गन्‍ती 24:9 - नेवाः बाइबल

⁹ इपिं सिंहं थें फ्‍यतुनाच्‍वनी, मिसाम्‍ह सिंहयात थें इमित सुनां थने फइ? इमित आशिष ब्‍यूपिन्‍त आशिष लाइ, इमित सराः ब्‍यूपिन्‍त सराः लाइ।”

गन्‍ती 24:9 ပူးပေါင်းရင်းမြစ်များ

उत्‍पत्ति 12:3

छन्‍त आशिष ब्‍यूपिन्‍त जिं नं आशिष बी, छन्‍त सराः ब्‍यूपिन्‍त जिं नं सराः बी। छपाखें हे संसारय् च्‍वंपिं दक्‍व जातितय्‌सं आशिष काइ।”

उत्‍पत्ति 27:29

थीथी जातिं छंगु सेवा यायेमा, मनूतय्‌सं छन्‍त भागि यायेमा, छं दाजुकिजाया छ मालिक जुइमा, छं किजापिन्‍सं छन्‍त भागि यायेमा, छन्‍त सराः बीपिं फुक्‍कसित सराः लायेमा, छन्‍त आशिष बीपिं फुक्‍कसिनं आशिष कायेमा।”

उत्‍पत्ति 49:9

यहूदा सिंहया मचा खः, व शिकारय् हे ब्‍वलन, सिंह थें व घ्‍वंस्‍यानाः ग्‍वारातुली। सुनां वयात थनेगु आँट याइ?

१ राजा 10:20

खुगुलिं त्‍वाथःया निखेंपाखे छम्‍ह छम्‍ह यानाः मुक्‍क झिंनिम्‍ह सिंह दु। सोलोमनया सिंहासन थें ज्‍याःगु सिंहासन संसारय् मेगु मदु।

२ इतिहास 9:18

उगु सिंहासनया खुगू त्‍वाथः व लुँयागु छगू तुति तयेगु पिर्का दु। थुपिं फुक्‍क सिंहासननापं स्‍वाःगु दु। फ्‍यतुयेगु थाय्‌या निखेंपाखें ल्‍हाः दिकेगु थाय् दु, अले उपिं ल्‍हाः दिकेगु थाय्‌नापं दनाच्‍वंपिं निम्‍ह सिंहत दय्‌कातःगु दु।

एस्‍तर 6:13

अले वं थः कलाः जेरेश व थः फुक्‍क पासापिन्‍त अनं मोर्दकैयात छु छु जूगु खः व फुक्‍क खँ न्‍यंकल। वयात सल्‍लाहबीपिं व वया कलातं थथे धाल, “मोर्दकैया न्‍ह्यःने छिगु शक्ति कम जुयावंगु दु। व यहूदी जाति खः, वया विरोधय् छिसं छुं याये फइ मखु, धात्‍थें छि बरबाद जुइन।”

अय्‍यूब 41:10

वयात हाय्‌केगु सुयाकें साहस मदुगुलिं जिगु न्‍ह्यःने दने फुम्‍ह सु दइ? अथे खःसा जिगु न्‍ह्यःने दने फुम्‍ह सु दु?

भजनसंग्रहया सफू 122:6

यरूशलेमया शान्‍तिया निंतिं प्रार्थना या, “छन्‍त माया याइपिं याउँक च्‍वनेदयेमा।

भजनसंग्रहया सफू 2:12

वय्‌कःया काय्‌यात हनाबना ति। मखुसा वय्‌कः तंम्‍वयादी अले वय्‌कलं छिमित नाश यानादी। वय्‌कःया शरणय् वंपिं धाःसा धन्‍य जुइ।

प्रस्‍थान 23:22

थथे छिमिसं वयागु खँ न्‍यन धाःसा अले जिं धाःथें यात धाःसा जि छिमि शत्रुतय् शत्रु व छिमि विरोधीतय् विरोधी जुइ।

यशैया 31:4

परमप्रभुं जितः थथे धयादी, “गथे सिंह वा तःधिकःम्‍ह सिंहं थःगु शिकारयात घुर्रघुर्र याइ, अले वयागु विरोधय् जवाःतय् फुक्‍क पुचः दनी अय्‌नं इमिगु सलं व ग्‍याइ मखु, न इमिगु हा सलं व थुखे उखे सनी। व थें तुं दक्‍व शक्ति दुम्‍ह परमप्रभु सियोन पर्वत व वया डाँडाय् लडाइँ यायेत क्‍वहां झायादी।

मीका 5:8

यक्‍व जात जाति व यक्‍व मनूतय् दथुइ याकूबया ल्‍यंदुपिं मनूत जंगलय् च्‍वंपिं पशुतय्‌गु दथुइ सिंह थें अले फैतय्‌गु दथुइ च्‍वंम्‍ह ल्‍याय्‌मम्‍ह सिंह थें जुइ। इमिसं थुखे उखे वनाः झाताझिति यानाः जुइ, अले इमित सुनानं बचय् याये फइ मखु।

गन्‍ती 22:12

परमेश्‍वरं बालामयात धयादिल, “छ इपिं नापं वने मते। छं इमित सराः बी मते, छाय्‌धाःसा इपिं आशिष लाःपिं खः।”

गन्‍ती 22:6

थुकथं झासँ, थुमित सराः बियादिसँ छाय्‌धाःसा इपिं जि स्‍वयाः बल्‍लाः। अथे यानादिल धाःसा सके जिं इमित त्‍याकाः देशं लिनाछ्वये फइ ला। छिं सुयात आशिष बियादी वयात आशिष लाइ, अले सुयात सराः बियादी वयात सराः लाइ धकाः जिं बांलाक स्‍यू।”

गन्‍ती 23:24

इपिं मिसाम्‍ह सिंह थें दनी, अले हय्‌क्‍कायेत्‍यंम्‍ह सिंह थें दनी। थःगु शिकार मस्‍यातले, अले वयागु हि मत्‍वंतले व सुम्‍क च्‍वनी मखु।”

गन्‍ती 24:10

बालाम खनाः बालाक तंम्‍वल। वं ल्‍हाः म्‍हुछ्यानाः बालामयात धाल, “जिं छितः जिमि शत्रुतय्‌त सराः बीत सःतागु खः, छिं ला इमित स्‍वकः स्‍वकः आशिष बियादिल।

मत्ती 25:40

“अले जुजुं इमित थथे लिसः बी – ‘जिं छिमित खःगु खँ धाये – दक्‍वसिबय् चीधिकःम्‍ह किजायात छिमिसं छु याइ, व जितः हे याःगु जुइ।’

मत्ती 25:45

“अले जुजुं इमित थथे धाइ – ‘जिं छिमित खःगु खँ धाये – दक्‍वसिबय् क्‍वह्यंम्‍हय्‌सित छिमिसं छुं मयाःगु हे जितः मयाःगु खः।’

प्रेरित 9:5

अले शाऊलं धाल – “हे प्रभु, छि सु खः?” अले वय्‌कलं धयादिल – “जि येशू खः, गुम्‍हय्‌सित छं दुःख बियाच्‍वन।

व्‍यवस्‍था 30:7

परमप्रभु छिमि परमेश्‍वरं थुपिं फुक्‍क सराः छिमित क्‍वह्यंकीपिं व दुःख बीपिं शत्रुतय्‌थाय् हयादी।