गन्‍ती 30:15 - नेवाः बाइबल

¹⁵ तर वं थ्‍व न्‍यनाः छुं ई लिपा त्‍वाल्‍हात धाःसा थः कलाःया द्वं वं हे फयेमाः।”

गन्‍ती 30:15 ပူးပေါင်းရင်းမြစ်များ

लेवी 5:1

“‘सुनानं थःम्‍हं खंगु व न्‍यंगु खँया साक्षी बीमाः थाय् साक्षी मबिल धाःसा व पाप खः अले वं उकियागु निंतिं दोष फयेमाली।

गन्‍ती 30:12

अय्‌नं वया भाःतं व न्‍यंगु दिनय् वयागु भाकल वा ब्‍यूगु बचंयात पन धाःसा वयागु म्‍हुतुं पिहां वःगु बचं ज्‍यालगे जुइ मखु। परमप्रभुं व मिसायात क्षमा यानादी।

गन्‍ती 30:14

तर वया भाःतं न्‍हियान्‍हिथं छुं मधासें सुम्‍क च्‍वन धाःसा वयागु फुक्‍क भाकल वा ब्‍यूगु बचं दया हे च्‍वनी। न्‍यनाः नं व सुम्‍क च्‍वंगुलिं ज्‍यू धाःगु थें हे खः।

गन्‍ती 30:16

कलाः भाःतया दथुइ अले बौ व वया छेँय् च्‍वनीम्‍ह ब्‍याहा मजूम्‍ह म्‍ह्याय्‌या दथुइ मोशायात परमप्रभुं बियादीगु नियम थुपिं हे खः।

गन्‍ती 30:5

अय्‌नं वया बौनं न्‍यंगु दिनय् हे वयात पन धाःसा वं याःगु भाकल व थःत ब्‍यूगु बचं छगू नं दयाच्‍वनी मखु। वया बौनं वयात पंगु जुयाः परमप्रभुं वयात क्षमा यानादी।

गन्‍ती 30:8

अय्‌नं वया भाःतं व खँ न्‍यनाः व हे दिनय् वयात पन धाःसा वयागु भाकल वा वं ब्‍यूगु बचं ज्‍यालगय् जुइ मखु। परमप्रभुं व मिसायात क्षमा यानादी।

गलाती 3:28

अय्‌जूगुलिं आः यहूदीत व यहूदीमखुपिं छु हे मपात। दास व दासमखुपिं, अले मिजं व मिसा नं मपात। येशू ख्रीष्‍टयात विश्‍वास याःगुलिं छिपिं फुक्‍कं छम्‍ह हे जुल।