुं खः।

उपदेशक 7:26

व हे मिसा गुम्‍ह छगू स्‍वःतिपाँय् थें खः, वयात जिं सीगु स्‍वयाः नं खायुगु लुइका। वयागु नुगः जाः अले वयागु ल्‍हाः धाःसा सिखलं चिनातःगु थें खः। सु मनुखं परमेश्‍वरयात लय्‌ताय्‌की, व बचय् जुइ तर पापीयात वं स्‍वःतिपाँय्‌लय् क्‍यंकी।

गन्‍ती 24:14

आः जि थः मनूतय्‌थाय् लिहां वनेत्‍यना। वने न्‍ह्यः जिं छितः इस्राएलीतय्‌सं छिकपिनि मनूतय्‌त लिपा छु याइतिनि धकाः कनाथके।”

गन्‍ती 25:18

छाय्‌धाःसा पोरया हुनिं महामारी वःबलय् अले पोरया घटना व कोजबीया हुनिं छिमित ध्‍वंलाबलय् इमिसं छिमित हमला यात। कोजबी मिद्यानी नायःया म्‍ह्याय् व पोरया महामारी वःबलय् स्‍याःम्‍ह खः।”

गन्‍ती 31:8

स्‍यूपिं मनूत मध्‍ये मिद्यानया न्‍याम्‍ह जुजुपिं एवी, रेकेम, सूर, हूर व रेबा नं दुगु जुयाच्‍वन। इमिसं बओरया काय् बालामयात नं तरवारं स्‍यात।

व्‍यवस्‍था 4:3

बाल-पोरय् परमप्रभुं छु यानादिल व छिमिसं थःगु हे मिखां खंगु दु। पोरया बालद्यःया ल्‍यू जूपिं सकलें मनूतय्‌त परमप्रभु परमेश्‍वरं छिमिगु दथुं नाश यानादिल।

यहोशू 22:17

छु पोरय् यानागु पाप झीत मगात ला? गुकें यानाः परमप्रभुया खलःयाथाय् महामारी वल। झीसं थौं तक नं थःपिन्‍त शुद्ध याये मफुनि?

२ पत्रुस 2:15

इपिं भिंगु लँपु त्‍वःताः मभिंगु लँपुइ वनाच्‍वंगु दु। अगमवक्ता जुयाः नं मभिंगु ज्‍या यानाः धिबा कमय् यायेत स्‍वःम्‍ह बओरया काय् बालामयागु लँपुइ इपिं वनाच्‍वंगु दु।

यहूदा 1:11

इमित धिक्‍कार दु। इपिं कयिनयागु लँय् जुल। धिबायागु निंतिं इमिसं बालामं थें मभिंगु ज्‍या याना जुल, अले कोरह थें परमेश्‍वरयात मभिंकाः इपिं नाश जुयाः वन।

प्रकाश 2:14

“अय्‌नं जिं छिमित ब्‍वःबी माःगु छुं खँ दु। इस्राएलीतय्‌त स्‍यंकेत जुजु बालाकयात खँ स्‍यंम्‍ह बालामयागु बिचाः गथे खः अथे हे याना जूपिं छिमिथाय् नं सुं दु। वं इस्राएलीतय्‌त मूर्तियागु प्रसाद नयेगु व व्‍यभिचार यायेगु खँ स्‍यनाः स्‍यंकेत स्‍वल।