गन्‍ती 26:20 - नेवाः बाइबल

²⁰ यहूदाया सन्‍तान वंशकथं थथे दु – शेलाहपाखें शेलानीतय् वंश, फारेसपाखें फारेसीतय् वंश, जेरहपाखें जेरहातीतय् वंश दत।

गन्‍ती 26:20 ပူးပေါင်းရင်းမြစ်များ

उत्‍पत्ति 38:11

थः मेम्‍ह काय् शेलह नं वया दाजुपिं थें सी ला धकाः ग्‍यानाः यहूदां थः भौ तामारयात धाल, “जिमि काय् शेलह तःधि मजुतले छ ब्‍याहा मयासें थःछेँय् हे वनाः च्‍वंहुँ।” उकिं तामार थःछेँय् हे वनाः च्‍वन।

उत्‍पत्ति 38:14

विधवाया वसः त्‍वःताः थःत म्‍हमसीक गां ख्‍वाः त्‍वपुयाः तिम्‍ना वनेगु लँय् लाःगु एनैमया लँय् वनाः च्‍वंच्‍वन। छाय्‌धाःसा शेलह तःधि जुइ धुंकाः नं थः वया कलाः जुइ मखंनिगु वं स्‍यू।

उत्‍पत्ति 38:5

वं हाकनं मेम्‍ह काय् बुइकल। वयागु नां शेलह तल। वं वयात बुइकूबलय् यहूदा कजीबय् च्‍वनाच्‍वंगु खः।

उत्‍पत्ति 46:12

यहूदाया काय्‌पिं – शेलह, फारेस व जेरह। यहूदाया तःधिपिं निम्‍ह काय् एर् व ओनान कनानय् हे सीगु खः। फारेसया काय्‌पिं – हेस्रोन व हामूल।

उत्‍पत्ति 49:8

यहूदा, छन्‍त छिमि दाजुकिजापिन्‍सं तःधंकी, छं थः शत्रुतय्‌त बुकाछ्वःगु दु छिमि बौया काय्‌पिन्‍सं छन्‍त भागि याइ।

१ इतिहास 4:21

यहूदाया काय् शेलहया काय्‌पिं – लेकाया बाः एर्, मारेशाया बाः लादा अले बेथ-अश्‍बेयाय् च्‍वंपिं मलमलया कापः दय्‌किपिनि वंश,

१ इतिहास 9:4

अम्‍मीहूदया काय् उत्तै। अम्‍मीहूद ओम्रीया काय् व इम्रीया छय्, बानीया छुइ खः। बानी फारेसया सन्‍तान खः।

१ इतिहास 9:5

यरूशलेमय् च्‍वंपिं शीलोनीत थुपिं खः – न्‍हापां बूम्‍ह असायाह व वया काय्‌पिं।

नहेम्‍याह 11:24

इस्राएलीतय्‌गु फुक्‍क ज्‍याया निंतिं यहूदाया काय् जेरह वंशयाम्‍ह मशेजेबेलया काय् पतहियाह फारसयाम्‍ह जुजुया प्रतिनिधि खः।

नहेम्‍याह 11:4

यहूदा कुलपाखें – उज्‍जियाहया काय् अतायाह, उज्‍जियाह जकरियाया काय् खः, जकरिया अमर्याहया काय् खः, अमर्याह शपत्‍याहया काय् खः, शपत्‍याह महलालेलया काय् खः। महलालेल फारेसया वंशयाम्‍ह खः।

नहेम्‍याह 11:6

यरूशलेमय् च्‍वनाच्‍वंपिं फारेसया सन्‍तान (४६८) म्‍ह दु। इपिं सकलें नांजाःपिं खः।

गन्‍ती 26:21

फारेसया सन्‍तान थथे दु – हेस्रोनपाखें हेस्रोनीतय् वंश, हामूलपाखें हामूलीतय् वंश दत।

मत्ती 1:3

यहूदाया काय्‌पिं फारेस व जाहेर खः। थुमि मां तामार खः। फारेसया काय् हेस्रोन, हेस्रोनया काय् आराम,

लूका 3:33

अम्‍मीनादाब, आराम, अरनी, हेस्रोन, फारेस, यहूदा,

प्रकाश 7:5

यहूदाया कुलं १२,००० म्‍ह, रूबेनया कुलं १२,००० म्‍ह, गादया कुलं १२,००० म्‍ह,