गन्‍ती 28:15 - नेवाः बाइबल

¹⁵ होमबलि व त्‍वँसाबलि बाहेक शुद्ध जुइगु बलिया निंतिं दुगुचा छम्‍ह नं छायेमाः।

गन्‍ती 28:15 ပူးပေါင်းရင်းမြစ်များ

उत्‍पत्ति 37:31

इमिसं छम्‍ह भ्‍याःचा स्‍यानाः वयागु हि योसेफया भान्‍तां लनय् बुलाबिल।

लेवी 16:15

“अले वं मनूतय्‌गु पापबलिया निंतिं दुगुयात स्‍यायेमाः। उकिया हि भचा कयाः महा-पवित्र थासय् यंकाः द्वहंया हि हाः याः थें प्रायश्‍चितया कृपा-आसनया च्‍वय् व न्‍ह्यःने छ्वाकेमाः।

लेवी 16:16

थुकथं वं इस्राएलीतय्‌गु पाप व अशुद्ध ज्‍याखँपाखें तच्‍वकं महा-पवित्रगु थाय्‌यात शुद्ध यायेत प्रायश्‍चित यायेमाः। अथे हे वं पवित्र पालया निंतिं नं अथे हे यायेमाः, छाय्‌धाःसा थ्‍व छाउनी इमिगु अशुद्धताया दथुइ दु।

लेवी 4:23

वं याःगु पाप वयाके पिज्‍वःसा वं छम्‍ह खू मदुम्‍ह दुगु थःगु बलिया निंतिं हयेमाः।

गन्‍ती 15:24

अले खलकं मसीकं मचायेकं व मभिंगु ज्‍या याःगु जूसा, फुक्‍क खलकं परमप्रभुयात यःगु नस्‍वाःकथं होमबलिया निंतिं छम्‍ह द्वहंचा, उकिया अन्‍नबलि व त्‍वँसाबलि नापं विधिकथं छायेमाः। अले नापं पापबलिया निंतिं छम्‍ह दुगु नं छायेमाः।

गन्‍ती 28:14

बां नाप माःगु त्‍वँसाबलि थथे जुइमाः, छम्‍ह छम्‍ह द्वहंचा नापं बच्‍छि हीन, भ्‍याःचानापं छगू हीनया स्‍वब्‍वय् छब्‍व, अले छम्‍ह छम्‍ह भ्‍याःचानापं छगू हीनया प्‍यब्‍वय् छब्‍व दाखमद्य छायेमाः। अमाइखुन्‍हु पतिकं छायेमाःगु होमबलि थ्‍व हे खः।

गन्‍ती 28:22

नापं छिमिगु प्रायश्‍चित यायेत छम्‍ह दुगुचा नं पापबलि यानाः छायेमाः।

गन्‍ती 28:3

“छं इमित थथे धा, ‘छिमिसं परमप्रभुया निंतिं छायेमाःगु विशेष देछा थ्‍व हे खः – निम्‍ह दच्‍छि दुपिं खू मदुपिं भ्‍याःचा न्‍हियान्‍हिथंया होमबलिकथं न्‍हिं न्‍हिं छायेमाः।

गन्‍ती 28:30

छिमिगु प्रायश्‍चितया निंतिं छम्‍ह दुगुचा नं छायेमाः।

गन्‍ती 29:16

पापबलियात छम्‍ह दुगुचा नं छायेमाः। थ्‍व न्‍हियान्‍हिथं छाइगु होमबलि अले उकिया अन्‍नबलि व त्‍वँसाबलि बाहेक छायेमाः।

गन्‍ती 29:5

नापं छिमिगु प्रायश्‍चित यायेत पापबलिया छम्‍ह दुगुचा नं छायेमाः।

रोमी 8:3

झीपिं बमलाःबलय् व्‍यवस्‍थां यायेमाःगु ज्‍या याये मफुगुलिं परमेश्‍वरं थःकाय्‌यात छ्वयाहयादिल। वय्‌कः झीपिं थें तुं मनू जुयाः झीगु पाप सिला छ्वयेत बलिदान जुयादिल। थथे यानाः वय्‌कलं झीगु शरीरय् पापयागु दोष क्‍यनादिल।

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।