गन्‍ती 28:2 - नेवाः बाइबल

² “इस्राएलीतय्‌त थथे धकाः उजं ब्‍यु, ‘जितः लय्‌ताय्‌कीगु नस्‍वाःगु विशेष देछा क्‍वःछीगु इलय् छायेत छिमिसं लुमंकि।’

गन्‍ती 28:2 ပူးပေါင်းရင်းမြစ်များ

उत्‍पत्ति 8:21

उकिं लय्‌तायाः परमप्रभुं मनं मनं धयादिल, “मनूया नुगलय् मचांनिसें हे मभिंगु खँ बुयावःसां आः हाकनं जिं मनूया कारणं पृथ्‍वीयात सराः बी मखुत। अले न्‍हापा याना थें आः हाकनं ज्‍यान दुपिं फुक्‍कसितं नाश याये मखुत।

१ इतिहास 23:31

परमप्रभुयात विश्रामया न्‍हिइ, अमाइया नखबलय् व फुक्‍क मेगु क्‍वःछिनातःगु नखःचखःबलय् ल्‍यायाः नियमकथं फुक्‍क होमबलि न्‍हियान्‍हिथं छायेगु जिम्‍मा नं लेवीतय्‌गु खः।

२ इतिहास 23:18

यहोयादां पुजाहारीतय्‌त व लेवीतय्‌त दाऊदं इमित आज्ञा ब्‍यु थें देगः स्‍वयेगु जिम्‍मा बिल। थःगु इलंनिसें हे प्रशंसा यायां लय्‌लय्‌तातां मोशाया व्‍यवस्‍थाय् क्‍वःछिनातःथें परमप्रभुया निंतिं होमबलि छायेत व परमप्रभुया देगलय् ज्‍या यायेत दाऊदं इमित ज्‍या ब्‍वःगु खः।

२ इतिहास 31:3

जुजुं थःगु हे सम्‍पत्तिं परमप्रभुया व्‍यवस्‍थाय् च्‍वया तः थें सुथय् व बहनिया होमबलिया निंतिं, अले विश्रामबार, अमाइ व क्‍वःछिनातःगु नखःचखःया निंतिं पशुत दान बिल।

एज्रा 3:2

योसादाकया काय् येशूअ व वया थःथिति पुजाहारीत अले शालतिएलया काय् यरूबाबेल व वया थःथितिनापं मिलय् जुयाः परमेश्‍वरया मनू मोशाया व्‍यवस्‍थाय् च्‍वया तः थें होमबलि छायेत इस्राएलया परमेश्‍वरया वेदी दय्‌कल।

एज्रा 3:3

थः जःखः च्‍वनाच्‍वंपिं मनूत खनाः इपिं ग्‍याःसां इमिसं वेदी न्‍हापायागु थासय् हे दय्‌कल। अले इमिसं उकी परमप्रभुया निंतिं न्‍हियान्‍हिथं सुथय्‌सियागु व बहनीयागु होमबलि छायेगु याना हल।

नहेम्‍याह 10:34

“जिपिं पुजाहारीत, लेवीत व मनूतय्‌सं व्‍यवस्‍थाय् च्‍वया तः थें परमप्रभु जिमि परमेश्‍वरयागु वेदीइ छ्वय्‌केत दँय्‌दसं क्‍वःछिनातःगु इलय् पालंपाः परिवार परिवार यानाः जिमि यागु देगलय् सिँ हयेत चिट्ठा तयागु दु।

भजनसंग्रहया सफू 81:3

अमै व पुन्‍हिखुन्‍हु चान्‍हय् झीगु नखः हनेत तुरही पु।

प्रस्‍थान 23:15

“छिमिसं सोडा मतःगु मरिया नखः हनेगु या। छिमित आज्ञा बिया थें आबीब लाया क्‍वःछिनातःगु इलय् न्‍हय्‌न्‍हु तक सोडा मतःगु मरि नयेगु या, छाय्‌धाःसा व हे लाय् छिपिं मिश्रं पिहां वःगु खः। “सु नं जिगु न्‍ह्यःने ल्‍हातय् छुं मदय्‌क खनेदः वये मते।

