गन्‍ती 23:9 - नेवाः बाइबल

⁹ ततःग्‍वःगु ल्‍वहं च्‍वकां जिं इमित खना ततःजाःगु गुँच्‍वकां जिं इमित स्‍वया। इपिं ला अलग च्‍वनीगु जाति खः। इमिसं थःपिन्‍त मेपिं स्‍वयाः अलग स्‍वइगु।

गन्‍ती 23:9 ပူးပေါင်းရင်းမြစ်များ

एज्रा 9:2

इस्राएलयापिं मिजंतय्‌सं मेगु जातियापिं मिस्‍तलिसें ब्‍याहा यानाच्‍वंगु दु। थुकथं परमेश्‍वरया पवित्र जाति स्‍यनावंगु दु। अले थ्‍व अपराधय् न्‍ह्यलुवा जुयाः यंकूगुलिइ मू नायःत व हाकिमत थुपिं हे खः।”

एस्‍तर 3:8

अले हामानं अहासूरस जुजुयात धाल, “छसपोलया राज्‍य दुने छगू जाति देय्‌या फुक्‍क प्रान्‍तय् मनूतय् दथुइ च्‍वनाच्‍वंगु दु। इपिं ब्‍यागल च्‍वना वयाच्‍वंगु दु। इमिगु रितिथिति मेगु फुक्‍क जातितय्‌गु स्‍वयाः पा। इमिसं छसपोलया नियम कानून नं मानय् मयाः। छिसं इमित सह यानाच्‍वनेगु बांलाः मजू।

प्रस्‍थान 33:16

जिपिंनापं मवंतले जि व जिमि मनूतय्‌सं छिगु दया जिमिके दु धकाः गथे यानाः सीकेगु? मेगु छु खं जि व छिकपिनि मनूत पृथ्‍वी च्‍वंपिं मनूत स्‍वयाः अलग जुइ?”

यर्मिया 46:28

हे जिम्‍ह दास याकूब, छ ग्‍याये मते, छाय्‌धाःसा जि छलिसें दु,” परमप्रभुं धयादी। “गुगु गुगु देशय् जिं छिमित छ्यालब्‍याल याना, व फुक्‍क देशयात नाश यानाबी। छिमित धाःसा भज्‍यंक नाश याये मखु। जिं छन्‍त सजाँय मब्‍यूसे त्‍वःते ला मखु अय्‌नं भिंकेबलय् खःकथं न्‍याय यानाः भिंके।”

यर्मिया 49:31

“छिपिं दँ! याउँक व मग्‍यासें च्‍वनाच्‍वंगु छगू जातियात हमला या,” परमप्रभुं धयादी। “इमि न ध्‍वाखा दु न गजबार दु। इपिं याकःचा च्‍वनाच्‍वंगु दु।

आमोस 9:9

“जिं आज्ञा बी, इस्राएलया घरानायात दक्‍व जातितय्‌गु दथुइ हासाय् अन्‍न हाःगु थें जिं हाये, छग्‍वः चिग्‍वःगु ल्‍वहं नं बँय् कुतुं वनी मखु।

मीका 7:14

हे परमप्रभु, छिं कथि ज्‍वनाः थः प्रजायात ज्‍वयादिसँ, नायुगु ख्‍यलय् व गुँइच्‍वनीपिं छिगु सर्बयया फैच्‍वलय्‌त ज्‍वयादिसँ। कर्मेल डाँडाया गुँइ याकःचा च्‍वंनाच्‍वंसां इपिं न्‍हापा थें हे बाशान व गिलादय् च्‍वंगु घाँय्‌ख्‍यलय् वनाः ज्‍वयेमा।

२ कोरिन्‍थी 6:17

अले हानं प्रभुं थथे धयादीगु दु – “छिपिं इमिगु पुचलं पिहां वा, अले छखे च्‍वँ। अशुद्ध खँ थी मते। अले जिं छिमित थः मनू याये।

व्‍यवस्‍था 32:8

दक्‍वसिबय् तःधंम्‍हय्‌सिनं जाति जातियात इमिगु सर्बय बियादिल। गबले वय्‌कलं मानव जातियात अलग अलग तयादिल अले इस्राएलीतय्‌गु ल्‍याःकथं इमिगु सिमाना क्‍वःछिनादिल।

व्‍यवस्‍था 33:28

अले इस्राएलीत याउँक च्‍वनाच्‍वनी, अन्‍न व न्‍हूगु दाखमद्यया देशय् आकाशं सुति लः कुतुं वइगु थासय् याकूबया सन्‍तान जक दयाच्‍वनी।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।