गन्‍ती 26:5 - नेवाः बाइबल

⁵ इस्राएलया तःधिकःम्‍ह काय् रूबेनया सन्‍तान – हानोकपाखें हानोकीतय् वंश, पल्‍लुपाखें पल्‍लुईतय् वंश,

गन्‍ती 26:5 ပူးပေါင်းရင်းမြစ်များ

उत्‍पत्ति 29:32

लेआया प्‍वाथय् दत, अले वं काय् बुइकल। वं व मचायागु नां थथे मतिइ तयाः रूबेन तल, “परमप्रभुं धात्‍थें हे जिगु दुःख खनादीगु दु। आः ला जितः जिमि भाःतं माया याइ।”

उत्‍पत्ति 35:22

याकूब अन हे च्‍वनाच्‍वंबलय् रूबेन थः बौया मथ्‍याःम्‍ह कलाः बिल्‍हालिसे द्यन। याकूबं थ्‍व खँ सिल। याकूबया झिंनिम्‍ह काय् दु –

उत्‍पत्ति 35:23

लेआया पाखें, दक्‍वसिबय् तःधीम्‍ह रूबेन, अले शिमियोन, लेवी, यहूदा, इस्‍साखार व जबूलून।

१ इतिहास 5:1

इस्राएलया न्‍हापां बूम्‍ह काय् रूबेन खः। अय्‌नं वं थः बाःया छम्‍ह मथ्‍याःम्‍ह कलाःलिसे द्यनाः थः बाःयात हेपय् याःगुलिं न्‍हापां बूम्‍ह काय्‌या अधिकार वया किजा योसेफया काय्‌पिन्‍त बिल। उकिं वंशावलीइ रूबेनया नां तःधिकःम्‍ह काय् कथं च्‍वयातःगु मदु।

१ इतिहास 5:3

इस्राएलया तःधिकःम्‍ह काय् रूबेनया काय्‌पिं – हानोक, पल्‍लु, हेस्रोन व कर्मी खः।

प्रस्‍थान 6:14

इस्राएलीतय् पुर्खा थुपिं हे खः – इस्राएलया दकलय् न्‍हापां बूम्‍ह काय् रूबेनया काय्‌पिं हनोक, पल्‍लु, हेस्रोन व कर्मी खः। थुपिं रूबेनया सन्‍तान खः।

गन्‍ती 1:20

इस्राएलया तःधिकःम्‍ह काय् रूबेनया सन्‍तानपाखें – निइदँ व वस्‍वयां च्‍वय्‌यापिं लडाइँलय् वनेफुपिं फुक्‍क मिजंतय्‌गु नां इमिगु वंश व छेँजःकथं धलखय् च्‍वल।

गन्‍ती 26:4

“परमेश्‍वरं मोशायात उजं बियादी थें निइदँ व वस्‍वयां च्‍वय्‌यापिं मनूत ल्‍याःखा!” मिश्रं पिहांवःपिं इस्राएलीतय् सन्‍तान थुपिं हे खः।

गन्‍ती 26:6

हेस्रोनपाखें हेस्रोनीतय् वंश, कर्मीपाखें कर्मीतय् वंश दत।