गन्‍ती 31:15 - नेवाः बाइबल

¹⁵ मोशां इमित धाल, “छु! छिमिसं सकल मिस्‍तय्‌त म्‍वाका हे तयागु ला?

गन्‍ती 31:15 ပူးပေါင်းရင်းမြစ်များ

यर्मिया 48:10

“अल्‍छी चाचां परमप्रभुया ज्‍या याइम्‍ह मनूयात सराः लायेमा! थःगु तरवारयात हि बाः वय्‌के मब्‍यूम्‍ह मनूयात सराः लायेमा!

इजकिएल 9:6

बुरापिं मनूत, ल्‍याय्‌म्‍हपिं ल्‍यासेपिं, मिस्‍त व मस्‍त सकसितं स्‍यानाछ्व! तर कपालय् व चिं दुपिं सुयातं नं थी मते! जिगु पवित्रगु थासं हे शुरु या।” उकिं इमिसं देगःया न्‍ह्यःने दुपिं धर्म गुरुतपाखें हे थ्‍व ज्‍या शुरु यात।

गन्‍ती 31:14

लडाइँनं लिहांवःपिं द्वःछि द्वःछिम्‍ह सिपाइँतय्‌ नायःत व सछि सछिम्‍ह सिपाइँतय्‌ नायःत खनाः मोशा तंचाल।

व्‍यवस्‍था 2:34

उबलय् झीसं वयागु फुक्‍क शहर त्‍याकाकयाः उपिं शहरय् च्‍वंपिं मिजंत, मिसात व मस्‍तय्‌त भज्‍यंक नाश यानाबिया। झीसं छम्‍हय्‌सित नं मत्‍वःता।

व्‍यवस्‍था 20:13

अले परमप्रभु छिमि परमेश्‍वरं व शहर छिमित बियादी धुंकाः अनयापिं सकलें मिजंतय्‌त तरवारं पालाः स्‍या!

व्‍यवस्‍था 20:14

अय्‌नं मिसा, मचाखाचा, सा द्वहं व शहरय् दुगु मेगु फुक्‍क मालताल छिमिसं लुटया मालकथं थःगु लागि काये फु। परमप्रभु छिमि परमेश्‍वरं छिमित बियादीगु थुपिं फुक्‍क छिमिसं छ्यले फु।

यहोशू 10:40

थुकथं यहोशूं पहाडी देश, दच्‍छिनया देश नेगेव, पच्‍छिमया फेदी, पुर्बया पाःचा व अनयापिं फुक्‍क जुजुपिन्‍त बुकल। वं छम्‍हय्‌सित नं म्‍वाःका मतः। परमप्रभु इस्राएलया परमेश्‍वरं आज्ञा बियादीगु थें वं अन दुपिं फुक्‍कसित भज्‍यंक नाश यानाबिल।

यहोशू 11:14

थुपिं शहरतय् दक्‍व पशुत व धनमाल जुक्‍व इस्राएलीतय्‌सं थःगु हे निंतिं काल, मनूतय्‌त धाःसा इमिसं तरवारं स्‍यानाबिल। इमि छम्‍हय्‌सित नं म्‍वाःका मतसें नाश यानाबिल।

यहोशू 6:21

इमिसं शहर परमप्रभुयात देछाल, अले व शहरय् दुपिं मिसा, मिजं, ल्‍याय्‌म्‍ह, बुरा व सा द्वहं, फै व गधा फुक्‍कसित तरवारं नाश यानाबिल।

यहोशू 8:25

उखुन्‍हु ऐयापिं फुक्‍क मनूतय्‌त, झिंनिद्वः मिसा-मिजंतय्‌त स्‍यानाबिल।

१ शमूएल 15:3

आः छिं अमालेकीतय्‌त हमला या हुँ अले इमिके दुगु फुक्‍क छुं नं ल्‍यंमदय्‌कः भज्‍यंक नाश यानाब्‍यु। इमि फुक्‍क मनूत, मिसात, ल्‍याय्‌म्‍ह ल्‍यासेपिं, मचात, दुरु त्‍वंपिं मचात, सा द्वहं, फै-च्‍वलय्, ऊँट व गधा फुक्‍कं नाश या।’”