गन्‍ती 27:11 - नेवाः बाइबल

¹¹ वया बौया सुं दाजुकिजा नं मदुसा वयागु सर्बय वया वंशय् दकलय् सतिक थःलाःम्‍हय्‌सित ब्‍यु। अले वं उकियात थःगु यायेमाः। परमप्रभुं मोशायात उजं बियादी थें थ्‍व इस्राएलीतय्‌गु निंतिं न्‍याययागु नियम जुइ।’”

गन्‍ती 27:11 ပူးပေါင်းရင်းမြစ်များ

यर्मिया 32:8

“अले परमप्रभुया वचनकथं जिमि ककाया काय् हनमेल पिवाःया चुकय् जिथाय् वयाः जितः धाल, ‘बेन्‍यामीनया लागाया अनातोतय् दुगु जिगु बुँ न्‍यानादिसँ। उकियात कब्‍जा यानाः कायेगु व उकियात त्‍वःतकेगु हक छिगु हे खः। उकिं छिं हे व बुँ न्‍यानादिसँ।’ “अले जिं थ्‍व परमप्रभुया वचन खः धकाः सिल।

लेवी 25:25

“‘सुं नं इस्राएलीं गरीब जुयाः थःगु पुर्खौली सम्‍पत्ति मिल धाःसा वया दक्‍वसिबय् सत्तीम्‍ह थःथितिं वयाः व सम्‍पत्ति लिफ्‍याना कायेमाः।

लेवी 25:49

वया थः कका वा तःबा, कका वा तःबाःया काय्‌पिं व सत्तीक थःलाःपिं सुनानं नं वयात लिफ्‍याये फु। अले व मनुखं लिपा थःके धिबा दत धाःसा थःम्‍हं थःत नं लिफ्‍याये फु।

गन्‍ती 27:10

वया दाजुकिजापिं मदुसा वयागु सर्बय वया बौया दाजुकिजापिन्‍त बीमाः।

गन्‍ती 35:29

“‘छिपिं न्‍ह्याथाय् च्‍वंसां छिपिं व छिमि लिपाया फुक्‍क पुस्‍ताय् थ्‍व विधि दया हे च्‍वनी।

१ शमूएल 30:25

उखुन्‍हुनिसें थौं तक नं दाऊदं ब्‍यूगु थ्‍व हे नियम इस्राएलीतय्‌सं मानय् यानाः वयाच्‍वंगु दु।