गन्‍ती 26:10 - नेवाः बाइबल

¹⁰ पृथ्‍वीं थःगु म्‍हुतु चाय्‌काः इमित कोरह नापं हे नुनाछ्वःगु खः। कोरहया पुचःयापिं २५० म्‍ह मनूतय्‌त नं मिं नाश यात। अथे जुयाः इपिं छगू छुमां जुल।

गन्‍ती 26:10 ပူးပေါင်းရင်းမြစ်များ

प्रस्‍थान 16:35

इस्राएलीतय्‌सं बाचा चिनातःगु देशय् मथ्‍यंतले पिइदँ तक मन्‍न नयाच्‍वन। कनान देशय् मथ्‍यंतले इमिसं मन्‍न नयाच्‍वन।

यर्मिया 29:22

इमिसं यानाः हे यहूदां बेबिलोनय् ज्‍वनायंकूपिं मनूतय्‌सं थुकथं सराः बियेगु याइ, ‘परमप्रभुं छन्‍त बेबिलोनयाम्‍ह जुजुं मिइ छ्वय्‌काब्‍यूपिं सिदकियाह व आहाबयात थें यानादीमा।’

इजकिएल 14:8

जिं व मनूपाखें थःगु ख्‍वाः फस्‍वय्‌के, अले जिं वयात छगू नमूना व न्‍हीकीगु खँ यानाबी। जिं वयात जिम्‍ह मनूतपाखें अलग तयाबी। अले छिमिसं जि हे परमप्रभु खः धकाः सी।

गन्‍ती 16:2

खलःया नांजाःपिं निसः व नेय्‌म्‍ह (२५०) इस्राएली नायःत नापं जानाः मोशाया विरोधय् दन।

गन्‍ती 16:38

पाप यानाः थःगु हे प्राणयात स्‍यंकूपिनिगु गुँगू थनेगु मकःतय्‌त मुगलं दादां वेदीइ हिनेगु पाता दय्‌कि। छाय्‌धाःसा उपिं परमप्रभुया न्‍ह्यःने देछाःगु जुयाः पबित्रगु खः। उपिं पाता धाःसा इस्राएलीतय्‌गु निंतिं चिं जुइमा।”

गन्‍ती 17:3

लेवीया कुलयागु कथिइ छं हारूनया नां च्‍व। छगू छगू कुलया नायःया निंतिं छपु छपु कथि दयेमाः।

गन्‍ती 27:3

“जिमि बौ मरुभूमिइ सित। वय्‌कः परमप्रभुयागु विरोधय् दंम्‍ह कोरहया पुचलय् मदु। वय्‌कः थःगु हे पापया हुनिं सित, अले वय्‌कःया काय्‌पिं नं मदु।

व्‍यवस्‍था 11:6

रूबेनी एलीआबया काय्‌पिं दातान व अबीरामयात इमि छेँजःपिं, पाल व इमि दक्‍व पशुनापं गुकथं पृथ्‍वीं थःगु म्‍हुतु चाय्‌काः सकल इस्राएलीतय् न्‍ह्यःने हे घुतुका छ्वःगु खः व नं छिमि मचाखाचातय्‌सं खंगु मदु।

व्‍यवस्‍था 28:46

थुपिं सरापं छ व छिमि सन्‍तानतय् दथुइ न्‍ह्याबलें छगू चिं व ख्‍याच्‍वःकथं ज्‍या याइ।

२ पत्रुस 2:6

अथे हे सदोम व गमोरा धाःगु शहरतय्‌त नं परमेश्‍वरं मिं छ्वय्‌काः भस्‍म यानादिल। मभिंपिं मनूत फुक्‍कं अज्‍याःगु हे गति जुयाः सिनावनेमाली धकाः संसारय् च्‍वंपिं मनूतय्‌त ख्‍याच्‍वः बियादिल।

यहूदा 1:7

अथे हे सदोम व गमोरा अले वया जःखः च्‍वंगु शहरयापिन्‍सं छगूया ल्‍यू मेगु यायां घच्‍चाइपुगु व्‍यभिचारया ज्‍या याना हल। परमेश्‍वरं इमित गुबलें मसीगु मिइ तयाः नमूना दय्‌कादिल।

१ शमूएल 2:34

“‘छं निम्‍ह काय् होप्‍नी व पीनहासया बांमलाःगु अवस्‍था छंगु निंतिं छगू चिं जुइ। होप्‍नी व पीनहास निम्‍हं छन्‍हुं हे सी।