गन्‍ती 23:3 - नेवाः बाइबल

³ अले बालामं बालाकयात धाल, “छि थःगु होमबलिया न्‍ह्यःने दनादिसँ। जि भचा उखे वने। जितः नापलायेत परमप्रभु झायादी ला! वय्‌कलं जितः छु क्‍यनादी व जिं छितः धाये।” उकिं व याकःचा हे बाझःगु डाँडाय् थहां वन।

गन्‍ती 23:3 ပူးပေါင်းရင်းမြစ်များ

उत्‍पत्ति 22:13

अब्राहामं उखेंथुखें स्‍वल। वं झालय् न्‍यकू तक्‍यनाच्‍वंम्‍ह भ्‍याःचा छम्‍ह खन। वं वयात ज्‍वनाहयाः थः काय्‌या पलेसा होमबलि बिल।

उत्‍पत्ति 22:2

परमेश्‍वरं धयादिल, “छिमि काय्, छं तसकं माया यानातःम्‍ह याकः काय् इसहाकयात ज्‍वनाः मोरीयाहया देशय् हुँ। जिं अन छगू पहाड क्‍यने, अन हे छं जिगु लागिं छिमि काय्‌यात होमबलि ब्‍यु।”

उत्‍पत्ति 8:20

नोआं परमप्रभुया लागि छगू बलि बीगु थाय् दय्‌कल। अले फुक्‍क कथंया शुद्धपिं पशु व पक्षी छम्‍ह छम्‍ह ल्‍ययाः होमबलि बिल।

प्रस्‍थान 18:12

अले यित्रों परमेश्‍वरया निंतिं होमबलि व मे मेगु बलि छाल। अले हारून व इस्राएलयापिं फुक्‍क थकालित मोशाया ससःबौ यित्रो नापं परमेश्‍वरया न्‍ह्यःने भ्‍वय् नयेत वल।

लेवी 1:1

परमप्रभुं मोशायात पवित्र पालया दुनें सःताः धयादिल,

गन्‍ती 23:12

वं लिसः बिल, “परमप्रभुं जिगु म्‍हुतुइ छु तयादिल व हे नवाये म्‍वाः ला?”

गन्‍ती 23:15

बालामं बालाकयात धाल, “जि परमप्रभुयात नापलाःवनेबलय् छि थन हे थःगु होमबलि नापं दनाच्‍वनादिसँ।”

गन्‍ती 23:2

बालामं धाःथें बालाकं यात, अले इमिसं वेदी पतिकं छम्‍ह छम्‍ह द्वहं व छम्‍ह छम्‍ह भ्‍याःचा छाल।

गन्‍ती 23:26

बालामं बालाकयात धाल, “परमप्रभुं जितः छु धयादीगु खः जिं व हे यायेमाः धकाः धयागु मखु ला?”

गन्‍ती 23:4

परमेश्‍वरं बालामयात नापलानादिल। बालामं वय्‌कःयात धाल, “जिं न्‍हय्‌गू वेदी दय्‌कागु दु। वेदी पतिकं छम्‍ह छम्‍ह द्वहंचा व भ्‍याःचा छायागु दु।”

गन्‍ती 24:1

परमप्रभुं इस्राएलीतय्‌त आशिष बीगु मनंतुनादीगु खँ थुयाः बालामं न्‍हापालिपा थें तन्‍त्रमन्‍त्र यायेगु त्‍वःताः थःगु ख्‍वाः मरुभूमिपाखे फस्‍वय्‌कल।

मत्ती 4:8

अनंलि शैतानं वय्‌कःयात तःजाःगु पहाडय् यंकाः संसारयागु बाबांलाःगु फुक्‍क राज्‍य व उमिगु वैभव क्‍यन।

यहोशू 24:10

तर जिं बालामयात सराः बीके मबिया। वं छिमित तःक्‍वः मछि सुवाः जक बिल। थुकथं छिमित बालाकया ल्‍हातं बचय् याना।