गन्‍ती 23:19 - नेवाः बाइबल

¹⁹ परमेश्‍वर मनू थें मखु, मखुगु खँ ल्‍हायेत, वय्‌कः मनू मखु, थःगु मन हिलेत। वय्‌कलं धयादीगु खँ गुबलें मजूगु दु ला? वय्‌कलं बचं बियाः छु व पूवंकामदी ला?

गन्‍ती 23:19 ပူးပေါင်းရင်းမြစ်များ

उत्‍पत्ति 26:3

छ परदेशी जुयाः अन हे च्‍वँ। जि छलिसें हे दइ, अले जिं छन्‍त आशिष बी। छाय्‌धाःसा जिं छिमि बाः अब्राहामलिसे छन्‍त व छिमि सन्‍तानयात थ्‍व हे देश बी धकाः बाचा चिनागु खः।

उत्‍पत्ति 28:15

जि छलिसें दु। छ न्‍ह्याथाय् वंसां जिं छन्‍त स्‍वयाच्‍वने। अले जिं छन्‍त थन हे लित हये। जिं छन्‍त बाचा चिनागु ज्‍या पूमवंतले त्‍वःते मखु।”

१ राजा 14:11

यारोबामया छेँयाम्‍ह सुं शहरय् सित धाःसा वयात खिचां नइ, बुँइ सित धाःसा गिद्धतय्‌सं नइ। परमप्रभुं थथे धयादीगु दु!’

२ राजा 15:12

थुकथं परमप्रभुं येहूयात धयादीगु वचन पूवन, “छं सन्‍तानं प्‍यंगूगु पुस्‍ता तक इस्राएलय् राज्‍य याइ।”

२ राजा 7:2

जुजुयात तिबः बियाच्‍वंम्‍ह कप्‍तानं परमेश्‍वरया मनूयात धाल, “स्‍वइदिसँ, परमप्रभुं स्‍वर्गया झ्‍याः चाय्‌कादिल धाःसां थथे जुइ फइ ला?” एलीशां लिसः बिल, “व छं थःगु हे मिखां खनी, तर छं उकिं नयेदइ मखु।”

१ इतिहास 17:17

हे परमेश्‍वर, थ्‍व छिगु मिखाय् चिधंगु खँ जुल, छाय्‌धाःसा छिं थःदासया घरानाया लिपा वइगु ईया बारे धयादिल। हे परमप्रभु परमेश्‍वर, छिं जितः छम्‍ह तःधंम्‍ह मनू भापियादीगु दु।

भजनसंग्रहया सफू 110:4

परमप्रभुं पाफयादीगु दु, अले उकिं थःगु मन हीकादी मखु, “मल्‍कीसेदेक थें छ न्‍ह्याबलेंयात पुजाहारी खः।”

भजनसंग्रहया सफू 132:11

परमप्रभुं दाऊदलिसें पाफयादिल, वय्‌कलं पाफयादीगु गुबलें लित कयादी मखु, “जिं छंगु सिंहासनय् छिमि सन्‍तान मध्‍ये छम्‍हय्‌सित तये।

भजनसंग्रहया सफू 77:9

परमेश्‍वरं दया माया यायेगु ल्‍वःमंकादिल ला? तमय् वयाः वय्‌कलं दया यायेगु त्‍वःतादिल ला?” सेला

भजनसंग्रहया सफू 89:34

जिं थःगु बाचा त्‍वथुले नं मखु, जिं थःगु म्‍हुतुं वयात बियागु बचं लित काये नं मखु।

भजनसंग्रहया सफू 89:35

जिं थःगु पवित्र नामय् न्‍ह्याबलेंया लागि बचं बियागु दु, जिं दाऊदलिसे गुबलें मखुगु खँ ल्‍हाये मखु।

यशैया 21:17

धनुष वाण कय्‌किपिं, केदारयापिं तसकं बल्‍लाःपिं मध्‍ये बचय्‌जूपिं कम जक ल्‍यं दइ।” परमप्रभु इस्राएलया परमेश्‍वरं थथे हे धयादीगु दु।

यशैया 31:2

अय्‌नं वय्‌कः धाःसा तसकं बुद्धि दुम्‍ह जुयादी अले वय्‌कलं नाश हयादी फु अले थःगु वचन लित कयादी मखु। मभिंगु ज्‍या याइपिनिगु घराना व अधर्म ज्‍या याइपिन्‍त ग्‍वाहालि बीपिनिगु विरोधय् वय्‌कः दनादी।

यशैया 40:8

घाँय् गनावनी अले स्‍वां हायावनी, तर झी परमेश्‍वरया वचन न्‍ह्याबलें दयाच्‍वनी।”

यशैया 46:11

पुर्बं हमला याइम्‍ह पंक्षी सःते अले ताताःपाःगु देशं जिगु इच्‍छा पूवंकेगु निंतिं जिं छम्‍ह मनूयात सःते। जिं छु धयागु दु व जिं पूवंके। जिं छु योजना दय्‌कागु दु व जिं पूवंके।

यशैया 55:11

जिगु म्‍हुतुं पिहां वःगु वचन अथे हे जुइ। व सितिकं जिथाय् लिहां वइ मखु, तर उकिं जिं मतिइ तयागु ज्‍या पूवंके, अले छु ज्‍याया निंतिं जिं वयात छ्वयाहयागु खः, उकी व ताःलाइ।

