गन्‍ती 25:6 - नेवाः बाइबल

⁶ इस्राएलीत नापलायेगु पालया ध्‍वाखाय् ख्‍वयाच्‍वंबलय् हे छम्‍ह मनुखं मोशा व इस्राएलया फुक्‍क खलःया न्‍ह्यःने छम्‍ह मिद्यानी मिसायात थःगु छेँजःपिन्‍थाय् हल।

गन्‍ती 25:6 ပူးပေါင်းရင်းမြစ်များ

उत्‍पत्ति 37:28

उकिं इमिसं व व्‍यापारीत व लँ जुयाः थ्‍यंकः वसेंलि योसेफयात तुंथिं थकाल। अले वयात इमिगु ल्‍हातिइ निइकू वहलं मियाछ्वत। इमिसं वयात मिश्र यंकल।

१ राजा 11:18

इपिं मिद्यान जुयाः पारानय् वन। अले पारानं छुं मनूत ब्‍वनाः इपिं मिश्रया जुजु फारोयाथाय् वन। मिश्रयाम्‍ह जुजुं हददयात जमिन व छखा छेँ बिल, वयात नयेगु व त्‍वनेगु व्‍यवस्‍था यानाबिल।

भजनसंग्रहया सफू 94:16

दुष्‍टतय्‌गु विरोधय् जिनापं सु दनी? मभिंगु ज्‍या याइपिनिगु विरोधय् जिगु निंतिं सु दनी?

यशैया 22:12

व दिंखुन्‍हु प्रभु, दक्‍व शक्ति दुम्‍ह परमप्रभुं छिमित ख्‍वयेत व विलाप यायेत, छेनय् सँ खायेत व भांग्रा फीत सःतादिल।

यर्मिया 3:3

उकिं परमेश्‍वरं बसन्‍तया वा वयेगु दिकाब्‍यूगु दु, वा वइ मखु। अय्‌नं छंगु ख्‍वाः वेश्‍यायागु थें च्‍वं। छ लज्‍या चाये हे मसः।

यर्मिया 36:23

यहूदीं भ्‍वँ थू प्‍वलाः च्‍वयातःगु स्‍वझ्‍वः प्‍यझ्‍वः ब्‍वनीगु, जुजुं व ब्‍वने धुंकूगु भाग चकुनं चानाः मकलय् तयाबीगु। व फुक्‍क भ्‍वँया थू मकलय् भस्‍म मजुतले वं अथे याना हे च्‍वन।

यर्मिया 8:12

छु इपिं थःगु घच्‍चाइपुगु ज्‍या याये धुंकाः लज्‍या चाल ला? मखु, इपिं भचा नं लज्‍या चाःगु मदु छाय्‌धाःसा इपिं लज्‍या चाये हे मसः। उकिं मेपिं पतन जूपिंनापं इपिं नं पतन जुइ। जिं इमित सजाँय बीबलय् इपिं नाश जुइ

योएल 2:17

परमप्रभुया न्‍ह्यःने सेवा याइपिं पुजाहारीत, देगःया दलान व वेदीया दथुइ च्‍वनाः ख्‍वयेमा। अले इमिसं थथे धकाः प्रार्थना यायेमा, “हे परमप्रभु, थः मनूतय्‌त दया यानादिसँ। छि थः मनूतय्‌त हेस्‍याके बियादी मते, अले मेपिं जातितय्‌गुपाखें हेपय् याकादीमते। ‘इमि परमेश्‍वर गन दु’ धकाः मेपिं जातितय्‌त छाय् धाय्‌के बीगु?”

गन्‍ती 16:47

अले मोशां धाःथें हारून गुँगू थनेगु मकः ज्‍वनाः मुनाच्‍वंपिं मनूतय् दथुइ ब्‍वाँय् वन। महामारी वये धुंकूगुलिं वं गुँगू छायाः मनूतय्‌गु निंतिं प्रायश्‍चित यात।

गन्‍ती 22:4

मोआबीतय्‌सं मिद्यानया थकालितय्‌त धाल, “थ्‍व हुलं झीगु प्‍यखेरं च्‍वंपिं फुक्‍क मनूतय्‌त द्वहं नं ख्‍यलय् च्‍वंगु वाउँगु घाँय् क्‍वाप्‍प नःगु थें क्‍वाप्‍प नयाबी।” उबलय् सिप्‍पोरया काय् बालाक मोआबया जुजु खः।

गन्‍ती 31:2

“इस्राएलीतय्‌गु निंतिं मिद्यानीतय्‌त बदला का! अनं लिपा छ सिनाः थः पुर्खातनापं मिलय् जू वनी।”

यहूदा 1:13

थुपिं समुद्रया ग्‍यानापुगु किसिद्वम्‍बः खः। थुमिसं थःगु घच्‍चायापुगु ज्‍याखँ समुद्र दासि वये थें यानाक्‍यनी। थुपिं चाचाःहिला च्‍वनीगु नगु खः। थुमिगु निंतिं सदांयात तसकं खिउँगु थाय् दय्‌कातःगु दु।

न्‍यायकर्ता 2:4

परमप्रभुया दूतं सकलें इस्राएलीतय्‌त थथे धायेधुंकाः मनूत ह्वाँय्‌ह्वाँय् ख्‍वल।