गन्‍ती 24:8 - नेवाः बाइबल

⁸ परमेश्‍वरं इमित मिश्र देशं पित ब्‍वनाहल। इमिगु बल जंगली द्वहं थें च्‍वं। इमिसं थः शत्रुतय्‌त नुनाछ्वइ, अले इमिगु क्‍वँय् चुंचुं यानाबी, अले वाणं इमित सुयाबी।

गन्‍ती 24:8 ပူးပေါင်းရင်းမြစ်များ

भजनसंग्रहया सफू 2:9

छं नँया दण्‍डीं इमित शासन याइ, छं इमित चाया थलयात थें तछ्याइ।’”

भजनसंग्रहया सफू 21:12

जुजुं इमित वाणं कय्‌की। अले इपिं लिफः स्‍वयाः बिस्‍युं वनी।

भजनसंग्रहया सफू 45:5

छिगु च्‍वामुगु वाणं छिकपिनि शत्रुतय्‌गु नुगलय् सुइ मा! जाति जातियापिन्‍सं छिगु तुतिइ भ्‍वपुइमा!

भजनसंग्रहया सफू 45:6

हे परमेश्‍वर, छिगु राज्‍य न्‍ह्याबलें दयाच्‍वनी। छिं थः मनूतय्‌त न्‍याय यानाः राज्‍य यानादी।

प्रस्‍थान 23:22

थथे छिमिसं वयागु खँ न्‍यन धाःसा अले जिं धाःथें यात धाःसा जि छिमि शत्रुतय् शत्रु व छिमि विरोधीतय् विरोधी जुइ।

यशैया 38:13

सुथय् तक जि पिवाच्‍वना। तर सिहंनं क्‍वँय् त्‍वथू थें वय्‌कलं जिगु फुक्‍क क्‍वँय् त्‍वथुलादिल। न्‍हिच्‍छि व चच्‍छिं हे छिं जिगु जीवनयात अन्‍त यानादीगु दु।

यर्मिया 50:17

“इस्राएल ला सिंहं लिनाः छ्यालब्‍याल जूगु बथां थें खः। वयात न्‍हापा ला अश्‍शूरयाम्‍ह जुजुं नल, लिपतय् बेबिलोनयाम्‍ह जुजु नबूकदनेसरं वयागु क्‍वँय्‌त त्‍वथुलाबिल।”

यर्मिया 50:9

छाय्‌धाःसा स्‍व! जिं उत्तरयागु देशं ततःधंगु जातियात ग्‍वाकाः इमिगु पुचःयात बेबिलोनया विरोधय् हये। इमिसं बेबिलोनया विरोधय् लडाइँया लागि तयारी याइ, अले वयात उत्तरपाखें कब्‍जा याइ। इमिगु वाण बहादुर सिपाइँतय्‌गु थें जुइ, गुगु अथें लिहांवनी मखु।

दानिएल 6:24

अनंलि दानिएलयात मखुगु दोष ब्‍यूपिं सकल मनूतय्‌त ज्‍वनेत जुजुं आज्ञा बिल। अले इमि कलाःपिं व मचाखाचातनापं इमित सिंहत तयातःगु तःजाःगु गालय् वांछ्वयाबिल। इपिं सिंहत तयातःगु तःजाःगु गाःया बँय् थ्‍यने न्‍ह्यः हे सिंहतय्‌सं झम्‍तय् यात अले इमिगु फुक्‍व क्‍वँय्‌यात काच्‍या-कुचुक यानाः नयाबिल।

गन्‍ती 14:9

उकिं छिपिं परमप्रभुया विरोधय् विद्रोह याये मते! अन च्‍वंपिं मनूतलिसे ग्‍याये मते, छाय्‌धाःसा इपिं झीगु शिकार खः। परमप्रभु झीपिं नाप दु, इमिके आः हाःनाः मदये धुंकल। इपिं खनाः ग्‍याये मते।”

गन्‍ती 21:5

अले इपिं परमेश्‍वर व मोशाया विरोधय् थथे धकाः हाल, “थ्‍व मरुभूमिइ सीत छाय् छिकपिन्‍सं जिमित मिश्र देशं हयादियागु? थन मरि मदु, लः नं मदु। थज्‍याःगु नसा नँनं जिपिं वाक्‍क जुइ धुंकल।”

गन्‍ती 23:22

परमेश्‍वरं इमित मिश्रं पित हयादीगु दु। इमिगु बल जंगली द्वहंयागु थें च्‍वँ।

गन्‍ती 23:24

इपिं मिसाम्‍ह सिंह थें दनी, अले हय्‌क्‍कायेत्‍यंम्‍ह सिंह थें दनी। थःगु शिकार मस्‍यातले, अले वयागु हि मत्‍वंतले व सुम्‍क च्‍वनी मखु।”

मत्ती 2:15

हेरोद जुजु मसीतले इपिं अन हे च्‍वनाच्‍वन। “जिं थःकाय्‌यात मिश्र देशं सःता” धकाः परमप्रभुं अगमवक्तायात धाय्‌कादीगु खँ थुकथं पूवन।

व्‍यवस्‍था 32:23

“जिं इमिथाय् छगूयां ल्‍यू मेगु आपत छ्वयाबी। जिं थःगु फुक्‍क वाणं इमित कय्‌के।

व्‍यवस्‍था 32:42

जिगु वाणतय्‌त हि त्‍वंके बी, अले जिगु तरवारं ला नइ। जिं फुक्‍क शत्रुतय्‌त स्‍यानाबी, कैदीतय्‌त तकं नं अले शत्रुतय् नायःतय्‌गु छ्यं ध्‍यनाबी।”

व्‍यवस्‍था 7:1

छिपिं अधिकार यायेत वनेत्‍यंगु देशय् परमप्रभु छिमि परमेश्‍वरं छिमित हयादीबलय् अले छिपिं स्‍वयाः यक्‍व ल्‍याः दुपिं व बल्‍लाःपिं थुपिं न्‍हय्‌गू जाति हित्ती, गिर्गाशी, एमोरी, कनानी, परिज्‍जी, हिव्‍वी व यबूसीतय्‌त छिमिगु न्‍ह्यःनं वय्‌कलं लिना छ्वयादीबलय्

यहोशू 2:10

छिकपिं मिश्र देशं पिहां झाःबलय् छिकपिनिगु न्‍ह्यःने परमेश्‍वरं लाल समुद्रया लः सुकादीगु अले यर्दन पुर्बयापिं एमोरीतय् निम्‍हं जुजु सीहोन व ओगयात छिकपिन्‍सं भज्‍यंक नाश यानादीगु नं जिमिसं न्‍यनागु दु।