प्रस्‍थान 29:18

भ्‍याःचाया म्‍ह छम्‍हं वेदीइ छ्वय्‌काछ्व। थ्‍व परमप्रभुया निंतिं विशेष देछा, नस्‍वाःगु होमबलि खः।

इजकिएल 16:19

जिं छन्‍त नयेगु नसा नं ज्‍वरय् यानाबिया, नचुगु छुचुं, कस्‍ति व जैतूनया चिकं छन्‍त नयेत बिया। तर छं उपिं इमिगु न्‍ह्यःने नस्‍वाःगु बास्‍ना जुइत छाल। अथे हे जुल, परमप्रभु परमेश्‍वरं धयादी।

इजकिएल 20:41

जिं छिमित जाति जातितपाखें पित हयेबलय् अले छिमित छ्यालब्‍याल जुयाच्‍वंगु देशं छिमित मुंकेबलय् छिमित नस्‍वाःगु धुपाँय् थें नाले। अले जाति जातितय्‌गु न्‍ह्यःने जिं थःम्‍हं थःत छिमिगु दथुइ पवित्र क्‍यने।

इजकिएल 45:17

थीथी नखःचखः, अमइया नखः, विश्रामबारत व इस्राएलया घरानाया फुक्‍क क्‍वछिनातःगु नखःचखःबलय् छायेत होमबलि, अन्‍नबलि व त्‍वँसाबलि तयार यायेगु ज्‍या शासकयागु हे जुइ। इस्राएलया घरानाया निंतिं प्रायश्‍चित यायेत माःगु शुद्ध जुइगु बलि, अन्‍नबलि, होमबलि व मेलबलि वं हे तयार यानाबीमाः।

लेवी 1:13

वं बलि बीहःम्‍ह पशुयागु आतापुति भ्‍वरि व तुतियात लखं सिलेमाः। अले पुजाहारीं फुक्‍क यंकाः वेदीइ छ्वय्‌केमाः। थ्‍व परमप्रभुयात यःगु नस्‍वाः वःगु होमबलि, विशेष देछा खः।

लेवी 1:17

उकी देछाःम्‍ह झंगःयात कुचा मयासें पपूया दथुं फायेमाः। पुजाहारीं वेदीइ दुगु मि च्‍वय् सिँइ झंगःयात छ्वय्‌केमाः। थ्‍व परमप्रभुयात यःगु नस्‍वाः वःगु होमबलि, विशेष देछा खः।

लेवी 1:9

आतापुति भ्‍वरि व तुति धाःसा लखं सिलेमाः अले व फुक्‍कयात पुजाहारीं वेदीइ छ्वाकेमाः। थ्‍व परमप्रभुयात यःगु नस्‍वाः वःगु विशेष देछा, होमबलि खः।

लेवी 21:6

थः परमेश्‍वरया निंतिं इपिं पवित्र जुइमाः, अले थः परमेश्‍वरया नां अशुद्ध मयायेमाः। छाय्‌धाःसा इमिसं विशेष देछा, परमेश्‍वरया नसा होमबलि छाइगु खः। उकिं इपिं पवित्र जुइमाः।

लेवी 21:8

मनूतय्‌सं इमित पवित्र भाःपीमाः, छाय्‌धाःसा इमिसं छिमि परमेश्‍वरयात अन्‍नबलि छाइ। मनूतय्‌सं इमित पवित्र भाःपीमाः, छाय्‌धाःसा जि छिमित पवित्र याइम्‍ह परमप्रभु पवित्र खः।

लेवी 3:11

पुजाहारीं व परमप्रभुया निंतिं विशेष देछा वेदीइ नसाकथं छ्वय्‌केमाः।

मलाकी 1:12

“छिमिसं धाःसा ‘परमप्रभुया टेबिल अशुद्धगु खः’ अले ‘उकी दुगु नयेगु नसा नं अशुद्धगु खः’ धकाः धयाः ‘जिगु नां क्‍वह्यंकाच्‍वंगु दु।’

