गन्‍ती 25:11 - नेवाः बाइबल

¹¹ “एलाजारया काय्, हारून पुजाहारीया छय् पीनहासं उकिं यानाः जिगु तंयात इस्राएलीतपाखें फहिका बिल, छाय्‌धाःसा वयात इमिगु दथुइ जितः थें हे जोश वल। थुकथं थःगु जोशं जिं इमित नाश मयाना।

गन्‍ती 25:11 ပူးပေါင်းရင်းမြစ်များ

२ शमूएल 21:14

इमिसं शाऊल व वया काय् जोनाथनया क्‍वँय् बेन्‍यामीनया देशय् सला धाःगु थासय् शाऊलया अबु कीशया चिहानय् थुनाबिल। जुजुं इमित छु छु या धकाः आज्ञा ब्‍यूगु खः व फुक्‍कं इमिसं यात। अनंलि परमप्रभुं देय्‌या निंतिं याःगु प्रार्थनाया लिसः बियादिल।

१ राजा 14:22

यहूदाया मनूतय्‌सं परमप्रभुं याये मते धकाः धयादीगु मभिंगु ज्‍या यात। इमि पुर्खातय्‌सं स्‍वयाः अप्‍वः पाप यानाः इमिसं वय्‌कःयात तंचाय्‌का नुगः मुइकल।

भजनसंग्रहया सफू 106:23

उकिं वय्‌कलं इमित नाश याये धकाः धयादीगु खः, अय्‌नं वय्‌कःया नाश याइगु तं चीकाछ्वयेत वय्‌कःया ल्‍ययातःम्‍ह मनू मोशा वय्‌कःया न्‍ह्यःने दन।

भजनसंग्रहया सफू 106:30

अय्‌नं पीनहासं दनाः अपराधीयात सजाँय बिल। उकिं महामारी दित।

भजनसंग्रहया सफू 106:31

अले वयात पुस्‍तां पुस्‍ता तक धर्मीम्‍ह मनूकथं ल्‍याः खात। अले न्‍ह्याबलें अथे हे लुमंकेगु याइ।

भजनसंग्रहया सफू 78:58

इमिसं मेपिं द्यःतय्‌गु पुजा यायेगुथाय् दय्‌काः परमेश्‍वरयात तंम्‍वय्‌कल। इमिसं थःगु मूर्तिपाखें वय्‌कःयात नुगः मुइकाबिल।

प्रस्‍थान 20:5

छिमिसं उकियात भागि याये मते, पुजा नं याये मते। छाय्‌धाःसा जि हे परमप्रभु छिमि परमेश्‍वर खः। मेपिं द्यःतय्‌त पुजा याःगु जिं सह याये मफु। जिं जितः मयय्‌कूम्‍ह मनूया अधर्मया सजाँय वया छय् व छुइपिनिगु पालय् तक नं बीम्‍ह खः।”

प्रस्‍थान 22:5

“सुनानं थः पशुयात त्‍वःताछ्वःबलय् उम्‍ह पशु मेपिनिगु बुँइ वा दाखक्‍यबय् न वन धाःसा व मनुखं थःगु बुँ वा दाखक्‍यबया दक्‍व भिंगु बालिं उकिया पलेसा पुलेमाः।

प्रस्‍थान 34:14

छिमिसं मेम्‍ह सुं द्यःयागु पुजा याये मते। परमप्रभुया नां ‘नुगः मुइकादीम्‍ह’ खः। थ्‍व खनाः वय्‌कलं नुगः मुइकादी।

इजकिएल 16:38

व्‍यभिचार याइपिं मिसात व मनू स्‍याइपिं मिस्‍तय्‌त बीगु थें हे सजाँय जिं छन्‍त बी, जिं छंके जिगु दाहायागु तंया हि प्‍वंके।

नहूम 1:2

परमप्रभु नुगः मुइकादीम्‍ह व बदला कयादीम्‍ह परमेश्‍वर खः। परमप्रभु बदला कयादीम्‍ह व तम्‍वय्‌कादीम्‍ह खः। परमप्रभुं थः विरोधीतय्‌त बदला कयादी, शत्रुतय्‌गु निंतिं तःधंगु तं ल्‍यंकातयादी।