यर्मिया 4:28

अथे जुयाः पृथ्‍वी ह्वाँय्‌ह्वाँय् ख्‍वइ। आकाश खिउँसे च्‍वनी। जिं धायेधुन अले जिं थःगु मन हीके मखु। जिं क्‍वःछीधुन, जिं थःगु बिचाः हिले मखु।”

दानिएल 4:28

थ्‍व फुक्‍क खँ जुजु नबूकदनेसरयात जुल।

होशे 11:9

जिं जिगु तच्‍वकं च्‍याःगु तमं छुं नं याये मखुत, जिं एफ्राइमयात हाकनं भज्‍यंक नाश याये मखुत। छाय्‌धाःसा जि परमेश्‍वर खः, मनू मखु, जि परमपवित्र छिपिंनापं हे दु, जि तःच्‍वगु तमं छिमिथाय् वये मखु।

मीका 7:20

यक्‍व दँ न्‍ह्यः छिं पाफयाः जिमि पुर्खातय्‌त बचं बियादीगु थें याकूबपाखे छि विश्‍वास यायेबहः जुयादी, अले अब्राहामयात दयामाया यानादी।

हबकूक 2:3

थ्‍व दर्शन लिपाया निंतिं खः। थुकिं लिपा जुइगु खँ धाइ, अले थ्‍व मखुगु खँ जुइ मखु। थ्‍व खँ पूवनेगु लिपा लाःसां थ्‍वयात पियाच्‍वनी, छाय्‌धाःसा थ्‍व धात्‍थें हे पूवनी, अले लिपालाइ मखु।

मलाकी 3:6

दक्‍व शक्ति दुम्‍ह परमप्रभुं धयादी, “जि छिमि परमप्रभु गुबलें हिलीम्‍ह मखु। अथे जुयाः हे याकूबया सन्‍तान, छिपिं नाश मजूनि।

गन्‍ती 14:35

जि परमप्रभुं धयाच्‍वना, जिगु विरोधय् मूंपिं छिपिं मभिंगु खलःया मनूतय्‌त जिं थथे हे याये। थ्‍व हे मरुभूमिइ छिपिं फुक्‍कं सिनावनी।”

गन्‍ती 23:18

अले बालामं थ्‍व वचन धाल, “अय् बालाक दँ, अले न्‍यँ! अय् सिप्‍पोरया काय्, जिगु खँ न्‍यँ!

लूका 21:33

आकाश व पृथ्‍वी मदयावनी, अय्‌नं जिगु वचन मदयावनी मखु।”

रोमी 11:29

छाय्‌धाःसा वय्‌कलं ल्‍यय् धुंकूपिन्‍त त्‍वःतादी मखु, अले बियादी धुंकूगु वरदान लित कयादी मखु।

रोमी 9:6

यहूदी जातयापिन्‍सं थौं तकं ख्रीष्‍टयात विश्‍वास मयाःसां परमेश्‍वरं बाचा चिनाः धयादीगु वचन सितिं वंगु जुइ मखु। छाय्‌धाःसा यहूदी जातय् बूपिं सकलें परमेश्‍वरया मनूत मखु।

२ तिमोथी 2:13

झीपिं विश्‍वासी मजूसां वय्‌कः विश्‍वासी हे जुयाच्‍वनी, छाय्‌धाःसा वय्‌कलं थःम्‍हं थःत विश्‍वास यायेगु त्‍वःते फइ मखु।”

तीतस 1:2

गुबलें मखुगु खँ ल्‍हाना मदीम्‍ह परमेश्‍वरं न्‍हापांनिसें हे झीत अनन्‍त जीवन बियादी धकाः धयादीगु खः।

हिब्रू 6:18

थथे गुब्‍सं हिली मखुगु थ्‍व निता खं वय्‌कःपाखें बचय् जुया च्‍वनापिं झीत नं झीसं आशा यानाच्‍वनागु खँय् बल्‍लाना च्‍वनेत साहस बी।

हिब्रू 7:21

येशूयात वय्‌कलं पाफयादीगु खँ थुकथं च्‍वयातःगु दु – “परमेश्‍वरं थःगु मन हिले मखु धयाः थथे पाफयादिल – ‘छ सदांयात पुजाहारी जुइ।’”

याकूब 1:17

फुक्‍क भिंगु भिंगु व सिद्धगु वरदान च्‍वं, आकाशय् च्‍वंगु फुक्‍क जः सृष्‍टि यानादीम्‍ह परमेश्‍वरपाखें वःगु खः। परमेश्‍वर गुबलें हिली मखु, वय्‌कः हिलिगु किचः थें नं मखु।

याकूब 4:5

परमेश्‍वरं झीत बियादीगु आत्‍मायात जक यय्‌क च्‍वनाच्‍वनेमाः धकाः धर्मशास्‍त्रय् च्‍वयातःगु खः।

यहोशू 21:45

इस्राएलयापिं मनूतय्‌त बियादीगु छगू छगू बचं परमप्रभुं पूवंकादिल।

१ शमूएल 15:29

परमप्रभु, इस्राएलया गौरव खः, वय्‌कलं मखुगु खँ ल्‍हानादी मखु, अले थःगु मन हीकादी मखु। थःगु मन हीकादीत वय्‌कः मनू मखु।”

१ शमूएल 3:12

उखुन्‍हु हे जिं एली व वया परिवारया विरोधय् धयागु फुक्‍क खँ शुरुंनिसें अन्‍त तक हे पूवनी।