गन्‍ती 25:14 - नेवाः बाइबल

¹⁴ व मिद्यानी मिसानापं स्‍याःम्‍ह मनूया नां जिम्री खः, जिम्री सालूया काय् व शिमियोनया कुलया छगू छेँजःया नायः खः।

गन्‍ती 25:14 ပူးပေါင်းရင်းမြစ်များ

उत्‍पत्ति 37:28

उकिं इमिसं व व्‍यापारीत व लँ जुयाः थ्‍यंकः वसेंलि योसेफयात तुंथिं थकाल। अले वयात इमिगु ल्‍हातिइ निइकू वहलं मियाछ्वत। इमिसं वयात मिश्र यंकल।

१ राजा 11:18

इपिं मिद्यान जुयाः पारानय् वन। अले पारानं छुं मनूत ब्‍वनाः इपिं मिश्रया जुजु फारोयाथाय् वन। मिश्रयाम्‍ह जुजुं हददयात जमिन व छखा छेँ बिल, वयात नयेगु व त्‍वनेगु व्‍यवस्‍था यानाबिल।

१ इतिहास 27:16

इस्राएलया कुल कुलया मू मू हाकिमत थुपिं खः – रूबेन कुल – जिक्रीया काय् एलीएजर, शिमियोन कुल – माकाया काय् शपत्‍याह,

२ इतिहास 19:7

उकिं आः छिमिसं परमप्रभुया भय कायेमा। होसियार जुयाः थ्‍व ज्‍या या, छाय्‌धाःसा परमप्रभु छिमि परमेश्‍वरं अन्‍याय, सुयागुं पं काःगु व घुस नःगु सह यानादी मखु।”

गन्‍ती 1:23

शिमियोनया कुलयापिं ल्‍याःखाःपिं मिजंत ५९,३०० म्‍ह दु।

गन्‍ती 25:13

थ्‍व बाचाय् जिं वयात व वया सन्‍तानयात न्‍ह्याबलेंया लागिं पुजाहारी जुयाः ज्‍या यायेगु अधिकार बी। छाय्‌धाःसा परमेश्‍वरया लागिं वं नुगः मुइकल, अले इस्राएलीतय्‌गु निंतिं प्रायश्‍चित यात।”

गन्‍ती 25:15

अले व स्‍याःम्‍ह मिद्यानी मिसाया नां कोजबी खः, व मिद्यानया छेँजःया कुलनायः सूरया म्‍ह्याय् खः।

गन्‍ती 26:14

शिमियोनया वंश थुपिं हे खः। इमि ल्‍याःखाःपिं मनूत २२,२०० म्‍ह दु।

प्रकाश 7:7

शिमियोनया कुलं १२,००० म्‍ह, लेवीया कुलं १२,००० म्‍ह, इस्‍साखारया कुलं १२,००० म्‍ह,