गन्‍ती 26:53 - नेवाः बाइबल

⁵³ “थुपिं पुर्खातय्‌त देश सर्बयया निंतिं इमिगु नांया ल्‍याःकथं इनाब्‍यु।

गन्‍ती 26:53 ပူးပေါင်းရင်းမြစ်များ

उत्‍पत्ति 12:2

“जिं छंगुपाखें तःधंगु जाति दय्‌के बी, जिं छन्‍त आशिष बी। जिं छन्‍त नांजाःम्‍ह मनू दय्‌के, अले छंगुपाखें मेपिन्‍त आशिष बीके।

उत्‍पत्ति 12:7

अले परमप्रभुं अब्रामयाथाय् झायाः धयादिल, “जिं थ्‍व देश छिमि सन्‍तानयात बी।” अले अब्रामं वयाथाय् झाःम्‍ह परमप्रभुया लागि अन छगू वेदी दय्‌कल।

१ इतिहास 16:18

“जिं छन्‍त हे कनान देश बी। व छंगु थःगु सर्बय जुइ।”

भजनसंग्रहया सफू 105:44

वय्‌कलं इमित मेमेगु जातियापिनिगु जमिन बियादिल, अले इमिसं मेमेगु जातियापिन्‍सं मेहनत याःगुया फल थःगु अधिकारय् काल।

भजनसंग्रहया सफू 49:14

इपिं फै थें सिनावनी कालं इमित नुनाछ्वइ। धर्मीपिन्‍सं इमित शासन याइ। इमिगु म्‍ह थःगु छेँनं तापाक चिहानय् ध्‍वगिनावनि।

इजकिएल 47:22

छिमिसं थ्‍व देश न्‍ह्याबलेंया सर्बयकथं थःगु हे निंतिं व छिपिंनापं च्‍वनाच्‍वंपिं, काय्‌म्‍ह्याय् दुपिं विदेशीतय्‌गु निंतिं नं इनाब्‍यु। छिमिसं इमित इस्राएलय् हे बूपिं इस्राएलीत थें ताय्‌कि। छिपिंनापं हे इस्राएलया कुलतय्‌गु दथुइ इमित सर्बय दयेमाः।

दानिएल 7:27

पृथ्‍वीया फुक्‍क राज्‍यतय्‌गु शक्ति व तःधंसू दकलय् तःधंम्‍ह परमेश्‍वरया पवित्र मनूतय्‌गु ल्‍हातय् बी। वय्‌कःया राज्‍य न्‍ह्याबलें दयाच्‍वनीगु राज्‍य जुइ। फुक्‍क राज्‍यं वय्‌कःया खँ न्‍यनी व वय्‌कःयागु सेवा याइ।’

गन्‍ती 26:52

परमप्रभुं मोशायात धयादिल,

गन्‍ती 26:54

तःधंगु पुचःयात तःधंगु सर्बय अले चिधंगु पुचःयात चिधंगु सर्बय ब्‍यु। फुक्‍कसित इमिगु थःगु सर्बय धलखय् दुथ्‍याःगु ल्‍याःकथं बीमाः।

गन्‍ती 33:54

छिमिसं थथःगु सर्बयकथं व देशय् गोला तयाः जमिन इनाब्‍यु। अप्‍वः छेँजः दुगु कुलयात अप्‍वः अले कम छेँजः दुगु कुलयात छिमिसं कम सर्बय ब्‍यु। सुयागु गोला गन लाइ व वयागु हे जुइ। छिमिगु पुर्खाया कुलकथं थ्‍व इनाब्‍यु।

मत्ती 5:5

स्‍वजापिं मनूत धन्‍यपिं खः, पृथ्‍वीइ इमिसं अधिकार यायेदइ।

यहोशू 1:6

बल्‍ला व साहसी जु! छाय्‌धाःसा जिं इमि पुर्खातय्‌त बी धकाः पाफयागु देश इमिगु अधिकारय् हयेत छ हे इमि न्‍ह्यलुवाः जुइ।

यहोशू 11:23

थथे परमप्रभुं मोशायात धयादीगु थें हे यहोशूं फुक्‍क देश त्‍याका काल। अले यहोशूं व देश इस्राएलयात सर्बयकथं इमिगु कुल कुल यानाः इनाबिल। अनंलि देशय् शान्‍ति जुल।

यहोशू 14:1

एलाजार पुजाहारी, नूनया काय् यहोशू व इस्राएलया कुलनायःतय्‌सं इस्राएलीतय्‌त सर्बयकथं इनाब्‍यूगु कनान देशयागु इलाका थथे दु।

प्रकाश 21:27

पवित्र मजूगु छुं हे अन दुकाइ मखु। घच्‍चायापुसे च्‍वंगु ज्‍याखँ यानाजुइपिं, अथवा मखुगु खँ ल्‍हानाजुइपिं सुं हे अन दुकाइ मखु। भ्‍याःचायागु जीवनयागु सफुलिइ च्‍वयातःपिं मनूतय्‌त जक अन दुकाइ।

प्रकाश 5:10

छिं हे इमित झी परमेश्‍वरया सेवा यायेत छगू राज्‍य व पुजाहारीत दय्‌कादिल। अले इमिसं संसारय् राज्‍य याइ।”