सपन्‍याह 1:18

परमप्रभुया तंया दिंखुन्‍हु इमिगु लुँ व वहःनं इमित बचय् याये फइ मखु।” वय्‌कःयागु नुगः मुयाः पिहां वःगु मिं फुकं देशयात झ्‍वाः याइ छाय्‌धाःसा वय्‌कलं पृथ्‍वीयापिं सकल मनूतय्‌त आकाझाकां ग्‍यानपुस्‍से च्‍वंक न्‍हंकादी।

सपन्‍याह 3:8

अथे जुयाः परमप्रभुं धयादी, “बयान बीत जि मदंतले छिमिसं जितः पियाच्‍वँ। जाति जातित अले राज्‍य राज्‍यतय्‌त मुंकाः इमित जिगु तं, जिगु ग्‍यानपुस्‍से च्‍वंगु तं प्‍वंकेगु जिगु मनसुवा दु, छाय्‌धाःसा फुकं पृथ्‍वी हे जिगु नुगः मुया वःगु मिं झौ जुइ।

गन्‍ती 25:10

अले परमप्रभुं मोशायात धयादिल,

यूहन्‍ना 3:36

वय्‌कःया काय्‌यात विश्‍वास याइम्‍हय्‌सिके अनन्‍त जीवन दु। काय्‌नं धाःगु मानय् मजूम्‍हय्‌सिनं थज्‍याःगु जीवन कायेखनी मखु, थज्‍याःम्‍हय्‌सित परमेश्‍वरं तं दिकादी।”

१ कोरिन्‍थी 10:22

थज्‍याःगु ज्‍याखँ यानाच्‍वन धाःसा झीपिं खनाः प्रभु लय्‌तायादी मखु। छु झीपिं प्रभु स्‍वयाः बल्‍ला ला?

२ कोरिन्‍थी 11:2

परमेश्‍वरं थें जिं छिमित बिचाः यानातयागु दु। छिपिं ख्रीष्‍टलिसे ब्‍याहा यानाबीत जिं ल्‍ययातयापिं मिसामचात थें खः।

व्‍यवस्‍था 29:20

परमप्रभुं वयात क्षमा बीत गुबलें यय्‌कादी मखु। वय्‌कःया तं व डाहा व मनूयाके लाइ। थ्‍व सफुलिइ च्‍वयातःगु फुक्‍क सराः वयात लाइ। अले परमप्रभुं वयागु नां पृथ्‍वीं हुयाछ्‌वयादी।

व्‍यवस्‍था 32:16

इमिसं मेपिं द्यःतय्‌त मानय् यानाः वय्‌कःयागु नुगः मुइकूगु दु। घच्‍चाइपुगु मूर्ति पुजा यानाः वय्‌कःयात तंचाय्‌कूगु दु।

व्‍यवस्‍था 32:21

इमिसं द्यः मखुपिन्‍त पुजा यानाः जिगु नुगः मुइकल, अले ज्‍यालगय् मजूगु मूर्तिपाखें जितः तंचाय्‌कल। उकिं, आः जिं नं थः मखुपिं मनूतपाखें इमिगु नुगः मुइके। छगू मूर्ख जातियापाखें इमित तं चाय्‌के।

व्‍यवस्‍था 4:24

परमप्रभु छिमि परमेश्‍वर भस्‍म याइगु मि व नुगः मुइकादीम्‍ह परमेश्‍वर खः।

यहोशू 22:13

अले इस्राएलीतय्‌सं गिलाद देशय् रूबेनी, गादी व मनश्‍शेया बच्‍छि कुलयाथाय् पुजाहारी एलाजारया काय् पीनहासयात छ्वल।

यहोशू 24:19

अले यहोशूं मनूतय्‌त धाल, “छिमिसं परमप्रभुयागु सेवा बांलाक याये फइ मखु, छाय्‌धाःसा वय्‌कः पवित्रम्‍ह व नुगः मुइकादीम्‍ह परमेश्‍वर खः। वय्‌कलं छिमिगु अपराध व पाप क्षमा यानादी मखु।