गन्‍ती 28:16 - नेवाः बाइबल

¹⁶ “‘न्‍हापांगु लाया झिंप्‍यन्‍हु दुखुन्‍हु परमप्रभुया छुत्‍काराया नखः हनेमाः।

गन्‍ती 28:16 ပူးပေါင်းရင်းမြစ်များ

प्रस्‍थान 12:1

मिश्र देशय् परमप्रभुं मोशा व हारूनयात धयादिल,

प्रस्‍थान 12:18

न्‍हापांगु लाया झिंप्‍यन्‍हु खुन्‍हुया बहनिनिसें निइछन्‍हु खुन्‍हुया बहनि तक सोडा मतःगु मरि न।

प्रस्‍थान 23:15

“छिमिसं सोडा मतःगु मरिया नखः हनेगु या। छिमित आज्ञा बिया थें आबीब लाया क्‍वःछिनातःगु इलय् न्‍हय्‌न्‍हु तक सोडा मतःगु मरि नयेगु या, छाय्‌धाःसा व हे लाय् छिपिं मिश्रं पिहां वःगु खः। “सु नं जिगु न्‍ह्यःने ल्‍हातय् छुं मदय्‌क खनेदः वये मते।

प्रस्‍थान 34:18

“सोडा मतःगु मरिया नखः हनेगु या। जिगु उजंकथं आबीब लाया क्‍वःछिनातःगु इलय् न्‍हय्‌न्‍हु तक सोडा मतःगु मरि नयेगु या। आबीब लाय् हे छिपिं मिश्र देशं पिहां वःगु खः।

मत्ती 26:17

सोडा मतःगु मरि नयेगु नखःयागु न्‍हापां खुन्‍हु चेलातय्‌सं वयाः वय्‌कःयाके – “गन वनाः छुत्‍काराया नखःयात ज्‍वरय् याः वने?” धकाः न्‍यन।

मत्ती 26:2

“निन्‍हु लिपा छुत्‍काराया नखः वइ धकाः ला छिमिसं सि हे स्‍यू। उबलय् मनूया काय्‌यात ज्‍वनाः क्रूसय् यख्‍खायाः स्‍यायेत लःल्‍हानाबी।”