गन्‍ती 29:8 - नेवाः बाइबल

⁸ छिमिसं परमप्रभुयात लय्‌ताय्‌कीगु नस्‍वाःगु होमबलिकथं छम्‍ह द्वहंचा, छम्‍ह भ्‍याःचा व दच्‍छि दच्‍छि दुपिं न्‍हय्‌म्‍ह चिधिकःपिं भ्‍याःचायात देछायेमाः। थुपिं फुक्‍क खू मदुपिं जुइमाः।

गन्‍ती 29:8 ပူးပေါင်းရင်းမြစ်များ

लेवी 1:3

“‘वं होमबलि सा द्वहंया बथांपाखें छायेगु खःसा व खू मदुम्‍ह मिजंम्‍ह जुइमा, वं व पशु नापलायेगु पालया ध्‍वाखाय् छाये हयेमाः अले व पशु परमप्रभुया न्‍ह्यःने वयागु लागिं नालेबहः जुइ।

लेवी 22:20

खू दुम्‍हय्‌सित छिमिसं छाये मते, छाय्‌धाःसा व नालेबहः जुइ मखु।

गन्‍ती 28:19

परमप्रभुयात विशेष देछाया निंतिं निम्‍ह द्वहंचा, छम्‍ह भ्‍याःचा अले न्‍हय्‌म्‍ह दच्‍छि दुपिं चिधिकःपिं भ्‍याःचा होमबलिकथं छायेमाः। थुपिं फुक्‍क खू मदुपिं जुइमाः।

गन्‍ती 29:13

छिमिसं परमप्रभुयात लय्‌ताय्‌कीगु नस्‍वाःगु विशेष देछाकथं होमबलिया निंतिं खू मदुपिं झिंस्‍वँम्‍ह द्वहंचा, निम्‍ह भ्‍याःचा अले दच्‍छि दच्‍छि दुपिं झिंप्‍यम्‍ह चिधिकःपिं भ्‍याःचा छाये हयेमाः।

गन्‍ती 29:2

छिमिसं परमप्रभुयात लय्‌ताय्‌कीगु नस्‍वाःगु होमबलिया निंतिं छम्‍ह द्वहंचा, छम्‍ह भ्‍याःचा व न्‍हय्‌म्‍ह दच्‍छि दुपिं भ्‍याःचा छायेमाः। थुपिं फुक्‍क खू मदुपिं जुइमाः।

गन्‍ती 29:9

इमिगु अन्‍नबलिया निंतिं द्वहंचा नापं चिकं ल्‍वाकछ्यानातःगु छगू एपाया झिब्‍वय् स्‍वब्‍व भिंगु छुचुं, भ्‍याःचानापं छगू एपाया झिब्‍वय् निब्‍व,

व्‍यवस्‍था 15:21

सुं पशु लंग्रा वा मिखा मखंम्‍ह जूसा वा मेगु छुं कथंया ख्‍वं वयाके दुसा वयात परमप्रभु छिमि परमेश्‍वरया लागि बां बी मते।

व्‍यवस्‍था 17:1

छिमिसं परमप्रभु छिमि परमेश्‍वरयात छुं खू दुम्‍ह वा ख्‍वं दुम्‍ह द्वहं वा फै बां बी मते। छाय्‌धाःसा वय्‌कःयात थ्‍व घच्‍चाइपुगु खँ खः।