गन्‍ती 23:14 - नेवाः बाइबल

¹⁴ बालाकं वयात पिसगाया च्‍वकाय् च्‍वंगु सोफीम धाःगु माथंवंगु थासय् यंकल। वं अन नं न्‍हय्‌गू वेदी दय्‌काः वेदी पतिकं छम्‍ह छम्‍ह द्वहं व छम्‍ह छम्‍ह भ्‍याःचा छाल।

गन्‍ती 23:14 ပူးပေါင်းရင်းမြစ်များ

यशैया 46:6

मनूतय्‌सं थःगु म्‍हिचात चाय्‌काः लुँ प्‍वंकी, अले वहः ताल्‍जुइ लनी। इमिसं कारिगरयात ज्‍याला बियाः द्यःतय्‌गु मूर्ति दय्‌केबी। अले इपिं उकिया न्‍ह्यःने क्‍वछुनाः भागि याइ अले उकियात पुजा याइ।

होशे 12:11

गिलाद दुष्‍ट खः ला? अन च्‍वंपिं मनूत ज्‍यालगय्‌ मजूपिं खः! इमिसं गिलगालय् द्वहंतय्‌त बलि छाइ ला? इमिगु वेदीत बुँ पालिपिन्‍सं बुँइ ल्‍वहं मुंकातःगु थें जुइ।

गन्‍ती 21:20

अनं इपिं मोआबया गालय् वन। अन दुगु पिसगाया च्‍वकां मरुभूमि खने दु।

गन्‍ती 23:13

अले बालाकं वयात धाल, “जिनापं मेथाय् झासँ। अनं इपिं मध्‍ये गुलिं गुलिंसित जक खनी। छिं इमित जक जूसां जिगु निंतिं सराः बियादिसँ।”

गन्‍ती 23:15

बालामं बालाकयात धाल, “जि परमप्रभुयात नापलाःवनेबलय् छि थन हे थःगु होमबलि नापं दनाच्‍वनादिसँ।”

गन्‍ती 23:29

बालामं बालाकयात धाल, “जिगु निंतिं थन न्‍हय्‌गू वेदी दय्‌काः न्‍हय्‌म्‍ह द्वहं व न्‍हय्‌म्‍ह भ्‍याःचा तयार यानादिसँ।”

व्‍यवस्‍था 3:27

पिसगाया च्‍वकाय् हुँ अले पुर्ब, पच्‍छिम, उत्तर, दच्‍छिन प्‍यखेरं स्‍व। थःगु हे मिखां व देशयात स्‍व। छाय्‌धाःसा छ यर्दनया उखे वने खनी मखु।

व्‍यवस्‍था 34:1

अनं लिपा मोशा मोआबया ख्‍यलं यरीहो शहरया उखे पिसगा गुँझ्‍वःया नेबो पर्वत च्‍वकाय् थाहां वन। अनं परमप्रभुं वयात फुक्‍क देश क्‍यनादिल – गिलादंनिसें दान तक,

व्‍यवस्‍था 4:49

यर्दनया पुर्बय् पिसगाया पाचाया क्‍वय् च्‍वंगु मृत सागर तक इस्राएलीतय्‌सं फुक्‍क अराबा त्‍याका काल।