गन्‍ती 3:13 - नेवाः बाइबल

¹³ छाय्‌धाःसा न्‍हापां बूपिं फुक्‍कं जिम्‍ह खः। मिश्रय् न्‍हापां बूपिं फुक्‍कसित स्‍यानागु दिं इस्राएलया न्‍हापां बूपिं मनूत व पशुतय्‌त जिं थःगु हे निंतिं अलग तया। इपिं फुक्‍कं जिम्‍ह खः। जि परमप्रभु खः।”

गन्‍ती 3:13 ပူးပေါင်းရင်းမြစ်များ

नहेम्‍याह 10:36

“जिमिगु परिवारय् न्‍हापां बूम्‍ह काय् परमेश्‍वरया व्‍यवस्‍थाय् क्‍वःछिनातःथें परमप्रभु जिमि परमेश्‍वरया देगलय्, अन सेवा याइपिं पुजाहारीतय्‌थाय् छाये हये। थुकथं हे सा द्वहंया न्‍हापाम्‍ह मचा व फैच्‍वलय्‌चा न्‍हापांम्‍ह मचा जिमिसं छाये।

प्रस्‍थान 13:12

छिमिसं न्‍हापां बूम्‍ह काय्‌मचा परमप्रभुया निंतिं फ्‍या। छिमि पशुतय् न्‍हापां बूपिं मिजंमचा परमप्रभुयागु जुइ।

प्रस्‍थान 13:15

फारोनं जिद्दी यानाः झीत वने मब्‍यूबलय् परमप्रभुं मिश्रय् च्‍वंपिं फुक्‍क मनू व पशुतय् न्‍हापां बूपिन्‍त स्‍यानादिल। अथे जुयाः झीसं न्‍हापां बूपिं फुक्‍क मिजं पशुतय्‌त परमप्रभुया निंतिं बां बीगु व न्‍हापां बूम्‍ह थःकाय्‌यात धिबा बियाः लिफ्‍यायेगु खः।’

प्रस्‍थान 13:2

“न्‍हापां बूम्‍ह इस्राएली काय्‌मचायात जिगु निंतिं फ्‍या। न्‍हापां बूम्‍ह मिजंमचा जिम्‍ह हे जुइ। छिमिसं न्‍हापां बूम्‍ह मिजंम्‍ह पशुयात नं जिगु निंतिं फ्‍या।”

प्रस्‍थान 22:29

“जितः थःगु बुँयागु बाली व दाखरस छायेत लिबाके मते। “छिमिसं थःपिनि न्‍हापां बूपिं काय्‌पिं जिगु निंतिं फ्‍यायेमाः।

प्रस्‍थान 34:19

“न्‍हापां बूपिं फुक्‍क काय्‌मस्‍त जिम्‍ह खः। अले सा द्वहं व फैच्‍वलय्‌तय् न्‍हापां बूपिं बाजात नं जिम्‍ह खः।

इजकिएल 44:30

फुक्‍क न्‍हापां सःगु फलतय् दकलय् भिंगु न्‍हापांगु फलत व छिमिगु फुक्‍क कथंयागु व विशेष क्‍वसेलि फुक्‍क पुजाहारीतय्‌गु हे जुइ। छिमिगु घरानाय् आशिष वयेत न्‍हायातःगु छुचुंयागु दकलय् न्‍हापायागु ब्‍व नं पुजाहारीतय्‌त हे ब्‍यु!

लेवी 27:26

“‘पशुतय्‌सं बुइकूम्‍ह न्‍हापायाम्‍ह मचा, सा वा द्वहंया जुइमा वा फैया जुइमा, इपिं न्‍हापांनिसें हे परमप्रभुया खः, वयात धाःसा देछाये मते।

गन्‍ती 18:15

परमप्रभुयात देछाःपिं न्‍हापां बूपिं मनू जूसां वा पशु जूसां छन्‍त हे खः। अय्‌नं काय्‌पिं वा अशुद्ध पशुतय् न्‍हापां बूपिन्‍त धाःसा छं लिफ्‍यायेमाः।

गन्‍ती 18:6

जिं हे इस्राएलीतय्‌गु दथुं छिमि लेवी थःथितिपिन्‍त ल्‍ययागु दु। जिं इमित कोस्‍यालिकथं छन्‍त बियागु दु। इपिं नापलायेगु पालय् सेवा यायेत परमप्रभुयात अर्पण याःपिं खः।

गन्‍ती 3:41

इस्राएलीतय् न्‍हापां बूपिं काय्‌पिनिगु पलेसा छं लेवीतय्‌त का। अथे हे इस्राएलीतय् न्‍हापां बूपिं पशुतय् पलेसा लेवीतय् पशुतय्‌त का। जि परमप्रभु खः।”

गन्‍ती 33:4

उखुन्‍हु मिश्रीत परमप्रभुं स्‍यानादीपिं इमि न्‍हापां बूपिं काय्‌पिन्‍त ल्‍हाकाच्‍वंगु जुल। थथे यानाः परमप्रभुं इमि द्यःतय्‌त सजाँय बियादीगु खः।

लूका 2:23

दकलय् न्‍हापालाक बूम्‍ह काय्‌मचा परमप्रभुया निंतिं पवित्र जुइ धकाः व्‍यवस्‍थाय् च्‍वयातःगु दु।

हिब्रू 12:23

अन स्‍वर्गय् नां च्‍वयातःपिं, परमेश्‍वरया दकलय् तःधिकःम्‍ह काय्‌यात विश्‍वास याना च्‍वंपिनिगु पुचलय् छिपिं दुथ्‍याःगु दु। फुक्‍क मनूतय्‌त न्‍याय यानादीम्‍ह परमेश्‍वर दीथाय् छिपिं वःगु दु। अन धर्मी मनूया सिद्ध जुइ धुंकूपिं आत्‍मात नं दु।