गन्‍ती 29:1 - नेवाः बाइबल

¹ “‘न्‍हय्‌गूगु लाया न्‍हापां खुन्‍हु छिमिगु छगू पवित्र मुँज्‍या जुइमाः। उखुन्‍हु छिमिसं छुं हे न्‍हिज्‍या याये मते। थ्‍व छिमिगु निंतिं फैया नेकूया तुरही पुइगु दिं खः।

गन्‍ती 29:1 ပူးပေါင်းရင်းမြစ်များ

१ इतिहास 15:28

थथे सकल इस्राएलीतय्‌सं जयजय धकाः हा हां फैया नेकू व तुरही पुपुं अले भुस्‍याः, सारंगी व वीणा थाथां परमप्रभुया बाचाया सनू ज्‍वनाः वल।

एज्रा 3:6

उबलय् परमप्रभुया देगःयागु जग तःगु मदुनिसां इमिसं न्‍हय्‌गूगु लाया न्‍हापांगु दिनंनिसें परमप्रभुयात होमबलि छायेगु याना हल।

नहेम्‍याह 7:73

पुजाहारीत, लेवीत, म्‍ये हालीपिं, देगलय् पिवाः च्‍वनिपिं व देगलय् सेवा याइपिं थथःगु शहरय् मेपिं मनूतलिसें च्‍वन। अले इस्राएलया मेपिं मनूत इमिगु थथःगु शहरय् च्‍वन। न्‍हय्‌गूगु ला क्‍यंबलय् सकल इस्राएलीत थथःगु गामय् च्‍वने धुंकूगु खः।

नहेम्‍याह 8:2

उकिं न्‍हय्‌गूगु लाया न्‍हापांगु दिंखुन्‍हु एज्रां मनूत मुंगु थासय् व्‍यवस्‍थाया सफू हल। अन मिसा मिजं व न्‍यनाः थुइके फुगु उमेर जुइ धुंकूपिं सकल मनूत दु।

भजनसंग्रहया सफू 81:3

अमै व पुन्‍हिखुन्‍हु चान्‍हय् झीगु नखः हनेत तुरही पु।

भजनसंग्रहया सफू 89:15

हे परमप्रभु, धन्‍य खः भजन हालाः छिगु आराधना याइपिं, व छिगु दयाया जलय् म्‍वानाच्‍वनिपिं मनूत।

प्रस्‍थान 23:16

“थःगु बुँइ सःगु बालीया न्‍हापांगु फल छायाः सामाज्‍याया नखः हँ। “अले दक्‍वसिबय् लिपा थःगु बुँइ सःगु फल खानाः ‘फल खायेगु नखः’ हँ।

प्रस्‍थान 34:22

“छिमिसं बुँइ न्‍हापां सःगु छ्व नापं सामाज्‍याया नखः हनेगु या। हानं न्‍हय्‌गूगु लाय् थथःगु फल खाये धुंकाः मुनेगु नखः हनेगु या।

यशैया 27:13

व दिंखुन्‍हु छगू तःधंगु तुरही पुइ। अश्‍शूरय् नाश जूपिं व मिश्र देशय् ज्‍वनायंकूपिं वयाः यरूशलेमया पवित्र पर्वतय् परमप्रभुया आराधना याइ।

लेवी 23:23

परमप्रभुं मोशायात धयादिल-

लेवी 23:7

न्‍हापां खुन्‍हु छिमिगु छगू पवित्र मुंज्‍या जुइमाः। उखुन्‍हु छिमिसं छुं नं न्‍हिज्‍या याये मते।

जकरिया 9:14

परमप्रभु शत्रुतय्‌थाय् खनेदः वइ अले वय्‌कःया वाण हाबलासा थें थी। दक्‍व शक्ति दुम्‍ह परमप्रभुं तुरही पुयादी, अले दच्‍छिनयागु ग्‍वःफसय् जुयाः वय्‌कः झायादी।

गन्‍ती 28:26

“‘सामाज्‍याया नखःया न्‍हापांगु दिंखुन्‍हु, छिमिसं थःगु बुँइ सःगु बालीया न्‍हापांगु छ्व परमप्रभुयात छायेबलय् छिमिगु छगू पवित्र मुँज्‍या जुइमाः। उखुन्‍हु छिमिसं छुं हे ज्‍या याये मते।

गन्‍ती 29:12

“‘न्‍हय्‌गूगु लाया झिंन्‍यान्‍हु खुन्‍हु छिमिगु छगू पवित्र मुँज्‍या जुइमाः। उखुन्‍हु छिमिसं छुं हे न्‍हिज्‍या याये मते। छिमिसं परमप्रभुया निंतिं न्‍हय्‌न्‍हु तक नखः हनेमाः।

गन्‍ती 29:2

छिमिसं परमप्रभुयात लय्‌ताय्‌कीगु नस्‍वाःगु होमबलिया निंतिं छम्‍ह द्वहंचा, छम्‍ह भ्‍याःचा व न्‍हय्‌म्‍ह दच्‍छि दुपिं भ्‍याःचा छायेमाः। थुपिं फुक्‍क खू मदुपिं जुइमाः।

गन्‍ती 29:35

“‘च्‍यान्‍हु खुन्‍हु छिमिगु छगू तःमुंज्‍या जुइमाः। उखुन्‍हु छुं नं न्‍हिज्‍या याये मते।