गन्‍ती 3:51 - नेवाः बाइबल

⁵¹ अले परमप्रभुं मोशायात उजं बियादी थें वं थ्‍व धिबा हारून व वया काय्‌पिन्‍त बिल।

गन्‍ती 3:51 ပူးပေါင်းရင်းမြစ်များ

प्रस्‍थान 12:50

परमप्रभुं मोशा व हारूनयात उजं बियादी थें इस्राएलीतय्‌सं यात।

मलाकी 4:4

“जिं होरेब पर्वतय् सकल इस्राएलीतय्‌गु निंतिं जिम्‍ह दास मोशायात बियागु विधि व नियम दुगु व्‍यवस्‍थायात लुमंकी अले उकियात बांलाक मानय् या।

गन्‍ती 1:19

परमप्रभुं मोशायात उजं बियादीगु थें। मोशां सीनैया मरुभूमिइ इमित ल्‍याः खात।

गन्‍ती 16:15

अले मोशां तसक्‍कं तंचायाः परमप्रभुयात धाल, “इमिगु देछा नाला कयादी मते! जिं इमिके छम्‍ह गधा तक नं कयागु मदु, न जिं इमिगु छुं स्‍यंकागु दु।”

गन्‍ती 3:48

अले अप्‍वः दुपिं इस्राएलीतय्‌त लिफ्‍यायेगुकथं वःगु धिबा हारून व वया काय्‌पिन्‍त ब्‍यु।”

गन्‍ती 3:50

वं इस्राएलीतय् न्‍हापां बूपिनिपाखें पवित्र पालया शेकेलकथं १,३६५ शेकेल वहः काल।

गन्‍ती 4:1

परमप्रभुं मोशा व हारूनयात धयादिल,

प्रेरित 20:33

“स्‍वयादिसँ, जिं सुयाकें धिबा व वसः फ्‍वनागु मदु।

१ कोरिन्‍थी 9:12

मेपिन्‍सं ला छिमिके अथे कयाच्‍वंगु दु धासेंलि जिमिसं जक काये मथ्‍याः ला? जिमिसं ला छिमिके छुं कयागु मदुनि। ख्रीष्‍टयागु भिंगु खँ न्‍यंका जुइबलय् छुं पंगः मवय्‌मा धकाः जिमिसं थथे सह यानाच्‍वनागु खः।

१ पत्रुस 5:2

अथे जूगुलिं परमेश्‍वरया फैचातय्‌त छिमिसं बांलाक हेरबिचार याना च्‍वँ। करं क्‍यनाः जक थ्‍व ज्‍या याये मते, छाय्‌धाःसा छिमिसं करं ज्‍या याःगु परमेश्‍वरयात मयः। अले हानं धिबायागु निंतिं जक नं थ्‍व ज्‍या याये मते। दुनुगलंनिसें हे प्रभुयात सेवा यायेगु मतिइ दुसा जक या।