गन्‍ती 3:10 - नेवाः बाइबल

¹⁰ छं हारून व वया काय्‌पिन्‍त पुजाहारी जुयाः सेवा यायेत ति। वने मत्‍यःपिं सुनानं नापलायेगु पालया सतिक वनेत स्‍वल धाःसा वयात स्‍यायेमाः।”

गन्‍ती 3:10 ပူးပေါင်းရင်းမြစ်များ

२ शमूएल 6:7

थथे यानाः वं सनूयात हनाबना मतःगुलिं परमप्रभु उज्‍जाहनापं तम्‍वयाः वयात अन हेस्‍यात। थुकथं व परमेश्‍वरया सनूया न्‍ह्यःने सी माल।

१ राजा 12:31

उबलय् तक परमप्रभुयात आराधना यायेत देगः दय्‌कूगु मदुनि। अथे जुयाः यारोबामं द्यःपुजा यायेगु थाय्‌त थांत नं दय्‌कल। अले लेवीया सन्‍तान मखुपिं मनूतय्‌त नं पुजाहारी ल्‍यल।

१ इतिहास 6:32

इमिसं यरूशलेमय् सोलोमन जुजुं परमप्रभुया देगः मदंतलय् नापलायेगु पालय् संगीतपाखें सेवा याइगु खः। इमिसं इमिगु निंतिं दय्‌काब्‍यूगु नियमकथं थथःगु ज्‍या याइगु।

नहेम्‍याह 6:11

अय्‌नं जिं शमायाहयात धया, “जि थें ज्‍याःम्‍ह मनू बिस्‍युं वनेगु ला? छु जि थें ज्‍याःम्‍ह मनू बचय् जुइत देगलय् वनेगु ला? जि वने मखु।”

प्रस्‍थान 29:9

अले जँनी चिकाः इमित बेतालि हिनाब्‍यु। थुगु ज्‍यापाखें हारूनया सन्‍तानतय्‌सं पुजाहारीया सेवा न्‍ह्याबलें यायेमाः। थुकथं छं हारून व वया काय्‌पिन्‍त अभिषेक या।

इजकिएल 44:8

छिमिसं थःपिन्‍सं जिगु पवित्र ज्‍वलंया जिम्‍मा मकासें थःगु हे मनं छिमिसं मेपिन्‍त जिगु पवित्रगु थासय् मेपिनिगु जिम्‍माय् बिल।

लेवी 22:10

“‘पुजाहारी परिवारया मखुम्‍ह मनुखं पवित्र वस्‍तु मनयेमा। व पुजाहारीया पाहां जूसां वा ज्‍यालाय् ज्‍या याइम्‍ह मनू जूसां वं पवित्र वस्‍तु मनयेमा।

गन्‍ती 1:51

थाय् हिलेबलय् लेवीतय्‌सं हे पवित्र पाल क्‍वकायेगु यायेमाः अले लेवीतय्‌सं हे व धस्‍वाकेगु यायेमाः। पवित्र पालयात न्‍ह्यःने वने मत्‍यःम्‍ह सुं वन धाःसा वयात स्‍यायेमाः।

गन्‍ती 16:10

वय्‌कलं छनापं हे छिमि दाजुकिजा लेवीतय्‌त न्‍हापा हे थःगु न्‍ह्यःने हयादीगु दु! आः छिमित पुजाहारी जुइ मास्‍ति नं वः ला?

गन्‍ती 16:35

अले परमप्रभुया थासं मि पिहां वयाः गुँगू देछाःपिं निसः व नेय्‌म्‍ह मनूतय्‌त भस्‍म यानाबिल।

गन्‍ती 16:40

गथे परमप्रभुं मोशापाखें वयात धयादीगु खः। हारूनया सन्‍तान बाहेक मेम्‍ह सुं मनू गुँगू च्‍याकेत न्‍ह्यःने मवयेमा धकाः होशियार यायेत इस्राएलीतय्‌त थ्‍व फुक्‍क जूगु खः। मखुसा व नं कोरह व वया पुचः थें जुइ।

गन्‍ती 18:3

इमिसं छं धाःथें ज्‍या यायेमाः, अले नापलायेगु पालया ज्‍यायागु जिम्‍मा कायेमाः। तर इपिं पवित्र पालया सामान व वेदीया सतिक तक नं मवनेमाः, मखुसा इपिं नापं छिपिं नं सी।

गन्‍ती 18:7

अय्‌नं छ व छिमि काय्‌पिन्‍सं जक वेदी व पवित्र पालया दुने वनाः पुजाहारीया ज्‍या याये फइ। जिं छिमित पुजाहारीया ज्‍या कोसेलिकथं बियागु दु। मेपिं सुं मनू अन वल धाःसा वयात स्‍यानाछ्वयेमाः।”

गन्‍ती 3:11

परमप्रभुं मोशायात धयादिल,

गन्‍ती 3:38

मोशा, हारून व वया काय्‌पिन्‍सं पुर्बपाखे नापलायेगु पालया लिक्‍क थःगु पाल ग्‍वयेमाः। इमित इस्राएलीतय्‌गु निंतिं नापलायेगु पालया बिचाः यायेगु जिम्‍मा ब्‍यूगु खः। वने मत्‍यःपिं सुं उकिया सतिक वंसा वयात स्‍यायेमाः।

रोमी 12:7

सेवा याइगु वरदान दःसा सेवा हे यायेमाः। स्‍यनेकने यायेगु वरदान दःसा स्‍यनेकने हे यायेमाः।

एफिसी 2:19

उकिं छिपिं आः यहूदीमखुपिं जूसां इस्राएलयागु हकं पिनेलाःपिं व परमेश्‍वरयागु बाचां पिनेलाःपिं मखुत। बरु आः छिपिं नं इस्राएलयागु हकं थ्‍याःपिं व परमेश्‍वरया जहानया दुजः जुल।

व्‍यवस्‍था 18:5

छाय्‌धाःसा परमप्रभु छिमि परमेश्‍वरं छिमि फुक्‍क कुलया दथुं लेवी कुलयात परमप्रभुया नामं दनाः सेवा यायेत न्‍ह्याबलेंया लागि ल्‍ययादीगु दु।

हिब्रू 8:4

वय्‌कः थ्‍व संसारय् च्‍वनादीगु जूसा पुजाहारी जुयादी मखुगु, छाय्‌धाःसा व्‍यवस्‍थाय् च्‍वया तः थें छाय्‌छी याइपिं पुजाहारीत ला थन द हे दु।

न्‍यायकर्ता 17:5

थ्‍व हे मीका धाःम्‍ह मनूया छगू पुजा याइगु कोथा दुगु जुयाच्‍वन। वं छगू एपोद व छुं झ्‍वातात दय्‌कल। अले थःकाय्‌पिं मध्‍ये छम्‍ह काय्‌यात पुजाहारीया थासय् तल।

१ शमूएल 6:19

तर परमप्रभुं बेथ-शेमेशया छुं मनूत मध्‍ये न्‍हयेम्‍हय्‌सित स्‍यानादिल, छाय्‌धाःसा इमिसं परमप्रभुया सनू चाय्‌काः स्‍वःगु खः। परमप्रभुं थथे तःधंगु विपत्ति हयादीगुलिं इमिसं विलाप यात।