गन्‍ती 22:6 - नेवाः बाइबल

⁶ थुकथं झासँ, थुमित सराः बियादिसँ छाय्‌धाःसा इपिं जि स्‍वयाः बल्‍लाः। अथे यानादिल धाःसा सके जिं इमित त्‍याकाः देशं लिनाछ्वये फइ ला। छिं सुयात आशिष बियादी वयात आशिष लाइ, अले सुयात सराः बियादी वयात सराः लाइ धकाः जिं बांलाक स्‍यू।”

गन्‍ती 22:6 ပူးပေါင်းရင်းမြစ်များ

उत्‍पत्ति 12:3

छन्‍त आशिष ब्‍यूपिन्‍त जिं नं आशिष बी, छन्‍त सराः ब्‍यूपिन्‍त जिं नं सराः बी। छपाखें हे संसारय् च्‍वंपिं दक्‍व जातितय्‌सं आशिष काइ।”

उत्‍पत्ति 27:29

थीथी जातिं छंगु सेवा यायेमा, मनूतय्‌सं छन्‍त भागि यायेमा, छं दाजुकिजाया छ मालिक जुइमा, छं किजापिन्‍सं छन्‍त भागि यायेमा, छन्‍त सराः बीपिं फुक्‍कसित सराः लायेमा, छन्‍त आशिष बीपिं फुक्‍कसिनं आशिष कायेमा।”

१ राजा 22:13

मीकायायात सःताहयेत वंम्‍ह दूतं वयात धाल, “स्‍वयादिसँ, फुक्‍क अगमवक्तातय्‌सं जुजु त्‍याइ धकाः अगमवाणी ल्‍हानाच्‍वंगु दु। छिं नं अथे हे धयादिसँ। बांलाःगु खँ धयादिसँ।”

१ राजा 22:6

उकिं इस्राएलयाम्‍ह जुजुं प्‍यसःम्‍ह (४००) अगमवक्तातय्‌त मुंकाः इमित न्‍यन, “जिं रामोत-गिलादय् हमला याये ला कि मयाये?” इमिसं लिसः बिल, “हमला यानादिसँ, छाय्‌धाःसा परमप्रभुं व छिगु ल्‍हातय् बियादी।”

१ राजा 22:8

इस्राएलयाम्‍ह जुजुं यहोशापातयात धाल, “परमप्रभुयाके न्‍यनेत मेम्‍ह छम्‍ह मनू ला दु, तर व जितः तसकं मयः, छाय्‌धाःसा वं जिगु बारे भिंगु अगमवाणी ल्‍हाइ मखु। वं मभिंगु खँ जक धाइगु। व यिम्‍लाया काय् मीकाया खः।” यहोशापातं लिसः बिल, “जुजुं थथे धाये मज्‍यू।”

नहेम्‍याह 13:2

छाय्‌धाःसा इपिं मरि व लः ज्‍वनाः इस्राएलीतलिसे नापलाः मवः अले हानं इमित सराः बीत बालामयात ज्‍याला बियाः सःतल। अय्‌नं जिमि परमेश्‍वरं व सराःयात सुवाय् हिलादिल।

भजनसंग्रहया सफू 109:28

इमिसं जितः सराः बी फु, अय्‌नं छिं जितः सुवाः बियादी। जितः सास्‍ती बीपिं मछालेमा छिकपिनि दास धाःसा लय्‌ताये दयेमा।

हितोपदेश 26:2

म्‍वाय्‌कं म्‍वाय्‌कं ब्‍यूगु सराः लगय् जुइ मखु। थ्‍व ला चखुंचा थें भुर्र ब्‍वयावनी, अले इखुंचा थें ब्‍वाँय् वनी।

इजकिएल 13:6

इमिगु दर्शनत धात्‍थेंगु मखु व इमिगु ज्‍वखना फताहा खः। इमिसं धाइगु, “परमप्रभुं धयादी,” तर परमप्रभुं इमित छ्वयाहयादीगु हे मखु। अय्‌नं इमिसं इमिगु वचन पूरा जुइ धकाः आसा याइ।

मीका 6:5

हे जि प्रजा, मोआबया जुजु बालाकं छु सल्‍लाह याःगु खः? अले बओरया काय् बालामं वयात छु लिसः बिल व लुमंकी। शित्तिमंनिसें गिलगाल तकयागु यात्रायात लुमंकी। अले छिमिसं परमप्रभुया धार्मिकताया ज्‍या सीके फयेमा।”

गन्‍ती 22:12

परमेश्‍वरं बालामयात धयादिल, “छ इपिं नापं वने मते। छं इमित सराः बी मते, छाय्‌धाःसा इपिं आशिष लाःपिं खः।”

गन्‍ती 22:17

छाय्‌धाःसा जिं छितः ततःधंगु सिरपाः बियाः हनेगु याये। अले छिं छु धयादी जिं व हे याये। अथे जुयाः झासँ थुपिं मनूतय्‌त जिगु लागिं सराः बियादिसँ।”

गन्‍ती 23:13

अले बालाकं वयात धाल, “जिनापं मेथाय् झासँ। अनं इपिं मध्‍ये गुलिं गुलिंसित जक खनी। छिं इमित जक जूसां जिगु निंतिं सराः बियादिसँ।”

गन्‍ती 23:27

अले बालाकं बालामयात धाल, “झासँ, आः जिं छितः मेथाय् यंके। अनं ला परमेश्‍वरं छितः इमित सराः बीके बी ला?”

गन्‍ती 24:9

इपिं सिंहं थें फ्‍यतुनाच्‍वनी, मिसाम्‍ह सिंहयात थें इमित सुनां थने फइ? इमित आशिष ब्‍यूपिन्‍त आशिष लाइ, इमित सराः ब्‍यूपिन्‍त सराः लाइ।”

प्रेरित 16:16

छन्‍हु प्रार्थना यायेगु थासय् वनाच्‍वनाबलय् मभिंम्‍ह आत्‍मायागु शक्तिं ल्‍हाः स्‍वइम्‍ह छम्‍ह दासीयात जिमिसं नापलात। वं व ज्‍या यानाः वया मालिकयात यक्‍व धिबा कमय् यानाबी धुंकल।

व्‍यवस्‍था 23:4

छिपिं मिश्रं वःबलय् इमिसं मरि व लः ज्‍वनाः लँय् छिमित नापलाः मवः। अले इमिसं अराम-नाहारैमया पतोरय् च्‍वनीम्‍ह बओरया काय् बालामयात छिमित सराः बीत धिबा बियाः सःतल।

यहोशू 24:9

हानं मोआबयाम्‍ह जुजु सिप्‍पोरया काय् बालाकं इस्राएलनापं लडाइँ यात। अले वं छिमित सराः बीत बओरया काय् बालामयात सःतके छ्वल।

१ शमूएल 17:43

वं दाऊदयात धाल, “छु जि खिचा खः ला? कथि च्‍वनाः जिनापं ल्‍वाः वयेत!” अले वं थः द्यःतय्‌गु नां कयाः दाऊदयात सराः बिल।