गन्‍ती 22:9 - नेवाः बाइबल

⁹ परमेश्‍वर बालामयाथाय् झायाः न्‍यनादिल, “छनापं च्‍वनाच्‍वंपिं थुपिं मनूत सु खः?”

गन्‍ती 22:9 ပူးပေါင်းရင်းမြစ်များ

उत्‍पत्ति 16:8

अले वयात न्‍यनादिल, “साराईया दासी हागार, छ गनं वयागु, अले गन वनेत्‍यनागु?” वं लिसः बिल, “जि थः मालिकनी साराईपाखें बिस्‍युं वनाच्‍वनागु खः।”

उत्‍पत्ति 20:3

छन्‍हु चान्‍हय् म्‍हगसय् वयाः परमेश्‍वरं अबीमेलेकयात धयादिल, “छ आः याकनं सी, छाय्‌धाःसा छं हःम्‍ह मिसा ब्‍याहा जुइ धुंकूम्‍ह खः।”

उत्‍पत्ति 31:24

उखुन्‍हु हे चान्‍हय् परमेश्‍वरं म्‍हगसय् वयाः लाबानयात धयादिल, “होश या, छं याकूबयात छुं कथं ख्‍याये मते।”

उत्‍पत्ति 4:9

अले परमप्रभुं कयिनयात धयादिल, “छिमि किजा हाबिल ग्‍व?” कयिनं लिसः बिल, “जिं मस्‍यू। जि जिमि किजाया जवाः खः ला?”

उत्‍पत्ति 41:25

योसेफं फारोयात धाल, “महाराजया निगू म्‍हगसयागु नं अर्थ छगू हे खः। परमेश्‍वरं थःम्‍हं यायेत्‍यनागु खँ महाराजयात क्‍यनादीगु खः।

प्रस्‍थान 4:2

परमप्रभुं वयात धयादिल, “छंगु ल्‍हातय् छु दु?” वं धाल, “कथि।”

दानिएल 2:45

पर्वतं मनूतय्‌गु ल्‍हातं मथीकं तज्‍यानावःगु ल्‍वहं अले उकिं नँ, कँय्, चा, वहः व लुँयात चुंचुं याःगु छःपिन्‍सं खनादिल। वपाखें तःधंम्‍ह परमेश्‍वरं महाराजयात लिपा छु छु जुइतिनि धकाः क्‍यनादीगु दु। “म्‍हगस धात्‍थेंयागु खः अले अर्थ विश्‍वास यायेबहः जू।”

गन्‍ती 22:10

बालामं परमेश्‍वरयात धाल, “मोआबया जुजु सिप्‍पोरया काय् बालाकं जिथाय् थ्‍व खँ छ्वयाहयादीगु दु,

गन्‍ती 22:20

परमेश्‍वर व चान्‍हय् बालामयाथाय् झायाः वयात धयादिल, “थुपिं मनूत छन्‍त सःतेत वःगुलिं इपिं नापं हुँ, अय्‌नं जिं छन्‍त छु छु धाये व हे जक छं या।”

गन्‍ती 22:8

बालामं इमित धाल, “थौं चान्‍हय् थन हे च्‍वनादिसँ, अले परमप्रभुं जिनापं गथे खँ ल्‍हानादी व हे जिं छिकपिन्‍त कने।” अथे जुयाः मोआबी जुजुया मू मनूत व नापं बाय् च्‍वन।

मत्ती 24:24

छाय्‌धाःसा उबलय् फताहा ख्रीष्‍टत व फताहा अगमवक्तात खनेदय्‌कः वइ। इमिसं फतिंफतले परमेश्‍वरं ल्‍ययातःपिं मनूतय्‌त झंगःलायेत ततःधंगु चिं व अजू चायापुगु ज्‍या यानाक्‍यनी।

मत्ती 7:22

न्‍याय याइखुन्‍हु यक्‍वसिनं जितः थथे धाइ – ‘प्रभु, प्रभु, छिगु नामं जिमिसं अगमवाणी कना मवया ला? छिगु हे नामं भूत दुबिना च्‍वंपिं मनूतय्‌त लाय्‌का मवया ला? अले छिगु हे नामं यक्‍व हे अजू चायापुगु ज्‍या मयाना ला?’

यूहन्‍ना 11:51

थ्‍व खँ वं थःम्‍हं हे धाःगु मखु, बरु उगु दँयाम्‍ह दकलय् तःधंम्‍ह पुजाहारी जूगुलिं यहूदीतय्‌गु निंतिं येशू सी हे माः धकाः अगमवाणी नवाःगु खः।