गन्‍ती 28:3 - नेवाः बाइबल

³ “छं इमित थथे धा, ‘छिमिसं परमप्रभुया निंतिं छायेमाःगु विशेष देछा थ्‍व हे खः – निम्‍ह दच्‍छि दुपिं खू मदुपिं भ्‍याःचा न्‍हियान्‍हिथंया होमबलिकथं न्‍हिं न्‍हिं छायेमाः।

गन्‍ती 28:3 ပူးပေါင်းရင်းမြစ်များ

१ इतिहास 16:40

इमिसं परमप्रभुं इस्राएलीतय्‌त बियादीगु व्‍यवस्‍थाय् च्‍वया तःकथं सुथय् व बहनी परमप्रभुया निंतिं होमबलि वेदीइ छाइगु।

२ इतिहास 8:13

मोशाया आज्ञा कथं विश्रामबार पतिकं, अमाइ पतिकं व क्‍वःछिनातःगु नखःबलय् दँय् स्‍वक्‍व अथे धइगु– सोडा मतःगु मरिया नखःबलय्, समाज्‍याया नखःबलय् व बल्‍चाबाय्‌या नखःबलय् वं बलि छायेगु यात।

एज्रा 3:5

थुपिं बाहेक न्‍हियान्‍हिथंया होमबलि, अमाइ-बलि व परमप्रभुं क्‍वःछिनादीगु दँय्‌दसं मानय् यायेमाःगु फुक्‍क पवित्र नखःचखःया निंतिं देछा छाल। थुपिंनापं परमप्रभुया निंतिं थथःगु इच्‍छां हःगु फुक्‍क भेटी छाल।

दानिएल 11:31

“वया सिपाइँतय्‌सं देगःयात अशुद्ध याइ, न्‍हियान्‍हिथं छाइगु बलि दिकी। इमिसं देगलय् घच्‍चायापुगु व ग्‍यानापुगु मूर्ति पलिस्‍था याइ।

दानिएल 12:11

“न्‍हियान्‍हिथं छाइगु देछा दिकूगु व देगलय् घच्‍चायापुगु व ग्‍यानापुगु मूर्ति पलिस्‍था याइगु इलंनिसें १,२९० दिं जुइ।

दानिएल 8:11

व नेकुलिं थःत स्‍वर्गया सेनाया सेनापति ति हे तःधंकल। वय्‌कलं न्‍हियान्‍हिथंया बां बीगु दीकाबिल, अले देगःयात अपवित्र यानाबिल।

दानिएल 8:13

अले जिं छम्‍ह स्‍वर्गदूत न्‍ववाःगु ताया। हानं मेम्‍ह छम्‍ह स्‍वर्गदूतं न्‍हापा न्‍ववाःम्‍हय्‌सित न्‍यन, “थ्‍व दर्शनय् खनेदुगु खँ गबले तक जुयाच्‍वनी? न्‍हियान्‍हिथंया देछाया पलेसा गबले तक घच्‍चाय्‌पुगु पाप जुयाच्‍वनी? देगः व स्‍वर्गया सेनायात न्‍हुत्तुन्‍हुइगु ज्‍या गबले तक जुयाच्‍वनी।”

लेवी 3:5

व फुक्‍कयात हारूनया काय्‌पिन्‍सं वेदीइ मि च्‍वय् दुगु सिँइ तयाः छ्वय्‌केमाः। थ्‍व परमप्रभुयात यःगु नस्‍वाः वःगु विशेष देछा खः।

लेवी 6:9

“हारून व वया काय्‌पिन्‍त थथे आज्ञा ब्‍यु, ‘होमबलि बीगु विधि थथे खः – होमबलि चच्‍छि व सुथय् तक वेदीइ तयेमाः। वेदीइ मि च्‍यानाच्‍वनेमाः।

आमोस 4:4

“बेथेलय् वनाः पाप या। गिलगालय् वनाः झन अप्‍वः पाप या। सुथ पतिकं छिमिगु भेटी हति, अले स्‍वन्‍हु स्‍वन्‍हु दुखुन्‍हु थथःगु झिब्‍वय् छब्‍व हति।

गन्‍ती 28:10

न्‍हियान्‍हिथं छाइगु होमबलि व त्‍वँसाबलि बाहेक विश्रामबार पतिकं छाइगु होमबलि थ्‍व हे खः।

गन्‍ती 28:15

होमबलि व त्‍वँसाबलि बाहेक शुद्ध जुइगु बलिया निंतिं दुगुचा छम्‍ह नं छायेमाः।

गन्‍ती 28:23

थ्‍व सोडा मतःगु मरिया नखःबलय् थ्‍व सुथया न्‍ह्याबलेंया होमबलि बाहेक छायेमाः।

गन्‍ती 28:24

थुकथं न्‍हियान्‍हिथं छिमिसं नखःबलय् न्‍हय्‌न्‍हु तक हे परमप्रभुया निंतिं नस्‍वाःकथं विशेष देछा छायेमाः। थुपिं धाःसा न्‍हियान्‍हिथंया होमबलि व त्‍वँसाबलि बाहेक छायेमाः।

गन्‍ती 28:31

न्‍हियान्‍हिथंया होमबलि व उकिया अन्‍नबलि बाहेक छिमिसं त्‍वँसाबलि नापं थुपिं नं छायेमाः। उपिं पशुत धाःसा खू मदुपिं जुइमाः।

गन्‍ती 28:4

छम्‍ह भ्‍याःचा सुथय् अले मेम्‍ह सन्‍ध्‍याकाः इलय् छायेमाः।

गन्‍ती 29:11

छिमिसं पापबलियात छम्‍ह दुगुचा नं छायेमाः। थ्‍व प्रायश्‍चितया पापबलि व न्‍ह्याबलेंयागु होमबलि व उकियागु अन्‍नबलि अले त्‍वँसाबलि बाहेक खः।

गन्‍ती 29:16

पापबलियात छम्‍ह दुगुचा नं छायेमाः। थ्‍व न्‍हियान्‍हिथं छाइगु होमबलि अले उकिया अन्‍नबलि व त्‍वँसाबलि बाहेक छायेमाः।

गन्‍ती 29:6

थुपिं न्‍हियान्‍हिथंया व अमाइ खुन्‍हुया होमबलि व उकियागु अन्‍नबलि व त्‍वँसाबलि बाहेक जुइमाः। थ्‍व परमप्रभुया निंतिं यःगु नस्‍वाःगु विशेष देछा खः।

यूहन्‍ना 1:29

कन्‍हय् खुन्‍हु यूहन्‍नां थःथाय् येशू झायाच्‍वंगु खनाः धाल – “संसारयागु पाप क्षमा यानादीम्‍ह परमेश्‍वरया चीधिकःम्‍ह भ्‍याःचा वय्‌कः हे खः।

हिब्रू 9:6

थ्‍व फुक्‍क थुकथं दय्‌काः पुजाहारीत न्‍हिं न्‍हिं पवित्रगु थासय् सेवा यायेत वनी।

प्रकाश 13:8

अले पृथ्‍वीइ च्‍वंपिं फुक्‍कसिनं व पशुयात पुजा याइ। संसारयागु सृष्‍टि जूसांनिसें स्‍याःम्‍ह चीधिकःम्‍ह भ्‍याःचाया जीवनयागु सफुलिइ नां च्‍वया मतःपिं फुक्‍कसिनं वयात पुजा याइ।