मलाकी 1:7

“छिमिसं अशुद्धगु नसा जिगु वेदीइ छानाः जितः अशुद्ध याःगु दु। “अय्‌नं छिमिसं न्‍यनी, ‘जिमिसं छितः गुकथं अशुद्ध यानागु दु?’ “परमप्रभुया टेबिल हनाबना यायेबहः मजू” धकाः धया।

गन्‍ती 15:24

अले खलकं मसीकं मचायेकं व मभिंगु ज्‍या याःगु जूसा, फुक्‍क खलकं परमप्रभुयात यःगु नस्‍वाःकथं होमबलिया निंतिं छम्‍ह द्वहंचा, उकिया अन्‍नबलि व त्‍वँसाबलि नापं विधिकथं छायेमाः। अले नापं पापबलिया निंतिं छम्‍ह दुगु नं छायेमाः।

गन्‍ती 15:3

छिमिसं परमप्रभुयात लय्‌ताय्‌कीगु नस्‍वाःकथं होमबलि व विशेष देछा बीबलय् सा द्वहंया बथां वा फैच्‍वलय्‌या बथांपाखें जुइमाः, अथे हे भाकलया बलि, थःयसें छाइगु बलि व नखःचखःया बलि बीबलय्

गन्‍ती 15:7

त्‍वंसाबलिया निंतिं छगू हीनया स्‍वब्‍वय् छब्‍व दाखमद्य छाये हयेमाः। थ्‍व फुक्‍क छिमिसं परमप्रभुया निंतिं नस्‍वाःकथं देछा।

गन्‍ती 28:1

परमप्रभुं मोशायात धयादिल,

गन्‍ती 29:39

“‘छिमिगु थःयसेंया बलि व भाकल बाहेक छिमिसं होमबलि, अन्‍नबलि, त्‍वँसाबलि व मेलबलित छिमिगु क्‍वछिनातःगु नखःबलय् परमप्रभुयात छायेमाः।’”

गन्‍ती 9:13

अय्‌नं शुद्धम्‍ह व यात्राय् मवंम्‍ह मनुखं छुत्‍काराया नखः महंसा वयात थः मनूत मध्‍ये नाश याना छ्वयेमाः। छाय्‌धाःसा वं क्‍वःछीगु इलय् देछा मछाः। व मनुखं थःगु पापयागु सजाँय भोगे यायेमाः।

गन्‍ती 9:7

अले मोशायात धाल, “जिपिं मनूया सीम्‍हया हुनिं अशुद्ध जूगु दु, तर क्‍वःछीगु इलय् मेपिं इस्राएलीतलिसें परमप्रभुया देछा जिमिसं छाय् छाये मज्‍यू?”

२ कोरिन्‍थी 2:15

जिं न्‍यंकागु ख्रीष्‍टयागु भिंगु खँ परमेश्‍वरयात तःधंकेगु नस्‍वाः थें खः। थ्‍व मुक्ति काःपिं व नाश जुइपिनि दथुइ नं जिपिं परमेश्‍वरया निंतिं ख्रीष्‍टया नस्‍वाः खः।

एफिसी 5:2

ख्रीष्‍ट येशूं झीत माया यानादी थें छिमिसं नं थःथवय् माया यानाः च्‍वनेगु यायेमाः। ख्रीष्‍टं झीत माया यानाः नस्‍वाःगु देछा व बलिकथं थःत परमेश्‍वरयाथाय् छायादिल।

फिलिप्‍पी 4:18

छिमिगुपाखें जितः मतिइ तयागु स्‍वयाः अप्‍वः हे दत। छिमिसं इपाफ्रोडिटसयात बीके छ्वयाहःगु ग्‍वाहालि नं जिगु ल्‍हातय् लात। छिमिसं छ्वयाहःगु थ्‍व ग्‍वाहालि ला नस्‍वाः वःगु व परमेश्‍वरयात यःगु बलिदान थें खः।