गन्‍ती 23:24 - नेवाः बाइबल

²⁴ इपिं मिसाम्‍ह सिंह थें दनी, अले हय्‌क्‍कायेत्‍यंम्‍ह सिंह थें दनी। थःगु शिकार मस्‍यातले, अले वयागु हि मत्‍वंतले व सुम्‍क च्‍वनी मखु।”

गन्‍ती 23:24 ပူးပေါင်းရင်းမြစ်များ

उत्‍पत्ति 49:27

बेन्‍यामीन ग्‍यानापुम्‍ह फ्‍याकाध्‍वं खः। सुथय् वं शिकार यानाहःगु नइ, अले बहनी लुटे यानाहःगु इनी।”

उत्‍पत्ति 49:9

यहूदा सिंहया मचा खः, व शिकारय् हे ब्‍वलन, सिंह थें व घ्‍वंस्‍यानाः ग्‍वारातुली। सुनां वयात थनेगु आँट याइ?

१ राजा 10:20

खुगुलिं त्‍वाथःया निखेंपाखे छम्‍ह छम्‍ह यानाः मुक्‍क झिंनिम्‍ह सिंह दु। सोलोमनया सिंहासन थें ज्‍याःगु सिंहासन संसारय् मेगु मदु।

२ इतिहास 9:18

उगु सिंहासनया खुगू त्‍वाथः व लुँयागु छगू तुति तयेगु पिर्का दु। थुपिं फुक्‍क सिंहासननापं स्‍वाःगु दु। फ्‍यतुयेगु थाय्‌या निखेंपाखें ल्‍हाः दिकेगु थाय् दु, अले उपिं ल्‍हाः दिकेगु थाय्‌नापं दनाच्‍वंपिं निम्‍ह सिंहत दय्‌कातःगु दु।

भजनसंग्रहया सफू 17:12

इपिं नयेपित्‍यानाः शिकार पियाच्‍वंपिं सिंह थें जूगु दु। छम्‍ह ल्‍याय्‌म्‍हम्‍ह सिंह थें इपिं शिकार यायेत सुलाच्‍वंगु दु।

हितोपदेश 30:30

सिंह, पशुतय् जुजु, अले सुं खनाः मग्‍याइम्‍ह।

यशैया 31:4

परमप्रभुं जितः थथे धयादी, “गथे सिंह वा तःधिकःम्‍ह सिंहं थःगु शिकारयात घुर्रघुर्र याइ, अले वयागु विरोधय् जवाःतय् फुक्‍क पुचः दनी अय्‌नं इमिगु सलं व ग्‍याइ मखु, न इमिगु हा सलं व थुखे उखे सनी। व थें तुं दक्‍व शक्ति दुम्‍ह परमप्रभु सियोन पर्वत व वया डाँडाय् लडाइँ यायेत क्‍वहां झायादी।

दानिएल 2:44

“उपिं जुजुतय्‌गु पालय् स्‍वर्गयाम्‍ह परमेश्‍वरं छगू राज्‍य पलिस्‍था यानादी। व हे राज्‍य गुबलें नाश जुइ मखु, उकियात मेगु जातितय्‌त नं बी मखु। वं उपिं फुक्‍क राज्‍यतय्‌त चुंचुं यानाबी अले इमित मदय्‌काबी। व धाःसा न्‍ह्याबलें दयाच्‍वनी।

आमोस 3:8

सिंह गर्जय् जुइबलय् सु मग्‍याइ? परमेश्‍वरं न्‍ववानादीबलय् सुनां अगमवाणी न्‍वमवासे च्‍वने फइ?

नहूम 2:11

ल्‍याय्‌म्‍हपिं सिंहत यक्‍व दुगु व तःधंगु निनवे शहर आः गन दु? थ्‍व थासय् सिंह व सिंहनी थः मस्‍तनापं याउँक व मग्‍यासे चाःहिला जुइगु खः।

नहूम 2:12

सिंहं थः मस्‍तय्‌त नकेत माक्‍व शिकार स्‍यानाहइगु, अले वया सिंहनीया निंतिं पशुतय्‌गु ला कुचा कुचा याइगु। वं शिकार यानाहःगु पशुतय्‌गु लां गुफा जाय्‌कीगु।

जकरिया 12:6

“उखुन्‍हु हे जिं यहूदाया नायःतय्‌त च्‍यानाच्‍वंगु सिँया दथुइ मकः वा थूतय्‌गु दथुइ च्‍यानाच्‍वंगु मिप्‍वाः थें दय्‌काबी। इमिसं जःखः च्‍वंपिं सकल मनूतय्‌त भस्‍म याइ। यरूशलेम धाःसा थःगु हे थासय् दयाच्‍वनी।

गन्‍ती 23:25

अले बालाकं बालामयात तमं धाल, “इमित सराः बीगु मखुसा आशिष नं बियादी मते!”

गन्‍ती 24:17

जिं वय्‌कःयात स्‍वये, तर आः थत्‍थें ला मखु। जिं वय्‌कःयात खंके, तर लिक्‍क हे ला मखु। याकूबं छगः नगु त्‍वइ, इस्राएलं छगू राजदण्‍ड पिहां वइ। वय्‌कलं मोआबया छ्यं तछ्यानादी। शेथया सन्‍तानयात नाश यानाबी।

व्‍यवस्‍था 33:20

अले गाद कुलया बारे वं धाल, “गादया देश तःकू याइम्‍ह परमेश्‍वरयात तःधंकेमा। इपिं सिंह थें अन च्‍वनाच्‍वनी, शिकारया लप्‍पू व छ्यं चिरिफायाबीत।

प्रकाश 5:5

अले छम्‍ह थकालिं जितः धाल – “ख्‍वय् मते, यहूदा कुलयाम्‍ह सिंह, दाऊदया तःधंम्‍ह सन्‍तानं थ्‍व भ्‍वंथू फ्‍यनेत व थुकी च्‍वंगु न्‍हय्‌गू छाप प्‍वलेत त्‍याकाः वये धुंकल।”