गन्‍ती 28:14 - नेवाः बाइबल

¹⁴ बां नाप माःगु त्‍वँसाबलि थथे जुइमाः, छम्‍ह छम्‍ह द्वहंचा नापं बच्‍छि हीन, भ्‍याःचानापं छगू हीनया स्‍वब्‍वय् छब्‍व, अले छम्‍ह छम्‍ह भ्‍याःचानापं छगू हीनया प्‍यब्‍वय् छब्‍व दाखमद्य छायेमाः। अमाइखुन्‍हु पतिकं छायेमाःगु होमबलि थ्‍व हे खः।

गन्‍ती 28:14 ပူးပေါင်းရင်းမြစ်များ

एज्रा 3:5

थुपिं बाहेक न्‍हियान्‍हिथंया होमबलि, अमाइ-बलि व परमप्रभुं क्‍वःछिनादीगु दँय्‌दसं मानय् यायेमाःगु फुक्‍क पवित्र नखःचखःया निंतिं देछा छाल। थुपिंनापं परमप्रभुया निंतिं थथःगु इच्‍छां हःगु फुक्‍क भेटी छाल।

यशैया 1:13

ज्‍यालगय् मजूगु बलि जिथाय् हये मते। छिमिसं च्‍याकूगु धुपाँय् जिगु निंतिं घच्‍चाइपुसे च्‍वं। छिमिसं मानय् यानावयाच्‍वंगु अमाइ विश्रामबार व छिमिगु मभिंगु मुने ज्‍याया कारणं जिं सह याये मफये धुंकल।

यर्मिया 48:35

पुजा यायेगु थासय् बलि छाइपिन्‍त व द्यःतय्‌त धुपाँय् च्‍याकीपिन्‍त जिं मोआबं भज्‍यंक नाश यानाबी,” परमप्रभुं धयादी।

इजकिएल 46:4

विश्रामबार खुन्‍हु शासकं परमप्रभुया निंतिं छायेमाःगु होमबलि थथे जुइमाः- खुम्‍ह खू मदुपिं चीधिकःपिं भ्‍याःचात व छम्‍ह खू मदुम्‍ह भ्‍याःचा।

योएल 1:13

हे पुजाहारीत, भांग्रा फिनाः नुगःपा दादां ख्‍व! हे वेदीया न्‍ह्यःने सेवा याइपिं, ह्वाँय्‌ह्वाँय् ख्‍व! हे जिमि परमेश्‍वरया न्‍ह्यःने सेवा याइपिं, भांग्रा फिनाः चच्‍छि च्‍वँ, छाय्‌धाःसा छिमि परमेश्‍वरया छेँय् अन्‍नबलि व त्‍वँसाबलि छाये हयेगु दीधुंकल।

गन्‍ती 15:5

होमबलिया छम्‍ह छम्‍ह चिधिकःम्‍ह भ्‍याःचानापं त्‍वँसाबलिकथं छगू हीनया प्‍यब्‍वय् छब्‍व दाखमद्य नं छायेमाः।

गन्‍ती 15:9

बच्‍छि हीन चिकं ल्‍वाकछ्यानातःगु छगू एपाया झिब्‍वय् स्‍वब्‍व भिंगु छुचुंयागु अन्‍नबलि नं छायेमाः।

गन्‍ती 28:13

अले छम्‍ह छम्‍ह चिधिकःम्‍ह भ्‍याःचानापं माःगु अन्‍नबलि थ्‍व जुइमाः, चिकं ल्‍वाकछ्यानातःगु छगू एपाया झिब्‍वय् छब्‍व भिंगु छुचुं छायेमाः। थ्‍व परमप्रभुयात यःगु नस्‍वाःगु विशेष देछा, होमबलिया देछा खः।

गन्‍ती 28:15

होमबलि व त्‍वँसाबलि बाहेक शुद्ध जुइगु बलिया निंतिं दुगुचा छम्‍ह नं छायेमाः।

गन्‍ती 28:7

न्‍हियान्‍हिथं न्‍हापांम्‍ह बां बीगु भ्‍याःचानापं त्‍वँसाबलिकथं छगू हीनया प्‍यब्‍वय् छब्‍व दाखमद्य वेदीइ छायेमाः। थ्‍व त्‍वँसाबलि नापलायेगु पालया चुकय् च्‍वंगु वेदीइ परमप्रभुया निंतिं प्‍वंकेमाः।

गन्‍ती 29:18

द्वहंचात, भ्‍याःचात व फैचात नापं माःगु अन्‍नबलि व त्‍वँसाबलि इमिगु ल्‍याःकथं छायेमाः।