गन्‍ती 23:7 - नेवाः बाइबल

⁷ अले बालामं इमित थुकथं ईश्‍वरवाणी बिल, “झासँ, जिगु निंतिं याकूबयात सराः बियादिसँ! इस्राएलयात ख्‍याच्‍वः बियादिसँ! धकाः मोआबया जुजु बालाकं जितः अरामया पुर्बया डाँडांनिसें हल।

गन्‍ती 23:7 ပူးပေါင်းရင်းမြစ်များ

उत्‍पत्ति 10:22

शेमया काय्‌पिं – एलाम, अश्‍शूर, अर्पक्षद, लूद व अराम खः।

उत्‍पत्ति 28:2

पद्दन-आरामय् छिमि मांया बौ बतूएलया छेँय् वनाः छिमि पाजु लाबानया म्‍ह्याय्‌पिं मध्‍ये छम्‍हय्‌सित ब्‍याहा या।

उत्‍पत्ति 28:7

वं याकूब थः मांबौया खँ न्‍यनाः पद्दन-आरामय् वंगु खँ नं सिल।

२ शमूएल 21:21

वं इस्राएलीतय्‌त हेस्‍यात, अले दाऊदया दाजु शिमाहया काय् जोनाथनं वयात स्‍यानाबिल।

२ शमूएल 23:9

उपिं स्‍वम्‍ह बहादुर सिपाइँत मध्‍ये निम्‍हम्‍ह अहोही दोदैया काय् एलाजार खः। व दाऊदनापं पास-दम्‍मीमय् दुगु खः, गुगु थासय् लडाइँ यायेत मुपिं पलिश्‍तीतय्‌त इमिसं चुनौती ब्‍यूगु खः। इस्राएलीत बिस्‍युं वंबलय् व याकःचा हे दनाः लडाइँ जूगु थासय् ल्‍वानाच्‍वन।

अय्‍यूब 27:1

अले अय्‍यूबं थःगु भाषण हाकनं शुरु यात,

अय्‍यूब 29:1

अय्‍यूबं थःगु खँ धया तुं च्‍वन। वं धाल,

भजनसंग्रहया सफू 49:5

शत्रुतय्‌सं जितः घेरय् याइबलय् दुःखया इलय् नं जि ग्‍याये मखु।

भजनसंग्रहया सफू 78:2

जिं उखान छुनाः स्‍यनेकने याये। जिं न्‍हापायागु सुलाच्‍वंगु खँयात उलाः उखान छुनाः क्‍यने।

हितोपदेश 26:2

म्‍वाय्‌कं म्‍वाय्‌कं ब्‍यूगु सराः लगय् जुइ मखु। थ्‍व ला चखुंचा थें भुर्र ब्‍वयावनी, अले इखुंचा थें ब्‍वाँय् वनी।

इजकिएल 17:2

“अय् सीमानिम्‍ह मनू, इस्राएलया घरानायात थ्‍व बाखं व उखान धा,

इजकिएल 20:49

जिं धया, “हे परमप्रभु परमेश्‍वर, इमिसं ला जिगु बारे थथे धयाच्‍वंगु दु, ‘थ्‍वं उखान जक धाःगु, मखु ला?’”

मीका 2:4

उगु दिनय् मनूतय्‌सं छिमित हेस्‍याइ अले छिमित लाय्‌बुयाः थ्‍व बिलापया म्‍ये हाली, ‘जिपिं भज्‍यंक नाश जुल, जिमि मनूतय्‌गु सम्‍पत्ति इनाब्‍यूगु दु, वय्‌कलं थ्‍व जिपाखें लाकाकयादी। वय्‌कलं जिमिगु बुँ जिमित ध्‍वं लाइपिन्‍त इनाबियादी।’”

हबकूक 2:6

“छु इपिं दक्‍वसिनं थथे धयाः वयागु विरोधय् हिमस्‍याइ ला अले लाय्‌मबूइ ला, “‘खुँयागु मालताल मुंकीम्‍ह व लाकाहःगु मालतालं धनी जुइम्‍हय्‌सित धिक्‍कार! वं गुबलय् तक अथे याइ?’

