गन्‍ती 30:7 - नेवाः बाइबल

⁷ अले वया भाःतं व खँ न्‍यनाः उखुन्‍हु वयात छुं मधाल धाःसा वयागु भाकल वा बचं ब्‍यूगु दया हे च्‍वनी।

गन्‍ती 30:7 ပူးပေါင်းရင်းမြစ်များ

उत्‍पत्ति 3:16

अले वय्‌कलं मिसायात धयादिल, “जिं छन्‍त मचाबू ब्‍यथा अज्‍ज अप्‍वय्‌काबी। छं तसकं दुःख सियाः मचा बुइकी। अय्‌नं छंगु इच्‍छा भाःतपाखे हे क्‍वसालाच्‍वनी। अले वं छन्‍त अधीनय् तइ।”

यर्मिया 44:19

अले मिसातय्‌सं धाल, “जिमिसं स्‍वर्गयाम्‍ह रानीया लागि धुपाँय् च्‍याकाबलय् अले वयात त्‍वँसाबलि छायाबलय् छु जिमि थः भाःतपिन्‍सं मसीकं हे वयागु मूर्ति बांलूगु मरि दय्‌काच्‍वंगु व वयात त्‍वँसाबलि छायाच्‍वंगु धकाः च्‍वना ला?”

गन्‍ती 30:6

“भाकल याये धुंकाः वा बिचाः मयासें बचं बीधुंकाः वयागु ब्‍याहा जुल धाःसा,

गन्‍ती 30:8

अय्‌नं वया भाःतं व खँ न्‍यनाः व हे दिनय् वयात पन धाःसा वयागु भाकल वा वं ब्‍यूगु बचं ज्‍यालगय् जुइ मखु। परमप्रभुं व मिसायात क्षमा यानादी।

रोमी 7:2

बियाछ्वये धुंकूम्‍ह मिसाया भाःत मसीतले व मिसां भाःतयात त्‍वःते मज्‍यू धकाः व्‍यवस्‍थां धाःगु खँ मानय् याये हे माः। अय्‌नं भाःत सित धाःसा व्‍यवस्‍थां भाःतयात त्‍वःते मज्‍यू धकाः धाःगु आज्ञा मानय् याये म्‍वाः।

१ शमूएल 1:11

हन्‍नाहं थथे धयाः परमप्रभुयात भाकल यात, “हे दक्‍व शक्ति दुम्‍ह परमप्रभु, छिं थः दासीयागु दुःख थुइकाः थः दासीयात माया यानागु खः धयागु जूसा, छिं थः दासीयात ल्‍वःमंका मदी धयागु खःसा, थः दासीयात छम्‍ह काय् बियादिसँ अले जिं वयात वयागु जिवंकाछिया निंतिं छितः बी अले वयागु छेनय् गुबलें ख्‍वःचा लाइ मखु।”

१ शमूएल 1:23

वया भाःत एल्‍कानां लिसः बिल, “छन्‍त छु बांलाः व हे या। अले मचां दुरु त्‍वनेगु मत्‍वःतुतले छेँय्‌ हे च्‍वनाच्‍वँ। परमप्रभुं छं याःगु भाकल पूवंकादीमा।” अथे जुयाः हन्‍नाह छेँ हे च्‍वनाच्‍वन। थः काय्‌नं दुरु त्‍वनेगु मत्‍वःतुतले वयात सुसाःकुसाः यानाच्‍वन।