गन्‍ती 3:40 - नेवाः बाइबल

⁴⁰ परमप्रभुं मोशायात धयादिल, “इस्राएलीतय् न्‍हापां बूपिं लच्‍छि व लच्‍छिं च्‍वय्‌यापिं मिजंतय्‌त ल्‍याः खानाः इमिगु नां धलः दय्‌कि।

गन्‍ती 3:40 ပူးပေါင်းရင်းမြစ်များ

भजनसंग्रहया सफू 87:6

परमप्रभुं जाति जातियापिं मनूतय्‌गु छगू नां धलः दय्‌कादी अले उपिं सकसिगुं नां यरूशलेमय् च्‍वंपिं मनूत कथं च्‍वयादी। सेला

यशैया 4:3

सियोनय् त्‍वःताथकूपिं व यरूशलेमय् ल्‍यनाच्‍वंपिं अथे धइगु यरूशलेमय् च्‍वंपिं धकाः नां च्‍वयातःपिं फुक्‍कसित पवित्रपिं मनूत धकाः धाइ।

गन्‍ती 3:12

“जिं फुक्‍क इस्राएली मिसातय्‌पाखें न्‍हापां बूपिं काय्‌पिनिगु पलेसा लेवीतय्‌त कयागु दु। उकिं लेवीत जिमि थः मनू खः।

गन्‍ती 3:15

“लेवीया सन्‍तानतय् लच्‍छि व लच्‍छिं च्‍वय्‌यापिं फुक्‍क मिजंत इमि वंश व परिवारकथं ल्‍याःखा।”

गन्‍ती 3:41

इस्राएलीतय् न्‍हापां बूपिं काय्‌पिनिगु पलेसा छं लेवीतय्‌त का। अथे हे इस्राएलीतय् न्‍हापां बूपिं पशुतय् पलेसा लेवीतय् पशुतय्‌त का। जि परमप्रभु खः।”

गन्‍ती 3:45

“इस्राएलीतय् न्‍हापा बूपिं काय्‌पिनिगु पलेसा लेवीत व इमि न्‍हापां बूपिं पशुतय् पलेसा लेवीतय् पशु का। लेवीत जिमि थः मनू जुइ। जि परमप्रभु खः।

लूका 10:20

अथे भूत आत्‍मातय्‌सं नं छिमिगु खँ न्‍यं धकाः लय्‌तायेगु बांलाःगु खँ मखु, बरु छिमिगु नां स्‍वर्गय् च्‍वयातःगु दु धकाः लय्‌ता।”

फिलिप्‍पी 4:3

अले विश्‍वास याये बहःम्‍ह पासा, थुपिं मिसातय्‌त ग्‍वाहालि या। छाय्‌धाःसा इमिसं जि नाप भिंगु खँ न्‍यंकेगु ज्‍या याःगु दु। थुलि जक मखु, इमिसं क्‍लेमेस व जि नाप ज्‍या याःपिं जीवनयागु सफुलिइ नां दुथ्‍याःपिं मेमेपिं मनूतलिसे नं भिंगु खँ न्‍यंकूगु दु।

२ तिमोथी 2:19

अय्‌नं परमेश्‍वरं स्‍वनादीगु जग गुबलें दुनावनी मखु। अले थ्‍व जगय् थथे च्‍वयातःगु दु – “प्रभुया मनूयात प्रभुं म्‍हस्‍यू।” अले “प्रभुयागु नां कयाः जूपिन्‍सं मभिंगु ज्‍या याये मज्‍यू।”

हिब्रू 12:23

अन स्‍वर्गय् नां च्‍वयातःपिं, परमेश्‍वरया दकलय् तःधिकःम्‍ह काय्‌यात विश्‍वास याना च्‍वंपिनिगु पुचलय् छिपिं दुथ्‍याःगु दु। फुक्‍क मनूतय्‌त न्‍याय यानादीम्‍ह परमेश्‍वर दीथाय् छिपिं वःगु दु। अन धर्मी मनूया सिद्ध जुइ धुंकूपिं आत्‍मात नं दु।

प्रकाश 14:4

थुपिं मिस्‍तनापं लसपस मजूनिपिं च्‍वखपिं खः। थुपिं चीधिकःम्‍ह भ्‍याःचायागु जक ल्‍यूल्‍यू जुइपिं खः। परमेश्‍वर व चीधिकःम्‍ह भ्‍याःचायागु लागि संसारं लिफ्‍याना हःपिं दकलय् न्‍हापायापिं मनूत, थुपिं हे खः।

प्रकाश 3:5

थथे त्‍याःम्‍हय्‌सित जिं तुयुगु वसतं पुंकाबी। अले जिं वयागु नां जीवनयागु सफुलिं गुबलें हुयाछ्वये मखु। जिमि बाःयागु न्‍ह्यःने व वय्‌कःया स्‍वर्गदूततय्‌गु न्‍ह्यःने जिं थ्‍व जिम्‍ह मनू खः धकाः धाये।