गन्‍ती 3:9 - नेवाः बाइबल

⁹ लेवीत फुक्‍क इस्राएलीतपाखें ल्‍यःपिं खः, परमेश्‍वरं इमित हारून व वया काय्‌पिन्‍त पवित्र पालय् पुजाहारीया ज्‍याय् ग्‍वाहालि यायेत बियादीगु खः।

गन्‍ती 3:9 ပူးပေါင်းရင်းမြစ်များ

१ इतिहास 15:2

अले लेवीतय्‌सं जक परमेश्‍वरया सनू क्‍वबीमा धकाः वं आज्ञा बिल। छाय्‌धाःसा परमप्रभुं इमित हे सनू क्‍वबीत व न्‍ह्याबलेंया सेवा यायेत ल्‍यःगु खः।

१ इतिहास 6:33

थःकाय्‌पिंलिसें मिलय् जुयाः सेवा याइपिं मनूत थुपिं हे खः – कहात वंशयाम्‍ह म्‍ये स्‍यनीम्‍ह हेमान। हेमान योएलया काय् खः। योएल शमूएलया काय् खः।

एज्रा 2:43

लिहांवःपिं देगलय् सेवा याइपिनिगु नां धलः थथे दु – सीहा, हसूपा, तब्‍बाओतया सन्‍तान

एज्रा 6:18

अले इमिसं मोशाया सफुलिइ च्‍वया तः थें यरूशलेमय् देगलय् सेवा यायेत पुजाहारीत व लेवीतय्‌गु थीथी पुचः दय्‌कल।

एज्रा 8:20

देगलय् सेवा याइपिं २२० म्‍ह नं वल। लेवीतय्‌त ग्‍वाहालि बीपिं थज्‍याःपिं मनूत तयेगु चलन जुजु दाऊद व वया हाकिमतय्‌सं शुरु याःगु खः। थुपिं सकलें धलखय् नां दुथ्‍याःपिं खः।

गन्‍ती 16:9

इस्राएलयाम्‍ह परमेश्‍वरं थःगु पवित्र पालया ज्‍या यायेत व खलःया न्‍ह्यःने सेवा यायेत इस्राएलया फुक्‍क खलःपाखें छिमित ल्‍यःगु छु छिमित मगात ला?

गन्‍ती 18:2

छ व छिमि काय्‌पिन्‍सं नापलायेगु पालय् सेवा याः वनीबलय् छिमि लेवी कुलयापिं थःथितिपिन्‍त नं थःनापं ब्‍वनाहयेगु या। इमिसं छिमिगु ज्‍याय् ग्‍वाहालि बी।

गन्‍ती 3:8

इमिसं नापलायेगु पालया फुक्‍क ज्‍वलंयागु जिम्‍मा कायेमाः। अले फुक्‍क इस्राएलीतय्‌गु निंतिं पवित्र पालया ज्‍या यायेमाः।

गन्‍ती 8:14

थथे छं लेवीतय्‌त इस्राएलीतपाखें अलग या, अले लेवीत जिगु जुइ।

गन्‍ती 8:16

इस्राएलीत मध्‍ये इपिं जितः देछाःपिं खः। दकलय् न्‍हापां प्‍वाथं पिहांवःपिं इस्राएलीतय् न्‍हापां बूपिंनिगु पलेसा जिं इमित कयागु दु।

गन्‍ती 8:18

थुकथं इस्राएलीतय् न्‍हापां बूपिनिगु पलेसा जिं लेवीतय्‌त कयागु खः।

गन्‍ती 8:19

फुक्‍क इस्राएलीतय्‌गु निंतिं जिं हारून व वया काय्‌पिनिगु निंतिं लेवीतय्‌त ल्‍ययागु दु। इमिसं नापलायेगु पालय् इस्राएलीतय्पाखें ज्‍या याइ, अले प्रायश्‍चित यायेत बलि बी। गुकिं यानाः पवित्र लागाया न्‍ह्यःने इपिं वनीबलय् इमित छुं नं विपत्ति मजुइमा।”

एफिसी 4:11

वय्‌कलं हे गुम्‍हय्‌सितं प्रेरित, गुम्‍हय्‌सितं अगमवक्ता, गुम्‍हय्‌सितं भिंगु खँ न्‍यंक जुइम्‍ह, गुम्‍हय्‌सितं मण्‍डलीइ हेरचाह याइम्‍ह, गुम्‍हय्‌सितं वचन स्‍यनेकने याइम्‍ह यानादिल।

एफिसी 4:8

थथे च्‍वयातःगु दु – “प्रभु स्‍वर्गय् थाहां झायादीबलय् ज्‍वनातःपिन्‍त नं थःलिसें यंकादिल। अले मनूतय्‌त वरदान बियादिल।”