गन्‍ती 22:11

‘मिश्रं वःपिं मनूत वयाः देशया फुक्‍क थाय् त्‍वपुइ धुंकल। छि झायाः जिगु निंतिं इमित सराः बियादिसँ। थथे यानादिल धाःसा सके जिं इपिं नापं ल्‍वानाः इमित लिनाछ्वये फइ ला।’”

गन्‍ती 22:17

छाय्‌धाःसा जिं छितः ततःधंगु सिरपाः बियाः हनेगु याये। अले छिं छु धयादी जिं व हे याये। अथे जुयाः झासँ थुपिं मनूतय्‌त जिगु लागिं सराः बियादिसँ।”

गन्‍ती 23:18

अले बालामं थ्‍व वचन धाल, “अय् बालाक दँ, अले न्‍यँ! अय् सिप्‍पोरया काय्, जिगु खँ न्‍यँ!

गन्‍ती 23:6

अले व लिहां वन। वं बालाक व मोआबया फुक्‍क नायःत थःगु होमबलिया लिक्‍क दनाच्‍वंगु खन।

गन्‍ती 24:15

अले वं परमेश्‍वरयागु थ्‍व वचन नवात, “थ्‍व बओरया काय् बालामया अगमवाणी खः, मिखां बांलाक खंके फुम्‍ह मनूया अगमवाणी,

गन्‍ती 24:21

अले वं केनीतपाखे स्‍वयाः थुकथं वचन नवात, “छिपिं बल्‍लाक च्‍वनाच्‍वंगु दु, छिमिगु स्‍वँ ल्‍वहँतय् दय्‌कातःगु दु।

गन्‍ती 24:23

वं थःगु वचन थथे धकाः नवात, “हाय, परमेश्‍वरं थथे यानादीबलय् सु जक ल्‍यनी?

गन्‍ती 24:3

अले वं परमेश्‍वरयागु थ्‍व वचन नवात, “थ्‍व बओरया काय् बालामया अगमवाणी खः, मिखां बांलाक खंके फुम्‍ह मनूया अगमवाणी,

मत्ती 13:33

वय्‌कलं इमित हानं मेगु उखान छुनादिल – “स्‍वर्गयागु राज्‍य थथे च्‍वं – छम्‍ह मिसां सोडा कयाः स्‍वफा छ्वचुंलय् ल्‍वाकछ्यानाः फुक्‍क थासय् मन्‍यंतले न्‍हायाच्‍वन। अले छ्वचुं फुक्‍कं फ्‍वंगाना वल।”

मत्ती 13:35

थुकथं अगमवक्तां थथे धकाः धयाथकूगु खँ पूवन – “जिं मनूतय्‌त उखान छुनाः जक खँ कने। संसारयागु सृष्‍टि जूसांनिसें सुचुकातःगु खँ उला बी।”

मर्कूस 12:12

वय्‌कलं कनादीगु थ्‍व उखान न्‍यनाः इमिसं थःपिन्‍त हे ध्‍याकाः धयादीगु खः धकाः थुइका काल। अले इमिसं वय्‌कःयात ज्‍वनेत स्‍वल। अय्‌नं इमिसं मनूत खनाः ग्‍यानाः ज्‍वने मछाल, अले इपिं सुम्‍क वनाछ्वत।

व्‍यवस्‍था 23:4

छिपिं मिश्रं वःबलय् इमिसं मरि व लः ज्‍वनाः लँय् छिमित नापलाः मवः। अले इमिसं अराम-नाहारैमया पतोरय् च्‍वनीम्‍ह बओरया काय् बालामयात छिमित सराः बीत धिबा बियाः सःतल।

१ शमूएल 17:10

अले व पलिश्‍तीं धाल, “थौंयागु न्‍हि जिं इस्राएलीतय्‌त क्‍वह्यंके। आँट दुसा जिनापं ल्‍वाये फुम्‍ह छम्‍ह मनू छ्वयाहिँ। अले झीपिं ल्‍वाये।”

१ शमूएल 17:36

छपिनि दासं सिंह व भालू निम्‍हय्‌सित नं स्‍याये धुनागु दु। थ्‍व परमेश्‍वरयात मानय् मयाइम्‍ह म्‍हय् चिं मतःम्‍ह पलिश्‍तीयात नं अथे हे यानाः स्‍यानाबी। वं म्‍वाःम्‍ह परमेश्‍वरया सिपाइँतय्‌त क्‍वह्यंकूगु दु।

१ शमूएल 17:45

दाऊदं लिसः बिल, “छ ला जिनापं ल्‍वायेत तरवार, भाला व च्‍वामुगु कथि ज्‍वनावःगु दु, तर जि छनापं ल्‍वायेत छं क्‍वह्यंकूम्‍ह इस्राएलया परमेश्‍वर दक्‍व शक्ति दुम्‍ह परमप्रभुया नामं वयागु दु।